ဘာသာစကားဆိုတာ လိုအပ်ချက်ကြောင့်ရယ်၊ တတ်မြောက်ဖို့ စိတ်ဝင်စားတာရယ်၊ အထိအတွေ့နဲ့ မိမိရဲ့ပင်ကိုယ်ကြိုးစားမှု စသည်တို့ကြောင့် အနှေးနဲ့အမြန် တတ်မြောက်နိုင်တယ်လို့ အတွေ့အကြုံအရကော သင်ကြားခဲ့ တဲ့သီအိုရီတွေကြောင့်ပါ သိမှတ်ခဲ့ဖူးပါတယ်။

လိုအပ်ချက်အရ မေးထူးခေါ်ပြောအဆင့် သင်ကြသူတွေ ရှိသလို မိမိလုပ်ငန်းရပ်မှာ ကျွမ်းကျွမ်းကျင်ကျင်သုံးနိုင်အောင် သင်ကြားကြသူများလည်းရှိပါတယ်။ အချို့ဆိုရင် မိမိဘာသာရပ်နယ်ပယ်ကို ကျော်လွန်ပြီး နက်နဲတဲ့စကားများကို လေ့လာမှတ်သား ကြတာမျိုးလည်း ရှိပါတယ်။

အီဒီယမ်ရဲ့ကဏ္ဍ

အင်္ဂလိပ်စကားကို တွင်တွင်ကျယ်ကျယ်သုံးကြတဲ့ ပတ်ဝန်းကျင်မှာ နှစ်ရှည်လများ ကျင်လည်ရတယ်ဆိုရင်တော့ ဘယ်လောက်ပင်နက်နဲတဲ့ စကားမဆို တတ်မြောက်ဖို့ဆိုတာ မခဲယဉ်းပါဘူး။ စိတ်ဝင်စားမှု၊ ကြိုးစားမှုများ ပါဝင်ခဲ့မယ်ဆိုရင် အထူးပြောဖွယ်ရာမရှိပါဘူး။

လှလှပပ တင်စားသုံးနှုံးတဲ့ အလင်္ကာများဖြစ်တဲ့ idioms တွေ၊ ကြိယာတွဲ phrasal verbs တွေဆိုရင် တချို့က ကောင်းတယ်၊ အလွန်အသုံးဝင်တယ်လို့ ပြောသူများရှိသလို။ တချို့ကျတော့ တတ်တော့ ဘယ်နားသွားသုံးမှာတုန်းဆိုတဲ့ အမြင်လည်း ရှိကြပါတယ်။

ဘယ်သဘောထားက ပိုကောင်းတယ်လို့ မဆိုလိုပါ။ လေ့လာသူများကိုယ်တိုင် ဆုံးဖြတ်ဖို့ဖြစ်ပါတယ်။

ရိုးရိုးတန်းတန်း ပြောဆိုနိုင်လျှက်နဲ့ ဘာဖြစ်လို့ တင်စားပြောဆိုရတာလည်းဆိုတာလည်း မေးသင့်တဲ့ မေးခွန်းပါ။ ခက်ခဲနက်နဲပြီး ဘာသာစကားရဲ့ အဆီအနှစ်ဖြစ်တဲ့ အကြောင်းအရာများကို တချို့ စိတ်ဝင်စားကြပါတယ်။ တချို့လည်း စိတ်ဝင်စားမှု မရှိပါဘူး။

လိုအပ်ချက်အရ ဖြစ်တဲ့အတွက်ကြောင့် လေ့လာသည်ဖြစ်စေ မလေ့လာသည် ဖြစ်စေ အပြစ်တင်ဖွယ်မရှိပါ။

မြန်မာနဲ့ နိုင်ငံတကာမှာ သာမန်အလုပ်တစ်ခုမှာ၊ သာမန်ဝန်ထမ်းတစ်ဦးအနေနဲ့ ရပ်တည်ချင်ရင် စကားကို အတန်အသင့် တတ်မြောက်ရင် မိမိအတွက်နဲ့ အတူဆက်ဆံတဲ့ ပတ်ဝန်းကျင်မှသူများအတွက် အဆင် ပြေနိုင်ပါပြီ။

ဂုဏ်ယူဝမ်းမြောက်ဖွယ်
 

ပညာရှင်တစ်ဦးအနေနဲ့ ရပ်တည်ချင်ပြီ ဆိုမှဖြင့် မိမိဘာသာရပ်မှာ ကျွမ်းကျင်နိုင်နင်း သလို နိုင်ငံတကာမှာ ဆက်ဆံပြောဆိုနိုင်တဲ့ ဘာသာစကား ကျွမ်းကျင်မှုလည်း အထိုက်အလျှောက် ရှိသင့်ပါတယ်။ အဲဒီလို ကျွမ်းကျင်တဲ့ မြန်မာပညာရှင် အတော်များများလည်း ရှိပါတယ်။ အင်္ဂလိပ်စာနယ်ပယ်အပြင် အခြားနယ်ပယ်မှ ဘာသာစကား တစ်ဖက်ကမ်းခတ် တတ်မြောက်ကြတဲ့ သူများအကြောင်း ကြားသိနေရပါတယ်။

ပညာရေးနဲ့ပတ်သက်တဲ့ စာအုပ်စာပေများစွာ ရေးသားပြုစု၊ အရည်အချင်းပြည့်မီတဲ့ တပည့်ပေါင်းများစွာ မွေးထုတ်ပေးခဲ့တဲ့ ဆရာကြီး ဦးသီဟ၊ Myanmar Tapestry နဲ့ အခြားအင်္ဂလိပ်စာပေဆောင်းပါး များစွာရေးတဲ့ ဆရာမကြီး ဒေါ်ကြည်ကြည်လှ၊ ဘာသာရပ်အပြင် natural English ကိုလည်း သွက်လက်ထက်မြက်စွာ ရေးသားပြောဆိုနိုင်တဲ့ ဆရာကြီး ဒေါက်တာမောင်မောင်ကြီး၊ စတဲ့ ပညာရှင်များစွာ သက်ရှိထင်ရှား ရှိနေပါတယ်။ ရှေးမှ အားကျအတုယူစရာ ပညာရှင်များ၊ ပညာရှင် မဟုတ်သူများလည်း မရေမတွက်နိုင် ရှိခဲ့တာပေါ့။
ဘာသာစကားနဲ့ အထိအတွေ့များခြင်း၊ စိတ်ဝင်စားမှုနဲ့ ပင်ကိုယ်ကြိုးစားမှုရှိခြင်းတို့ကြောင့် တတ်မြောက် ကျွမ်းကျင်ကြတယ်လို့ သိရပါတယ်။
 

နိုင်ငံတကာမှာ ထွန်းပေါက်အောင်မြင်နေတဲ့ မြန်မာအတော်များများအကြောင်း သိခွင့်ရတဲ့ အတွက် အလွန်ဝမ်းမြောက်ဝမ်းသာ ဖြစ်ရပါတယ်။ မြန်မာတွေ မခေပါဘူးလို့လည်း ဂုဏ်ယူ ၀မ်းမြောက်ရပါတယ်။

ကောင်းကင်တမွတ်ကြယ်ကိုဆွတ်

ကလေးတွေကို The sky is the limit လို့ပြောသလို Reach beyond the glass ceiling လို့လည်း အကြံပြုဖူးပါတယ်။ ကောင်းကင်တမွတ် ကြယ်ကိုဆွတ်ကြပါ။ မမြင်နိုင်တဲ့ အဟန့်အတားတွေကို ကျော်ဖြတ်ကြပါလို့ တိုက်တွန်းခဲ့တာလဲ အခါခါပါပဲ။

Glass ceiling အကြောင်းပြောတော့ ကလေးတွေကို မှန်နဲ့လုပ်ထားတဲ့ မျက်နှာကျက်တစ်ခုကို စိတ်ကူးနဲ့ ပုံဖေါ်ခိုင်းတယ်။ မျက်နှာကျက်အောက်မှ လူတွေက အထက်ကိုတက်ချင်ပေမယ့်၊ အပေါ်မှာရှိတဲ့ သူတွေလို တိုးတက်အောင်မြင်ချင်ပေမယ့် တိုးမပေါက်နိုင်ဖြစ်ရတဲ့ အကြောင်းက မျက်စိနဲ့ ရုတ်တရက်မမြင်နိုင်တဲ့ glass ceiling ကြောင့်ပါပဲလို့ သာဓကဆောင်ရပါတယ်။

ကလေးများဟာ တစ်ဦးနဲ့တစ်ဦး စရိုက်၊ လိုအပ်ချက်စသည်ဖြင့် မတူညီကြတဲ့အတွက် စကားကို ဘယ်လောက်ထိ တတ်မြောက်သင့်တယ်ဆိုတာကို သိမ်းရုံးပြီး ပြောလို့မဖြစ်နိုင်ပါ။

သို့သော် အလားအလာရှိတဲ့ ကလေးများကို အာစရိယ ဆရာများသည် ဘယ်လောက်ပဲလုပ်ပါကွာ၊ အဲဒီလောက်တတ်လို့လဲ ဘာမှမထူးပါဘူး ဆိုပြီး ဘောင်မခတ်သင့်ပါ။ ကလေးများကလည်း There is no end to learning လို့လည်း သဘောပေါက်ရပါမယ်။

ဒီအချက်တွေကို စာသင်ရင်း အခွင့်အရေးရတိုင်း ထည့်ပြောခဲ့ဖူးပါတယ်။ ထည့်ပြောနေပါတယ်။ နောက်နောင်လည်း ဆက်ပြောဦးမှာပါ။

ကလေးတွေ အများစု နားလည်လက်ခံတဲ့အတွက် ၀မ်းသာပီတိ ဖြစ်ရပါတယ်။

ဘာသာစကားကို သဘာဝကျကျ ပြောနိုင်ဖို့ တစ်စိတ်တစ်ဒေသ အထောက်အကူ ပြုနိုင်မယ့် အလင်္ကာများကို ပျော်ရွှင်စွာ လေ့လာနိုင်ကြပါစေလို့ ဆန္ဒပြုပါတယ်။ ကဗျာမမြောက် စာမမြောက် အလင်္ကာ (အီဒီယမ်)တမ်းချင်းနဲ့ နှုတ်ဆက်ပါတယ်။
 

အလင်္ကာ၊ ဆင်ကာသ၊ မြင်လာသမျှ၊ လှပစေပြန်
စာပန်းချီချယ်မှုန်း၊ သီကာကုံး၊ သုံးကြပါတဲ့ အီဒီယမ်
သူမပါရင်၊ သူသူငါ၊ ဘယ်စာစီမလှနိုင်ဘူး
ဆေးပန်းချီ၊ ရေးမမှီ၊ အတွေးတွေ ဖွဲ့သီရင့်ကြူး။ ။

 


ဒေါက်တာဆန်းမြင့်

Views: 1229

Reply to This

Replies to This Discussion

very thank

thanks

thank you

welcome

see you

I absolutely agree with u

Thank u

good

Respect to you sir.

Thank

RSS

Featured Discussions

© 2019   Created by Myanmar Network.   Powered by

Badges  |  Report an Issue  |  Terms of Service