ခေါင်းဆောင်ကောင်းတွေရဲ့ အမူအကျင့်

ကိုယ့်ရဲ့ ခေါင်းဆောင်တစ်ယောက် က ခေါင်းဆောင်ကောင်းပီသတဲ့သူလား၊ မပီသတဲ့သူလားဆိုတာ ဒီအချက်တွေက ပြောပြပါလိမ့်မယ်။ ဒီတစ်ပတ်မှာတော့ ခေါင်းဆောင်ကောင်းတွေမှာရှိတဲ့ အရည် အချင်းတွေ၊ စွမ်းရည်တွေကို ဖော်ပြပေး သွားပါမယ်။ သင့်မှာ ခေါင်းဆောင်ကောင်း ရှိသလား။ ဒါမှမဟုတ် ခေါင်းဆောင်မပီ သတဲ့သူတစ်ယောက်ကို ပိုင်ဆိုင်ထားမိပြီ လား။ ဒီမှာ အဖြေရှာကြည့်ရအောင်ပါ။


အတိတ်ကနေ သင်ယူတာ

အတိတ်မှာ မှားခဲ့တဲ့ အမှားကနေ သင်ခန်းစာယူတာမျိုးက ခေါင်းဆောင် ကောင်းတွေရဲ့ အမူအကျင့်ပါ။ မှားမှာ ကြောက်လို့ ဘာမှမလုပ်တဲ့သူထက်စာရင် အမှားတစ်ခုကြောင့် ဘဝတစ်ခုလုံးအ တွက် လုံလောက်တဲ့ သင်ခန်းစာမျိုးရသွား တဲ့ သူမျိုးက ပိုပြီးအကျိုးရှိပါတယ်။ စီးပွား ရေးမှာ အကြိမ်တိုင်း မအောင်မြင်နိုင်ပါ ဘူး။ ကျရှုံးသွားတဲ့ သင်ခန်းစာကနေ အောင်မြင်မှုကို ရယူနိုင်တာက ခေါင်း ဆောင်ကောင်းတွေရဲ့ အမူအကျင့်ဖြစ်ပါ တယ်။ အောင်မြင်တဲ့ စီးပွားရေးလုပ်ငန်း ရှင်တွေကို အတုယူနိုင်သလို၊ အကြီးအ ကျယ် ကျရှုံးသွားတဲ့ စီးပွားရေးလုပ်ငန်းရှင် တွေဆီကလည်း သင်ခန်းစာကြီးကြီးမား မားတွေရနိုင်ပါတယ်။ အဲဒီလိုသင်ခန်းစာ တွေကို နေရာတိုင်းမှာ သင်ယူတတ်တဲ့ ခေါင်းဆောင်မျိုးကို ခေါင်းဆောင်ကောင်း လို့ သတ်မှတ်နိုင်ပါတယ်။


စိတ်ဖိစီးမှုကို ထိန်းချုပ်နိုင်တာ

လူတိုင်းမှာ စိတ်ဖိစီးမှုပေါင်းစုံရှိကြ ပါတယ်။ ဒေါင့်ပေါင်းစုံကနေ စိတ်ဖိစီးမှု တွေကို ရနိုင်ပါတယ်။ အလုပ်ခွင်၊ မိသား စု၊ မိတ်ဆွေအပေါင်းအသင်း၊ ပတ်ဝန်း ကျင်၊ လုပ်ငန်းပြိုင်ဘက်စတာတွေကြောင့် စိတ်ဖိစီးမှုတွေ ဖြစ်လာတတ်ပါတယ်။ ခေါင်းဆောင်ကောင်းဆိုတာ အဲဒီစိတ်ဖိစီး မှုတွေကို အောင်မြင်စွာကျော်ဖြတ်နိုင်တာ၊ ထိန်းချုပ်နိုင်တာပါပဲ။ ကိုယ့်ရဲ့ မိသားစု ပုဂ္ဂိုလ်ရေးစိတ်ဖိစီးမှုတွေကြောင့် လုပ်ငန်း ခွင်မှာ မထိခိုက်ရအောင် ကိုယ့်ကိုယ်ကိုယ် ထိန်းချုပ်နိုင်တဲ့သူက ခေါင်းဆောင် ကောင်းပီသတဲ့ စိတ်ဓာတ်ရှိသူပါ။

တချို့တွေကတော့ လုပ်ငန်းခွင်နဲ့ ပုဂ္ဂိုလ်ရေးအဆင်မပြေမှု ရောထွေးတာ ကြောင့် ကျရှုံးတဲ့ လုပ်ငန်းရှင်တွေလည်း ရှိပါတယ်။ ဒါ့ကြောင့် ခေါင်းဆောင် ကောင်းတစ်ယောက်က စိတ်ဖိစီးမှုတွေကို အောင်မြင်စွာကျော်လွှားနိုင်တဲ့ စိတ်ဓာတ် ခိုင်မာတဲ့ သူတစ်ယောက်ဖြစ်ပါတယ်။


ဆုချီးမြှင့်ခြင်းနဲ့ အသိအမှတ်ပြုခြင်း

လုပ်ငန်းခွင်မှာ Project တစ်ခု အောင်မြင်တာ၊ နည်းပညာအသစ်တစ်ခုအောင်မြင်တာစတဲ့ ဝန်ထမ်းတွေရဲ့ စွမ်းဆောင်ရည် ကို အသိအမှတ်ပြုတာ၊ ဆုချီးမြှင့်တာတွေ က ခေါင်းဆောင်ကောင်းတွေရဲ့ အမူ အကျင့်တွေပါ။ ဒီလို ဝန်ထမ်းတွေရဲ့ လုပ် ရည်ကိုင်ရည်ကို အသိအမှတ်ပြုတာ၊ ဆုချီး မြှင့်တာတွေက ဝန်ထမ်းတွေပျော်ရွှင်စေ တာ၊ သဘောကျစေတဲ့ အကောင်းဆုံး နည်းလမ်းတစ်ခုဆိုတာကို ခေါင်းဆောင် ကောင်းတွေက သိထားကြပါတယ်။


ဒီအချက်တွေကြောင့် ဝန်ထမ်းတွေ အနေနဲ့ လုပ်ငန်းခွင်မှာ အနှောင့်အယှက် တွေကို ကျော်လွှားပြီး အောင်မြင်မှုရရှိစေ တာ၊ စိတ်ဓာတ် တက်ြွကစေတာတွေဖြစ် စေနိုင်တယ်လို့ ဝန်ထမ်းရေးရာသုတေသီ တေက ဆိုကြပါတယ်။ ခေါင်းဆောင်တစ် ယောက်ရဲ့ အသိအမှတ်ပြု ချီးမွမ်းခြင်းကို ခံရတဲ့ ဝန်ထမ်းတစ်ယောက်က ရှေ့ဆက် အလုပ်လုပ်ဖို့ ခွန်အားတွေ၊ သတ္တိတွေရ လာနိုင်တယ်ဆိုတာ ခေါင်းဆောင်ကောင်း တွေ သိထားကြပါတယ်။


ပညာတတ်တာ

ခေါင်းဆောင်ကောင်းတွေရဲ့ အရည် အချင်းတွေထဲမှာ ပညာတတ်တာကလည်း တစ်ခုအပါအဝင်ဖြစ်ပါတယ်။ ဒီနေရာမှာ ပညာတတ်တာဆိုတာက နိုင်ငံတကာ အသိအမှတ်ပြု ဘွဲ့တွေအများကြီး ပိုင်ဆိုင် ထားမှ မဟုတ်ပါဘူး။ အသိပညာအတတ် ပညာနဲ့ ပြည့်စုံတဲ့ ပညာတတ်မှုမျိုးကို ဆိုလို ခြင်းဖြစ်ပါတယ်။ဘွဲ့လက်မှတ်တွေအများ ကြီးတော့ ပိုင်ဆိုင်ထားပါတယ်။ ဒါပေမဲ့ စာနဲ့ လက်တွေ့မပေါင်းစပ်နိုင်တဲ့ လူတွေ အများကြီးရယ်ပါ။ ဒီမှာတော့ ပညာတတ် တယ်ဆိုတာ အသိပညာဗဟုသုတရှိတဲ့၊ ဆင်ခြင်တုံတရားရှိတဲ့၊ ဝေဖန်ပိုင်ခြားနိုင် စွမ်းရှိတဲ့ ပညာတတ်မှုမျိုးကို ဆိုလိုတာဖြစ် ပါတယ်။

အသိပညာက စွမ်းအားတစ်ခုပါပဲ။ လုပ်ငန်းခွင်မှာ မူဝါဒတွေ၊ စံသတ်မှတ် ချက်တွေ၊ နည်းလမ်းတွေကို ပညာကို အသုံးချပြီး ချမှတ်ပြင်ဆင်ရမယ့် အချက် တွေဖြစ်ပါတယ်။ ကိုယ့်ရဲ့ အသိပညာတွေ ကသာ တခြားသူတွေကို အောင်မြင် အောင် ဦးဆောင်ဖို့ တစ်ခုတည်းသော နည်းလမ်း တစ်ခုဖြစ်ပါတယ်။


အပြောင်းအလဲတွေကို လမ်းဖွင့်ပေးတာ

ခေါင်းဆောင်းကောင်းတစ်ယောက် က ကိုယ့်ဝန်ထမ်းရဲ့ အမြင်တွေ၊ အယူ အဆတွေကို လက်ခံပေးတာ၊ အကောင်း မြင်ပေးတာအပြင် အသုံးမဝင်တော့တဲ့ မူဝါဒတွေ၊ အစီအစဉ်တွေ၊ ရိုးရာအစဉ် အလာတွေကို ပြောင်းလဲဖို့ လမ်းဖွင့်ပေး တာ၊ ပယ်ဖျက်တာတွေ ပြုလုပ်လေ့ရှိပါ တယ်။ ဒါ့အပြင် ကိုယ့်ရဲ့ အဖွဲ့အစည်း အတွက် ကောင်းကျိုးမဖြစ်ထွန်းစေတဲ့ အချက်တွေ၊ စံသတ်မှတ်ချက်တွေကို ပြောင်းလဲပြုပြင်ပေးပါတယ်။


ကောင်းမွန်တဲ့ ဆက်ဆံရေး

ခေါင်းဆောင်တစ်ယောက်က များ များနားထောင်ဖို့ လိုတယ်လို့ ဆိုကြပါ တယ်။ တခြားသူတွေရဲ့ လိုအပ်ချက်တွေ၊ ဆန္ဒတွေကို နားလည်ဖို့ လိုအပ်ပါတယ်။ ခေါင်းဆောင်ကောင်းတစ်ယောက်က မေး ခွန်းတွေ များများမေးဖို့လိုသလို၊ အတွေး အမြင်တွေ၊ ဆုံးဖြတ်ချက်တွေကို မှန်မှန် ကန်ကန်ချတတ်ဖို့ လိုအပ်ပါတယ်။ စီးပွား ရေးလုပ်ငန်းတစ်ခုမှာ အဓိကအုတ်မြစ် နှစ်ခုကတော့ အဆက်အသွယ်နဲ့ ယုံကြည် မှုတည်ဆောက်တာပါပဲ။ ကိုယ့်ရဲ့ ဝန်ထမ်း နဲ့ပဲဖြစ်ဖြစ်၊ တခြားမိတ်ဖက်ကုမ္ပဏီနဲ့ပဲ ဖြစ်ဖြစ် ဒီနှစ်ချက် မပါဘဲ ဆောင်ရွက်လို့ မရပါဘူး။ သင့်ရဲ့ ခိုင်မာတဲ့ ဆက်ဆံရေး တစ်ခုက ခေါင်းဆောင်ကောင်းတစ် ယောက်ဖြစ်ကြောင်း သက်သေပြပါလိမ့်မယ်။

ကျော့ကေခိုင်


အခြားအင်္ဂလိပ်ဘာသာသင်ခန်းစာများ ဖတ်ရှု လေ့လာရန် link - http://www.myanmar-network.net/page/index-of-articles-and-english-l...


[ Myanmar Network အသင်းဝင်ထားခြင်းဖြင့် ရရှိမည့် အကျိုးကျေးဇူးများ ]

- အင်္ဂလိပ်စာသင်ခန်းစာနှင့် အလုပ်ခေါ်စာအသစ်များ၊ UK စာမေးပွဲ သတင်းများ နှင့် အင်္ဂလိပ်စာသင်တန်း သတင်းများကို အသင်းဝင်များထံသာလျှင် e-mail ဖြင့် အကြောင်းကြားပေးမှာ ဖြစ်ပါသည်။
- ဗြိတိသျှကောင်စီမှ ကြီးမှူးကျင်းပသော ပွဲများကို အသင်းဝင်များသာ ကြိုတင်သိရှိပြီး အသင်းဝင်မဟုတ်သူများထက်စော၍ စာရင်းပေးသွင်းနိုင်ပါသည်။
- Myanmar Network ဝက်ဆိုက်ဒ်တွင် အသင်းဝင်များသာလျှင် like နှင့် comment ပေးနိုင်မည်ဖြစ်သည်။
- စကားဝိုင်းများ (Forum များတွင်)နှင့် အလုပ်ခေါ်စာများကိုလည်း ကိုယ်တိုင်ဝင်ရောက်ရေးသားနိုင်ပါသည်။
- အသင်းဝင်များတွင် ကိုယ်ပိုင် Profile Page ရှိမည်ဖြစ်ပြီး မိမိ၏ ဓာတ်ပုံ၊ မိမိကိုယ်တိုင်ရိုက်ထားသော ဓာတ်ပုံများနှင့် ဗီဒီယိုများလည်း တင်နိုင်မည် ဖြစ်သည်။

- Join us now at - www.myanmar-network.net/main/authorization/signUp

Views: 2506

Reply to This

Replies to This Discussion

thanks kyawt

Thank you.
အ​တော်​ ကိုအကျိုးပြု​စေပါတယ်​။
I Like this post.
I like it

RSS

Featured Discussions

© 2018   Created by Myanmar Network.   Powered by

Badges  |  Report an Issue  |  Terms of Service