[Zawgyi]

https://www.24jobs.com.mm/articles/1509343900

[Unicode]

ကိုယ့်ရဲ့ကုမ္ပဏီမှာ၊ အဖွဲ့အစည်းမှာ ဝန်ထမ်းမြဲအောင် ဘယ်လိုဆွဲဆောင်ကြပါ သလဲ။ ပုံစံအမျိုးမျိုး၊ နည်းလမ်းအမျိုးမျိုး ရှိကြပါလိမ့်မယ်။ ထင်သာမြင်သာရှိတဲ့ အဓိကအချက်ကိုဖော်ပြရမယ်ဆိုရင်တော့ Comfort Zone (သက်သောင့်သက်သာ နေရာ)တစ်ခုဖန်တီးပေးခြင်းလို့သတ်မှတ် ချင်ပါတယ်။ ဒီအချက်က အဓိကအရေး အကြီးဆုံးအချက်တစ်ခုပါပဲ။ ဝန်ထမ်းမြဲ အောင် လစာတွေ၊ ခံစားခွင့်တွေ၊ ရာထူး အခွင့်အလမ်းတွေနဲ့ဆွဲဆောင်တာတွေလည်း ရှိကောင်းရှိမှာပါ။ ဒါပေမဲ့ သက်သောင့် သက်သာရှိတဲ့အလုပ်ပတ်ဝန်းကျင်အခြေ အနေလောက်တော့ ဘယ်အရာကမှ မဆွဲ ဆောင်နိုင်ပါဘူး။

Comfort Zoneအလုပ်ပတ်ဝန်းကျင်
လူတော်တော်များများက Comfort Zone ကနေထွက်ဖို့ မဝံ့မရဲဖြစ်ကြပါတယ်။ လက်ရှိအေးအေးလူလူအခြေအနေကနေ စွန့်ခွာဖို့ သတ္တိအတော်မွေးမြူကြရပါတယ်။  တကယ်တော့ Comfort Zoneဆိုတာ အောင်မြင်မှုတွေအတွက်၊ အောင်မြင်ချင် သူတွေအတွက်နေရာကောင်းတစ်ခုမဟုတ် ပါဘူး။
Comfort Zoneဆိုတာအောင်မြင် တဲ့နေရာတစ်ခုမဟုတ်ပါဘူး။ တည်ငြိမ်တဲ့ အခြေအနေတစ်ခုမျှသာဖြစ်ပါတယ်။ ဒီနေရာကနေ လူတော်တော်များများ မစွန့်ခွာနိုင်ကြတာက တည်ငြိမ်တဲ့နေရာ၊ သက်သောင့်သက်သာအခြေအနေတစ်ခု ဖြစ်နေလို့ပါပဲ။ ဒါကြောင့်ပဲ လုပ်ငန်းရှင် တော်တော်များများက ဝန်ထမ်းတွေကို Comfort Zoneတစ်ခုဖန်တီးပေးတတ်ကြ ပါတယ်။ ဒါကအဓိကအချက်ပါ။

ပျော်ရွှင်တဲ့အလုပ်ပတ်ဝန်းကျင်
ဒါကလည်း Comfort Zoneနဲ့နည်း နည်းဆင်ပါတယ်။ လုပ်ငန်းခွင်မှာ ဘာဖိ အားမှမရှိဘဲ လွတ်လွတ်လပ်လပ်လုပ်ခွင့် ပေးထားတာပါ။ ပေါ့ပေါ့ပါးပါးဖြတ်သန်းပြီး အလုပ်မှာပျော်ရွှင်စေတာပါ။ အလုပ်မှာ ခေါင်းဆောင်ဆိုသူက ကြိုးကိုင်ခြယ်လှယ် နေတာမဟုတ်ဘဲ ဝန်ထမ်းအားလုံးကို ရာထူးအလိုက်ကိုယ်ပိုင်လုပ်ပိုင်ခွင့်ပေးထား တာပဲဖြစ်ပါတယ်။ အလုပ်ရှင်ကတစ်ချိန် လုံးမျက်စိဒေါက်ထောက်ကြည့်ပြီး စီမံခန့်ခွဲ နေတာမဟုတ်ဘဲ ဝန်ထမ်းတွေကို လွတ် လပ်ခွင့်ပေးထားတာပဲဖြစ်ပါတယ်။ ဒီလို နေရာမျိုးမှာရှိတဲ့ဝန်ထမ်းတွေအနေနဲ့ ဒီပျော်ရွှင်တဲ့အလုပ်ပတ်ဝန်းကျင်ကနေ ထွက်ခွာဖို့စဉ်းစားမိမှာမဟုတ်ပါဘူး။

လစာ၊ ရာထူး၊ အခွင့်အလမ်းတွေပေးတာ
မျှော်လင့်ချက်ရှိတဲ့အလုပ်ပတ်ဝန်း ကျင်လို့ဆိုနိုင်ပါတယ်။ ဝန်ထမ်းတွေကို မျှော်လင့်ချက်နဲ့ဆွဲဆောင်ထားတာပါ။ အဲဒီမျှော်လင့်ချက်တွေက ဝန်ထမ်းတွေရဲ့ လိုအပ်ချက်တွေဖြစ်တဲ့ လစာတွေ၊ ရာထူး တွေ၊ အခွင့်အလမ်းတွေပဲဖြစ်ပါတယ်။ ဒီလို နေရာမျိုးကိုရောက်သွားတဲ့ ဝန်ထမ်းတော် တော်များများက တခြားအလုပ်ကိုပြောင်း ဖို့ မစဉ်းစားမိကြတော့ပါဘူး။
တချို့အလုပ်ရှင်တွေက ဒီနည်းလမ်း တွေနဲ့ဝန်ထမ်းတွေကိုဆွဲဆောင်ကြပါတယ်။ ဝန်ထမ်းမြဲတယ်ဆိုတဲ့ အလုပ်တော်တော် များများကိုကြည့်လိုက်ရင် ခုနပြောခဲ့တဲ့ အချက်တွေထဲက တစ်ခုမဟုတ်တစ်ခုနဲ့ ကိုက်ညီနေလို့သာ အဲဒီအလုပ်မှာဝန်ထမ်း တွေမြဲနေကြတာကိုတွေ့ရမှာပါ။ အခုတင် ပြတဲ့အချက်ကတော့ ဝန်ထမ်းတွေရဲ့အဓိ ကမျှော်လင့်ချက်ပါပဲ။ မက်လောက်စရာ ကောင်းတဲ့လစာ၊ တိုးတက်နိုင်မယ့်အခွင့် အလမ်းတွေ၊ ဂုဏ်ပြုတဲ့အစီအစဉ်တွေ နဲ့ ဝန်ထမ်းတွေကိုဆွဲဆောင်ကြတဲ့ ကုမ္ပဏီ  တွေကသိပ်အများကြီးမရှိသေးပါဘူး။

ဂုဏ်ရှိတဲ့အလုပ်ဖြစ်တာ
နောက်ထပ်ဝန်ထမ်းတွေကိုဆွဲ ဆောင်နိုင်ဆုံးအလုပ်ကတော့ ဂုဏ်ရှိတဲ့ အလုပ်ပါ။ လစာနည်းတာများတာအပ ထား၊ ဂုဏ်ရှိတယ်ဆိုရင် လူတော်တော် များများက သဘောကျနှစ်သက်ကြပါ တယ်။ ဥပမာအနေနဲ့ပြောရင် ဘဏ်လုပ် ငန်းလိုမျိုးပါ။ ဘဏ်ဝန်ထမ်းလို့ပြောလိုက် ရင် ဂုဏ်သိက္ခာအနေနဲ့သံသယဖြစ်ဖွယ် မရှိအောင်ကိုပြည့်စုံနေတဲ့သူတစ်ယောက် ဖြစ်စေပါတယ်။ ဒါကြောင့် ဂုဏ်ရှိတဲ့ အလုပ်ကလည်း ဝန်ထမ်းတွေအတွက် ဆွဲဆောင်မှုတစ်ခုဖြစ်ပါတယ်။

အတွေ့အကြုံပေးတာ   
အနှစ်ချုပ်ဆိုရရင် ဝန်ထမ်းမြဲဖို့ အဓိကဆွဲဆောင်စေတဲ့အချက်ကတော့ သက်သောင့်သက်သာအလုပ်ပတ်ဝန်းကျင် တစ်ခုပါ။ ဒီအလုပ်ပတ်ဝန်းကျင်က အောင် မြင်မှုမဟုတ်သလို၊ ကျရှုံးနေတာလည်းမ ဟုတ်ပါဘူး။ ဒါပေမဲ့ဒီပတ်ဝန်းကျင်မှာ အောင်မြင်မှုကိုရှာဖွေလို့မရနိုင်သလို ကိုယ့် ဘဝရဲ့တက်လမ်းအတွက်စဉ်းစားမယ်ဆိုရင် ဒီလိုနေရာမျိုးမျာ ရေရှည်မနေသင့်ပါဘူး။ အချိန်ကာလတစ်ခုအတွင်းမှာ ဒီနေရာက နေရုန်းထွက်နိုင်ဖို့လိုပါတယ်။
ဒီနေရာမှာ နောက်ထပ်ဆယ်နှစ်နေ ရင်ဘာဖြစ်မလဲ၊ နောက်ထပ်ငါးနှစ်နေရင် ကိုယ့်လစာဘယ်လောက်ရမလဲ။ နောက် ထပ်ဆယ်နှစ်နေရင်လည်း ကိုယ်ကဒီနေရာ မှာပဲရှိနေဦးမယ်၊ ကိုယ့်လစာကလည်း ထင် သလောက်တိုးတက်လာဖို့မရှိဘူးဆိုတဲ့နေရာ မျိုးမှာ အချိန်ဘယ်လောက်အထိဆက်နေ ဦးမလဲ။ ဒီအချက်ကိုစဉ်းစားရမှာပါ။
အပြောင်းအလဲကိုကြောက်ရင်၊ စိန်ခေါ်မှုကိုကြောက်ရင် အောင်မြင်မှုက ကိုယ့်ဆီဘယ်တော့မှရောက်လာမှာမဟုတ် ပါဘူး။ နောက်ထပ်အလုပ်သစ်တစ်ခုမှာ အဆင်ပြေပါ့မလားဆိုတဲ့အတွေးထက် လက်ရှိနေရာမှာနေပြီးအောင်မြင်မှုမရမှာ ကိုကြောက်ပါ။ သက်သောင့်သက်သာဝန်း ကျင်ကနေဘယ်လိုထွက်ရမလဲစဉ်းစားပါ။  အောင်မြင်မှုကတော့ သင့်ကိုတံခါးလာ ခေါက်မှာမဟုတ်ပါဘူး။ သင်ကိုယ်တိုင် တံခါးသွားခေါက်ရမှာပါ။ အခွင့်အလမ်းကို စောင့်နေတာထက် အခွင့်အလမ်းရှိတဲ့ဆီ ကိုသွားလိုက်ပါ။ ဒါကအခွင့်အလမ်းရဖို့ ပိုမြန်တဲ့နည်းလမ်းဖြစ်နေလို့ပါ။ Comfort Zoneမှာအောင်မြင်ချင်တဲ့လူတွေအတွက် နေရာမရှိပါဘူး။

ကျော့ကေခိုင်


https://www.24jobs.com.mm/articles/1509343900