အလုပ်ရှင်တွေရဲ့အမှားတွေကြောင့် ၀န်ထမ်းကောင်းတွေအလုပ်ထွက်ကြတယ်

အလုပ်ရှင်တွေရဲ့အမှားတွေကြောင့် ၀န်ထမ်းကောင်းတွေဆုံးရှုံးရပါတယ်။ အဆိုးဆုံးအမှားတွေကြောင့် အလုပ်ကိုစွန့်ခွာသွားကြပါတယ်။ ကိုယ့်ရဲ့ဝန်ထမ်းကောင်း တွေကိုကောင်းမွန်စွာ စီမံ မခန့်ခွဲနိုင်ဘူးဆို ရင် တစ်နေ့ဝန်ထမ်းကောင်းတွေဆုံးရှုံးရမှာ အသေအချာပါပဲ။ 


အကျိုးအကြောင်းမဆီလျော်တဲ့စည်း မျဉ်းစည်းကမ်းတွေချတာ
    ဒီအချက်ကလည်း လုပ်ငန်းခွင်တိုင်း အတွက်အရေးကြီးပါတယ်။ ၀န်ထမ်းမမြဲ တဲ့ကုမ်္ပဏီတွေကိုကြည့်လိုက်ရင် အဲဒီလို ကျိုးကြောင်းမဆီလျော်တဲ့စည်းမျဉ်းစည်းကမ်းတွေရှိနေတာပါပဲ။ ဥပမာအနေနဲ့ပြောရရင် ထမင်းစားချိန် ၁၅မိနစ်ပဲသတ်မှတ် ထားတာမျိုး၊ တစ်လကို တစ်ရက်ပဲနားရက် ရှိမယ်ဆိုတာမျိုးစတဲ့ မညီမျှတဲ့စည်းမျဉ်း တွေ၊ တစ်ဖက်စောင်းနင်းချမှတ်ထားတဲ့ စည်းမျဉ်းတွေကြောင့်လည်း ၀န်ထမ်း ကောင်းတွေကိုဆုံးရှုံးရပါတယ်။


    ရှိသင့်ရှိထိုက်တဲ့စည်းမျဉ်းစည်းကမ်း ထက်ပိုပြီး ၀န်ထမ်းတွေကိုအမျိုးမျိုးစိတ် ကျဉ်းကြပ်အောင်လုပ်နေတဲ့စည်းကမ်းတွေ၊ အမိန့်တွေကြောင့်သာ ၀န်ထမ်းကောင်း တွေဆုံးရှုံးရစေနိုင်တာပါ။ ကုမ်္ပဏီတိုင်းမှာ စည်းမျဉ်းစည်းကမ်းတွေရှိသင့်ပါတယ်။ ဘက်စုံနှစ်ဦးနှစ်ဖက်မျှတတဲ့စည်းမျဉ်းဖြစ်ဖို့ လိုပါတယ်။ 


အလုပ်ကြိုးစားသူရော၊ မကြိုးစားသူ ရောအားလုံးကို တစ်ပြေးညီဂုဏ်ပြုတယ်
    အလုပ်ရှင်တွေရဲ့အကြီးဆုံးအမှား တွေထဲမှာ ဒီအချက်ကလည်းထိပ်ဆုံးက ပါဝင်နေပါတယ်။ ကုမ်္ပဏီတစ်ခုမှာ အလုပ် ကြိုးစားတဲ့သူရော၊ အလုပ်မကြိုးစားသူကို ရော တစ်ပြေးညီဆုချီးမြှင့်တယ်ဆိုတာက မဖြစ်သင့်ပါဘူး။ အလုပ်ကြိုးစားသူအ တွက်အဟန့်အတားဖြစ်စေနိုင်သလို၊ အလုပ်မကြိုးစားသူအတွက် အချိန်တန်ရင် လုပ်လုပ်မလုပ်လုပ်ရနေမှာပဲဆိုတဲ့အသိရ သွားစေနိုင်လို့ပါပဲ။


    ဒီအချက်ကအလုပ်ကြိုးစားလုပ်သူ အတွက်မမျှတပါဘူး။ တစ်နှစ်ပတ်လုံးမှာ သူကတော့အလုပ်တွေကြိုးစားပြီးလုပ်ရ ပေမဲ့ အချိန်တန်တော့ ကိုယ့်လိုအလုပ် မကြိုးစားတဲ့သူက ကိုယ်နဲ့အတူတူခံစားခွင့် အတူတူရသွားတယ်ဆိုရင် ဘယ်လိုဝန် ထမ်းပဲဖြစ်ဖြစ် ခံစားရမှာပါပဲ။ ဒီအချက်ကို လုပ်ငန်းရှင်တွေအနေနဲ့အလေးအနက် သတိထားသင့်ပါတယ်။ အလုပ်ပိုကြိုးစား တဲ့ဝန်ထမ်းတွေရဲ့စိတ်ဓာတ်ကို ဒီအချက် တွေကြောင့်ပျက်စီးစေနိုင်တယ်ဆိုတာ သတိပြုမိဖို့လိုပါတယ်။


ဝန်ထမ်းတွေရဲ့ အကြောင်းကိစ်္စတွေကို စိတ်မ၀င်စားတာ
    အလုပ်ရှင်တစ်ယောက်က ကိုယ့် ကိုယ်ကိုယ်ခေါင်းဆောင်လို့သတ်မှတ်လိုက် ပြီဆိုရင် ခေါင်းဆောင်ပီသဖို့အရေးကြီးပါ တယ်။ ကိုယ့်ရဲ့ဝန်ထမ်းတွေကိုရင်ဝယ် သားကဲ့သို့ သဘောထားရပါမယ်။ ၀န်ထမ်း တွေရဲ့လုပ်ငန်းခွင်ပြင်ပလူမှုဘ၀တွေကို အလေးအနက်ထားရပါမယ်။ 


ညည်းညူတတ်တာ
    အမြဲတမ်းညည်းညူနေတတ်တဲ့ အလုပ်ရှင်တွေကိုလည်း ၀န်ထမ်းတွေက မနှစ်သက်ကြပါဘူး။ ကျောပူပဲခံနိုင်တယ်၊ နားပူတော့မခံနိုင်ဘူးဆိုတဲ့စကားလည်းရှိပါ တယ်။ တချို့ဝန်ထမ်းတွေက အလုပ်ကို သာပင်ပင်ပန်းပန်းလုပ်လိုက်ချင်ပေမဲ့ အမြဲ တမ်းတပူပူတဆူဆူဖြစ်နေတာမျိုးကိုတော့ နည်းနည်းလေးမှ မနှစ်သက်ကြပါဘူး။ ဘာရယ်မဟုတ်ဘဲ အမြဲလိုလိုညည်းညူ တတ်တာကလည်း ၀န်ထမ်းတွေရဲ့စိတ် ပျော်ရွှင်မှုတွေ၊ စိတ်ဓာတ်တက်ကြွမှုတွေ၊  လုပ်ငန်းလုပ်ဆောင်နိုင်မှုတွေကျဆင်းစေနိုင် တာကိုသတိပြုရပါမယ်။


ဝန်ထမ်းတွေရဲ့စွမ်းရည်တိုးတက်အောင် တည်ဆောက်မပေးတာ
    တချို့အလုပ်တွေရှိတယ်.. ကျောင်း၊ သင်တန်းတက်နေသူမဖြစ်ရဆိုတာမျိုး၊ ကျောင်းကိစ်္စ၊ သင်တန်းကိစ်္စပြီးပြတ်သူ ဖြစ်ရမည်ဆိုတဲ့အချက်တွေပါတဲ့အလုပ် တွေဆိုရင် မလျှောက်စေချင်ပါဘူး။ ဒီအ လုပ်ရှင်က ၀န်ထမ်းတွေရဲ့တိုးတက်မှုကို အားမပေးသလို၊ ထောက်ခံကူညီပေးမှာ လည်းမဟုတ်လို့ပါ။ ကောင်းမွန်တဲ့စီမံခန့် ခွဲမှုတွေရှိတဲ့ ကုမ်္ပဏီတိုင်းမှာ ၀န်ထမ်းတွေ ဖွံ့ဖြိုးတိုးတက်စေမယ့် သင်တန်းအစီအစဉ် တွေရှိပါတယ်။ တချို့ကုမ်္ပဏီတွေဆို အလုပ်စခေါ်ကတည်းက ကိုယ့်ရဲ့အသက် မွေးဝမ်းကျောင်းလုပ်ငန်းအတွက်ပိုပြီး တိုး တက်ဖွံ့ဖြိုးစေမယ့်သင်တန်းတွေတက်ရောက် ခွင့်ပေးမယ်ဆိုတာမျိုးနဲ့အသိပေးပြီး အလုပ် ခေါ်ကြပါတယ်။ ဒီလိုလုပ်ငန်းခွင်မျိုးတွေ ကိုအလုပ်လျှောက်ကြဖို့တိုက်တွန်းလိုပါတယ်။


ကိုယ့်အတွက်တိုးတက်လမ်းမရှိတာ၊ တိုးတက်ဖို့ခွင့်မပြုတာစတဲ့လုပ်ငန်းခွင်မျိုးမှာ ကြာရှည်မနေသင့်ပါဘူး။ တချို့ကုမ်္ပဏီ တွေဆို ကုမ်္ပဏီစရိတ်နဲ့သင်တန်းတက်ခိုင်း ဖို့နေနေသာသာ ကိုယ့်စရိတ်နဲ့ကိုယ်တက် မယ်ဆိုတာကိုတောင် ခွင့်မပြုတဲ့လုပ်ငန်း တွေရှိပါတယ်။ ဒီလုပ်ငန်းခွင်မှာရှိတဲ့ဝန် ထမ်းတွေကတော့ ကိုယ့်ရဲ့ကျွမ်းကျင်မှုတွေ ကိုစုပ်ယူခံနေရသလိုပါပဲ။ ၀မ်းစာပြန်ဖြည့် ဖို့လည်းခွင့်မပြုတဲ့လုပ်ငန်းခွင်တွေကြောင့် ကိုယ့်ရဲ့ကျွမ်းကျင်မှုတွေသာကုန်ခန်းသွား တယ်၊ ကိုယ့်ကိုယ်ကိုယ်ပြန်ဖြည့်တင်းဖို့၊ စွမ်းရည်မြှင့်တင်တာတွေလုပ်ခွင့်မရပါဘူး။ ဒီလိုလုပ်ငန်းခွင်တွေကြောင့်လည်း ၀န်ထမ်း ကောင်းတွေအလုပ်ထွက်စေပါတယ်။


ပျော်ရွှင်မှုမပေးတာ
    ၀န်ထမ်းတွေအားလုံးက သူတို့ရဲ့ အချိန်တော်တော်များများကို အလုပ်မှာပဲ ပုံအပ်ထားကြပါတယ်။ အဲဒီအလုပ်ကမှ သူတို့ကိုပျော်ရွှင်မှုမပေးနိုင်ဘူးဆိုရင်တော့ အဲဒီအလုပ်ကိုစွန့်ခွာကြဖို့ဝန်လေးမှာမဟုတ် ပါဘူး။ လုပ်ငန်းခွင်အတွင်းမှာပျော်ရွှင်မှုရှိ ဖို့လိုပါတယ်။ စိန်ခေါ်မှုတွေ၊ စိတ်ဖိစီးမှုတွေ ကြီးပဲရနေမယ်ဆိုရင်တော့ ၀န်ထမ်းတွေ မြဲမှာမဟုတ်ပါဘူး။ ၀န်ထမ်းအထွက်နှုန်း လည်းမြင့်မားနေမှာဖြစ်ပြီး အလုပ်ရှင်အ နေနဲ့ ၀န်ထမ်းတွေထွက်ကြတဲ့အခါ ဘယ် နေရာမှာလိုအပ်ချက်ရှိနေသလဲ၊ ဘယ်နေ ရာမှာအားနည်းနေသလဲဆိုတာ လေ့လာ ပြီးလိုအပ်တဲ့နေရာတွေကို စနစ်တကျစီမံ ခန့်ခွဲဖို့လိုပါတယ်။ လုပ်ငန်းခွင်ထဲမှာ ပျော် ရွှင်မှုတွေကိုဖန်တီးပေးတာကလည်း ၀န် ထမ်းတွေရဲ့အလုပ်ဝန်ပိတာတွေ၊ စိတ်ဖိစီး တာတွေကိုပြေလျော့စေတဲ့နည်းလမ်း ကောင်းတစ်ခုဖြစ်ပါတယ်။

Views: 124

Reply to This

Featured Discussions

© 2018   Created by Myanmar Network.   Powered by

Badges  |  Report an Issue  |  Terms of Service