သုံးဘာသာကူးပြောင်းလာတဲ့ စကားလုံး

တစ်နေ့က ဆူးလေဘုရားလမ်းက ဖြတ်လာတုန်း ဆာကူရာတာဝါရဲ့ အပေါ်ဆုံးအထပ်မှာ ဖွင့်ထားတဲ့ စားသောက်ဆိုင် နာမည်ကို တွေ့လိုက်တော့ ဒီအကြောင်းပြောဖို့ သတိရလိုက်တယ်။ အဲ့ဒီဆိုင်ရဲ့ နာမည်မှာ bistro ဆိုတဲ့ စကားလုံးပါတယ်။ အဲ့ဒီ bistro ရဲ့ အဓိပ္ပါယ်ကို စာဖတ်သူတို့လည်း ရှာကြည့်ဖူးမှာပါ။ Bistro ရဲ့အဓိပ္ပါယ်ကတော့ small restaurant ပါ။ စားသောက်ဆိုင်ငယ်လေးတစ်ခုလို့ အဓိပ္ပါယ်ရတယ်။ ဒီစကားလုံးကို ပြင်သစ်စကားကနေ မွေးစားထားတာ ဖြစ်တယ်လို့ ဆိုကြပေမဲ့ သူ့ရဲ့ တစ်ကယ့် ဇစ်မြစ်က ရုရှားစကားက ဖြစ်တယ်ဆိုတာကိုအံ့သြဖွယ် တွေ့ရှိခဲ့ကြတယ်။ ဒီစကားလုံးက ပြင်သစ်စကားကို ဘယ်လိုရောက်လာခဲ့ပါသလဲ။ ၁၈၁၅ ခုနှစ်တုန်းက ဝါးတာလူးစစ်ပွဲမှာ နပိုလီယံ စစ်ရှုံးပြီးနောက် ရုရှားတပ်တွေဟာ ပါရီမြို့ကိုဝင်ရောက် သိမ်းပိုက်ခဲ့ကြတယ်။ ရုရှားစစ်သည်တွေဟာ မြို့ထဲမှာရှိတဲ့ ဘားတွေ၊ စားသောက်ဆို်င်တွေမှာ သွားရောက် စားသောက်ကြတဲ့အခါ သူတို့မှာထားတဲ့ အစားအသောက်တွေကို မြန်မြန်လုပ်ပြီးလာချပေးဖို့ ရုရှားလို 'Bweestra' (Quickly - မြန်မြန်လုပ်) လို့ အော်အော်ပြောလေ့ ရှိသတဲ့။ အဲ့ဒီလိုမှာလေ့ရှိတဲ့ အလေ့အထကနေ Bweestra ရဲ့ ရုရှားအသံထွက်ကို ယူပြီး bistro ဆိုတဲ့ စားသောက်ဆိုင်နဲ့ နွယ်တဲ့ စကားလုံးကို တီထွင် သုံးဆွဲခဲ့ရာက ယနေ့ bistro (စားသောက်ဆိုင်) ဆိုတဲ့ စကားလုံးပေါ်ပေါက်လာခဲ့ပါတယ်။

အင်္ဂလိပ်တွေလည်း ယတြာချေတတ်သလား

တစ်ခုခု ဆိုးဆိုးဝါးဝါး၊ အလွဲလွဲအချော်ချော် ဖြစ်မှာကို စိုးရိမ်တဲ့အခါ အဲ့ဒီလိုတွေ မဖြစ်အောင် ယတြာချေတတ်ကြတဲ့ အလေ့အထ ကျွန်တော်တို့ဆီမှာရှိပါတယ်။ တစ်ချို့ အင်္ဂလိပ်တွေကလည်း ဒီလိုစိုးရိမ်မှုတွေ ရှိလာရင် လွဲဖယ်စေဖို့ စကားအားဖြင့် ယတြာချေတဲ့ သဘောပြောကြတာတွေ ရှိပါတယ်။ အဲ့ဒီစကားတွေထဲကတစ်ခုကတော့ 'break a leg' ဆိုတဲ့စကားပါ။ အထူးသဖြင့် ပြဇာတ် ကသူတွေဟာ ကိုယ်စင်ပေါ်တက် ဖျော်ဖြေရမယ့် အလှည့်ရောက်လာရင် တစ်ယောက်နဲ့ တစ်ယောက် wish မလုပ်ရဲပါဘူး။ Good luck လို့ မပြောရဲပါဘူး။ ဘာကြောင့်လဲဆိုရင် အဲ့ဒီလို wish လုပ်မိတာနဲ့ စင်ပေါ်ရောက်ရင် တစ်ခုခု အမြဲဖြစ်တတ်တယ်လို့ အယူသီးကြပါတယ်။ အဲ့ဒီတော့ ယတြာချေတဲ့ အနေနဲ့ 'break a leg' ခြေကျိုးအောင် လုပ်ခဲ့ချေလို့ ပြောလေ့ရှိသတဲ့။ အဲ့ဒီလိုပြောလိုက်ရင် ဘာမှမဖြစ်ဘဲ အားလုံး ချောချောမောမော အဆင်ပြေလေ့ရှိတယ်လို့ ယုံကြည်ကြတယ်။ ဒီစကားပေါ်လာခဲ့တဲ့ ဇစ်မြစ်ကတော့ ပြဇာတ်လောက မဟုတ်ဘဲ မြင်းပြိုင်ပွဲက လာတာ ဖြစ်ပါတယ်။ မြင်းပြိုင်ပွဲတစ်ခုမှာ အဆိုးဆုံး ဖြစ်နုိင်တာကတော့ ပြိုင်မြင်းခြေကျိုးသွားတာပဲပေါ့။ ဒါကြောင့် ဒီလိုမျိုး'break a leg' ဆိုပြီးပြောင်းပြန် wish လုပ်တာကို reverse psychology လို့ခေါ်ပြီး 'ခြေကျိုးတဲ့အထိ ပြေးပစ်လိုက်စမ်း' လို့ စိတ်ဓါတ် မြှင့်တင်ပေးလိုက်တဲ့ သဘောပေါ့။ 'Break a leg' ဆိုတဲ့ စကားပေါ်ပေါက်ခဲ့တဲ့ ကာလ ကတော့ ၂၀ ရာစု အစောပိုင်း သို့မဟုတ် အလယ်ပိုင်းလောက်က ယူကေထက် အရင် အမေရိကားမှာ စပြီးပေါ်ပြူလာ ဖြစ်ခဲ့တယ်လို့ ဆိုပါတယ်။ သရုပ်ဆောင်လောကမှာ အဲ့ဒီလိုမျိုး ယတြာချေတဲ့ သဘောနဲ့ ပြောတဲ့ အလားတူနောက်တစ်ခွန်းက 'bust a gut' လို့ ခေါ်ပြီး အစွမ်းကုန် ကြိုးစားပစ်လိုက် လို့ အဓိပ္ပါယ်ရပါတယ်။ ဒီစကားပေါ်လာခဲ့တာ ၂၀ ရာစုအစောပိုင်းကမှ ဖြစ်ပြီး ခန္ဓာဗေဒနဲ့ တွေးကြည့်ရင် gut ဆိုတဲ့ အူတွေတောင်ပွင့်ထွက် bust ဖြစ်သွားအောင် အသံကုန် ဟဲပစ်လိုက်လို့ အဓိပ္ပါယ်ရတဲ့ အားပေးစကားလို့ ဆိုပါတယ်။ ဗမာဆန်ဆန်ပြောရရင် ရင်ကွဲအောင် ဆိုပစ်လိုက် ပေါ့နော်။

မိတ်ဖွဲ့တာကိုဘာကြောင့် ရေခဲခွဲတယ်လို့ ဆိုတာလဲ။

အလှု၊ မင်္ဂလာဆောင်၊ ပါတီလိုမျိုး လူစိမ်းအများစု စုဝေးရာ နေရာတွေမှာရော၊ အရေးပါတဲ့ အစည်းအဝေးလို လူနည်းစုတွေ့ဆုံပွဲအပါအဝင် တစ်ဦးချင်းချိန်းဆိုတွေ့ဆုံပွဲမှာပါ အရေးပါတဲ့ အလုပ်တစ်ခုကတော့ breaking the ice လို့ခေါ်တဲ့ ရေခဲခွဲတဲ့ အလုပ်ပါဘဲ။ To break the ice ဆိုတာ စကားစမြည် ပြောရင်း ရင်းနှီးမှုကို ပိုကောင်းလာအောင်လုပ်တာ၊ လူစိမ်းတွေအနေနဲ့ အတူတူ ရှိနေချိန်မှာ တစ်ယောက်နဲ့တစ်ယောက် မိတ်ဆက်ပြီး စကားရှာကြံပြောတာက နေရတာ ထိုင်ရတာ သက်တောင့် သက်သာရှိအောင် လုပ်တာကိုပြောတာပေါ့။ အနောက်နိုင်ငံတွေမှာနဲ့ အချို့ နိုင်ငံတော်တော်များများမှာ လူတွေ စုဝေးတွေ့ဆုံရာ event တွေမှာ breaking the ice လုပ်တတ်ဖို့ကို ဂရုတစိုက် လေ့ကျင့်ကြတယ် လို့ ကြားဖူးပါတယ်။ ဒီစကားရဲ့ မူရင်း sense ကိုက ရေခဲခွဲတာကနေ လာတာဆိုတာရှင်းပါတယ်။ အရမ်းအေးတဲ့ ရာသီဥတုရှိတဲ့ အရပ်ဒေသတွေမှာရှိတဲ့ ပင်လယ်၊ သမုဒ္ဒရာရေပြင်တွေဟာ အေးခဲ နေတဲ့အခါ သင်္ဘောတွေ သွားလာလို့ ရအောင် ရေခဲခွဲသင်္ဘောက ရေခဲပြင်ကို ရှေ့ကခွဲသွားပြီး သူခွဲသွားတဲ့ လမ်းကြောင်းအတိုင်း သင်္ဘောတွေက လိုက်မောင်းရပါတယ်။ အရမ်းအေးတာမို့ ခွဲထားတဲ့ ရေခဲပြင်က ခဏလေးနဲ့ ပြန်ဆက်သွားတတ်တာဖြစ်လို့ ရေခဲခွဲသင်္ဘောနောက်က အခြားသင်္ဘောတွေက တောက်လျှောက် လိုက်မောင်းရတယ် ဆိုပါတယ်။ အဲ့ဒါကို ပမာပြုပြီး မိတ်ဆက်ရုံသက်သက် မဟုတ်ဘဲ စကားစမြည် ဆက်ပြောပြီး ခင်မင်မှု တိုးအောင်လုပ်တာကို breaking the ice လို့ ပြောကြတာ ဖြစ်ပါတယ်။

ဒီစကားကို ၁၅၉၇ ခုနှစ်လောက်က ရေးခဲ့တဲ့ Francis Bacon ရဲ့ Of Cunning ဆိုတဲ့ အက်ဆေးမှာ idiomatic expression တစ်ခုအနေနဲ့ သုံးခဲ့တာကိုတွေ့ရပါတယ်။ စကားပြောနည်းအကြောင်း ရေးထားတဲ့ ဒီအက်ဆေးမှာ ဆွဲဆောင်ပြောဆိုနည်းဆိုတဲ့ persuasive argument မှာ စကားပြောနေတုန်း စကားရှိန်တက်လာတာနဲ့ ပြောလက်စ စကားကို ရပ်ပြီး break off လုပ်ချလိုက်တာ နားထောင်နေသူတွေက ကိုယ်ဆက်ပြောမယ့် အကြောင်းအရာကို ပိုပြီးသိချင်စိတ် ဖြစ်လာအောင် နှိုးဆွပြီး သူတို့ဆီက ထပ်မေးလာတဲ့ မေးခွန်းတွေကို ဆက်ဖြေသွားရင်းနဲ့ ကိုယ်ပြောချင်တာကို ရိုက်သွင်းတဲ့နည်းကိုပြောတာပါ။

In things that are tender and unpleasing, it is good to break the ice by some whose words are of less weight, and reserve the more weighty words to come in, as by chance.
(နူးညံ့ သိမ်မွေ့ တဲ့စကားကို ပြောရင် ပေါ့ပါး တဲ့ စကားတွေ နဲ့စပြောပြီး တစ်ဖတ်သားရဲ့ အာရုံကိုရအောင် ခေတ္တ ဆိုင်းပြီးမှ လေးနက်တဲ့ စကားကို အကြောင်းတိုက်ဆိုင်တဲ့ ပုံစံနဲ့ ပြောပါလေ)

ကဲ…..စကားရှည်သွားပြီ။ ဒီလောက်ဘဲနော်။


Lock Stock and Barrel 1998; As Right as Rain by Croline Taggart 2013 စာအုပ်မှ ကိုးကားဘာသာပြန်ထားတာ ဖြစ်ပါတယ်။

LESSONS FROM OUR ARCHIVE

အခြားသင်ခန်းစာများ ဖတ်ရှု လေ့လာရန် link - http://www.myanmar-network.net/page/index-of-articles-and-english-lessons


Myanmar Network အသင်းဝင်ထားခြင်းဖြင့် ရရှိမည့် အကျိုးကျေးဇူးများ ]

- အင်္ဂလိပ်စာသင်ခန်းစာနှင့် အလုပ်ခေါ်စာအသစ်များ၊ UK စာမေးပွဲ သတင်းများ နှင့် အင်္ဂလိပ်စာသင်တန်း သတင်းများကို အသင်းဝင်များထံသာလျှင် e-mail ဖြင့် အကြောင်းကြားပေးမှာ ဖြစ်ပါသည်။
- ဗြိတိသျှကောင်စီမှ ကြီးမှူးကျင်းပသော ပွဲများကို အသင်းဝင်များသာ ကြိုတင်သိရှိပြီး အသင်းဝင်မဟုတ်သူများထက်စော၍ စာရင်းပေးသွင်းနိုင်ပါသည်။
- Myanmar Network ဝက်ဆိုက်ဒ်တွင် အသင်းဝင်များသာလျှင် like နှင့် comment ပေးနိုင်မည်ဖြစ်သည်။
- စကားဝိုင်းများ (Forum များတွင်)နှင့် အလုပ်ခေါ်စာများကိုလည်း ကိုယ်တိုင်ဝင်ရောက်ရေးသားနိုင်ပါသည်။
- အသင်းဝင်များတွင် ကိုယ်ပိုင် Profile Page ရှိမည်ဖြစ်ပြီး မိမိ၏ ဓာတ်ပုံ၊ မိမိကိုယ်တိုင်ရိုက်ထားသော ဓာတ်ပုံများနှင့် ဗီဒီယိုများလည်း တင်နိုင်မည် ဖြစ်သည်။

- Join us now at - www.myanmar-network.net/main/authorization/signUp

 

Views: 1264

Reply to This

Featured Discussions

© 2019   Created by Myanmar Network.   Powered by

Badges  |  Report an Issue  |  Terms of Service