မြန်မာ့အနာဂတ်အတွက် ကမ္ဘာသုံး အင်္ဂလိပ်စာ

မြန်မာ့အနာဂတ်အတွက် ကမ္ဘာသုံး အင်္ဂလိပ်စာ

ရေးသူ - ခင်နှင်းစိုး

 

ယနေ့ မြန်မာနိုင်ငံသည် ကမ္ဘာပေါ်ရှိ နိုင်ငံအများအပြားနှင့် ယခင်ကထက် ပိုမို ထိတွေ့ ဆက်ဆံလာသည်။ နိုင်ငံခြားကုမ္ပဏီ အများအပြား မြန်မာနိုင်ငံသို ၀င်ရောက်ဖို့ စီစဉ်နေကြသည်။ ယခုခေတ် လူငယ်များက မြန်မာနိုင်ငံ အနာဂတ်အတွက် အလားအလာရှိသော မျိုးဆက်သစ်များ ဖြစ်သည်။ ထိုသို့သောအခြေအနေတွင် နိုင်ငံတကာနှင့် တန်းတူဆက်ဆံနိုင်ရန် ဘုံသုံးစကားဖြစ်သော အင်္ဂလိပ်စာကို လူငယ်တွေ တတ်ကျွမ်းဖို့ အရင်ကထက် ပိုအရေးကြီးလာသည်။

 

ထို့အပြင် ဘာသာစကားနှစ်မျိုးတတ်ခြင်းက ဘာသာစကားတစ်မျိုးထဲ တတ်ခြင်းထက် ဦးနှောက်အတွက် ပိုကောင်းမွန်စေကြောင်း ကနေဒါနိုင်ငံ ရော့ခ်တက္ကသိုလ်မှ စိတ်ပညာပိုင်းဆိုင်ရာ ပရောဖက်ဆာ Dr. Bialystok က တွေ့ရှိထားသည်။ သူပြုစုထားသော သုတေသနနှင့် ပတ်သက်ပြီး အင်တာဗျူးတခုမှာ သူက ခုလို ပြောခဲ့သည်။

 

ဘာသာစကားနှစ်မျိုးတတ်ကျွမ်းသူရဲ့ ဦးနှောက်က အချက်အလက်တွေ စဉ်းစားရာမှာ ပိုအရေးကြီးတဲ့၊ သက်ဆိုင်တဲ့ အကြောင်းအရာတွေကို ဦးစားပေး စဉ်းစားပြီး သိပ်အရေးမကြီးတဲ့ အနှောက်အယှက်ဖြစ်စေတာတွေကို လျစ်လျူရှုထားနိုင်တယ်။ အဲလို ခွဲခြမ်းစိတ်ဖြာနိုင်တာ ဘာလို့လဲဆိုတော့ ဘာသာစကားနှစ်မျိုးကို တတ်သူတွေက အချိန်တခုစီမှာ ဘာသာစကားတခုကိုသုံးတဲ့အခါ ဦးနှောက်က အဲဒီဘာသာစကားနဲ့ ပတ်သက်တဲ့ စကားလုံး အသုံးအနှုန်းကို ခွဲခြားပြီး ပြောရတဲ့အလေ့အထ ရှိနေလို့ဖြစ်တယ်။ အဲလိုလုပ်နိုင်စွမ်းရှိဖို့တော့ ဘာသာစကားနှစ်မျိုးလုံးကို အမြဲ ပြောင်းလဲသုံးစွဲနေသူဖြစ်ရမယ်။

 

ထို့အပြင် ဘာသာစကားနှစ်မျိုးတတ်သူတွေအတွက် အသက်ကြီးလာသောအခါ Alzheimer’s Disease ဟုခေါ်သော ဦးနှောက်ပုံမှန်အလုပ်မလုပ်နိုင်တော့ပဲ မှတ်ဥာဏ်ချွတ်ယွင်းသွားခြင်း၊ ပီသစွာစကားမပြောနိုင်တော့ခြင်း စသည်ဖြစ်ပွားစေသော အကြိုဇရာရောဂါမျိုးဖြစ်နိုင်ခြေ လျော့နည်းစေသည်ဟုလည်း သူ၏ သုတေသနက တွေ့ရှိခဲ့သည်။

 

လေ့လာချင်စိတ်နှင့် ကြိုးစားမှု

 

အင်္ဂလိပ်စာဆိုတာ မြန်မာစာလို ဘာသာစကားတခုပင် ဖြစ်သည်။ ကျမအမြင်တော့ ဘာသာစကားတခုကို အတိုင်းအတာတခုအထိ တတ်မြောက်ကျွမ်းကျင်ဖို့ အဓိကကျတာ တတ်မြောက်ချင်စိတ်ပင် ဖြစ်သည်။ ပြီးတော့ လေ့ကျင့်မှုနှင့် ၀ီရိယရှိရှိ ကြိုးစားဖို့လည်း လိုအပ်သည်။

 

ကျမဆိုလျှင် စင်္ကာပူနိုင်ငံတွင် အနှစ်နှစ်ဆယ်ကျော်နေထိုင်ခဲ့သော်လည်း ထိုနိုင်ငံ၏ ဒုတိယ အသုံးအများဆုံးဖြစ်သော တရုတ်စကားကို မတတ်မြောက်ခဲ့ချေ။ ကျမပတ်ဝန်းကျင်မှာ လူတိုင်းက အင်္ဂလိပ်လိုပြောလို့ရနေသောကြောင့် တရုတ်စကားကို လေ့လာဖို့ စိတ်မပါခဲ့ချေ။

 

အလားတူပင် တချို့မြန်မာတွေက အင်္ဂလိပ်စာကတော့ ခက်ပါတယ်၊ အခြေခံအားနည်းတယ် စသဖြင့် တွေးပြီး လေ့လာဖို့ လမ်းစတောင် မရှာတာတွေ ရှိသည်။ ထိုသို့ဆိုလျှင် ကျမလိုပင် အင်္ဂလိပ်စာကို တတ်ကျွမ်းဖို့အခြေအနေ ရောက်လာတော့မှာ မဟုတ်ချေ။

 

ဂျာမန်ဘာသာစကားကို စင်္ကာပူနိုင်ငံမှာ Secondary School တက်တော့ ဒုတိယဘာသာစကားအဖြစ် လေးနှစ်ကြာ ကျမ သင်ယူခဲ့ဖူးသည် (ပထမ ဘာသာစကားကတော့ အင်္ဂလိပ်စာ)။ ခုချိန်မှာတော့ ဂျာမန်စကားနှင့်ပတ်သက်ပြီး နေကောင်းလား၊ သွားတော့မယ် ဆိုသော အခြေခံအသုံးအနှုန်းတချို့မှလွဲပြီး ဘာမှမမှတ်မိတော့။ ဘယ်ဘာသာစကားမဆို တတ်မြောက်ပြီးလျှင် အမြဲ လေ့ကျင့် လေ့လာ နေဖို့လည်း လိုအပ်သည်။

 

ဘယ်လိုအဆင့်ထိ လေ့လာမလဲ

 

ဘာသာစကားတခုကို လေ့လာရာမှာ ဘယ်လိုအဆင့်ထိ လေ့လာမလဲဆိုတာလည်း ရှိသည်။ ဥပမာ .. မြန်မာစကားပြောတတ်သော နိုင်ငံခြားသားတချို့ကို တွေ့ဖူးသည်။ သို့သော် အသုံးအနှုန်း၊ စာကြောင်းအထားအသိုတွေက ပုံစံမကျ။ မြန်မာစကားနှင့် လူတယောက်ကို နားလည်အောင် ဆက်သွယ်ပြောဆိုနိုင်ဖို့ အဆင့်တော့ရှိသည်။ ထိုနည်းတူ အင်္ဂလိပ်စာမှာလည်း အင်္ဂလိပ်လို သူများနှင့် ဆက်သွယ်စကားပြောနိုင်သော အဆင့်လောက်ပဲ ကိုယ်ကမှန်းသလား၊ သေချာ မှန်မှန်ကန်ကန် သုံးနိုင်ချင်လားဆိုတာ အရေးကြီးသည်။

 

စင်္ကာပူနိုင်ငံတွင်လည်း Singlish ဆိုသော မမှန်ကန်သည့် အသုံးအနှုန်းများနှင့် Grammar မကျသော အင်္ဂလိပ်စကားကို စင်္ကာပူနိုင်ငံသားတိုင်း ပြောလေ့ရှိကြသည်။ သို့သော် စင်္ကာပူနိုင်ငံသား တချို့က မှန်ကန်သော Standard English ကိုလည်း သူ့နေရာနှင့်သူ ခွဲခြားသုံးနိုင်ကြသည်။

 

ကျမကိုယ်တိုင်လည်း စင်္ကာပူနိုင်ငံတွင် ကြီးပြင်းခဲ့သောကြောင့် Singlish နှင့်ယဉ်ပါးသည်။ သို့သော် အင်္ဂလိပ်စကားပြောရာတွင် သူ့လွှမ်းမိုးမှုကို မခံရအောင်တော့ သေချာကြိုးစားရသည်။ ကိုယ်က နိုင်ငံတကာအဆင့်အတန်းမီ အင်္ဂလိပ်စကားကိုပြောနိုင်ရမယ်ဟု သတ်မှတ်ထားလျှင် Singlish လို အဆင့်လောက်ပြောတတ်ရုံနှင့် အင်္ဂလိပ်စာ တတ်ကျွမ်းပြီဟု မသတ်မှတ်သင့်ပေ။

 

ဘယ်လို လေ့လာ သင်ယူမလဲ

 

ဘယ်ဘာသာစကားကိုမဆို သင်ယူလေ့လာရာမှာ အရေး၊ အဖတ်၊ အပြော၊ နားထောင်ခြင်း စသော အပိုင်းလေးပိုင်းလုံးက လူတိုင်းအတွက် အရေးကြီးသည်။

 

အထူးသဖြင့် ကိုယ့်မိခင်ဘာသာစကားမဟုတ်သော အင်္ဂလိပ်စာကို သေချာတတ်ကျွမ်းချင်လျှင် ထိုအပိုင်းလေးပိုင်းလုံးအတွက် အမြဲလေ့လာနေဖို့ လိုအပ်သည်။ ငါကတော့ တော်တော်လေး တတ်နေပါပြီ၊ ငါ့သူငယ်ချင်းတွေကြား တော်နေပြီဟု ရောင့်ရဲလိုက်လျှင် ကိုယ့်တိုးတက်နိုင်မှုကို ကိုယ့်ဘာသာကန့်သပ်လိုက်သလို ဖြစ်မည်။

 

အင်္ဂလိပ်လို စာများများဖတ်ပေးရမည်။ စာဖတ်သောအခါ ဗဟုသုတလည်း တိုးသလို အရေးအသားပိုင်းလည်း ကောင်းမွန်စေသည်။ စကားလုံးအသစ်တွေ၊ Grammar စည်းမျဉ်းစည်းကမ်းတွေကို သပ်သပ်ကျက်တာထက် စာဖတ်များသောအခါ ထိုစကားလုံးအသစ်များကို ဘယ်လိုနေရာမှာ ထည့်သွင်းအသုံးပြုရမလဲ၊ စာကြောင်းတွေကို ဘယ်လို ကောင်းမွန် မှန်ကန်အောင်ရေးလဲဆိုတာ ကိုယ်ဖတ်သောစာများမှ လေ့လာ သိရှိလာနိုင်သည်။

 

အမြဲဒိုင်ယာရီ ရေးတတ်သူတွေအတွက် အင်္ဂလိပ်လိုရေးသော အကျင့်လုပ်နိုင်သည်။ ကိုယ့်လို အင်္ဂလိပ်စာလေ့လာနေသူတွေနှင့် အပြန်အလှန် အင်္ဂလိပ်လိုပြောပြီး ဆွေးနွေးနိုင်သည်။ အင်္ဂလိပ်လို ရုပ်ရှင်တွေ၊ သတင်းတွေ အင်တာနက်ကဖြစ်ဖြစ် နားထောင်၊ အင်္ဂလိပ်လို နေ့စဉ်သတင်းတွေ ဖတ်နိုင်သည်။ Bangkok Post, BBC တို့လို သတင်းဆိုဒ်များမှာ အင်္ဂလိပ်စာသင်ခန်းစာများကို Learning/ Education စသော ခေါင်းစဉ်အောက်တွင် ထည့်သွင်းထားပေးသည်။

 

တချို့လူတွေက အင်္ဂလိပ်စကားပြောရာတွင် အမေရိကန် (သို့မဟုတ်) အင်္ဂလိပ် လေသံ (accent) ပါမှ လူအထင်ကြီးမည် ထင်ကြသည်။ ကျမအမြင်မှာတော့ ထိုသို့ ကိုယ်ပိုင်မဟုတ်သော accent တခုကို အတင်းတုပြီးပြောတာထက် မှန်ကန်သော အသံထွက်နှင့်ပြောတာမျိုးကို ပိုသဘောကျသည်။

 

အိန္ဒိယ၊ ဖိလစ်ပိုင်၊ ထိုင်းနိုင်ငံသားတို့ အင်္ဂလိပ်စကားပြောသောအခါ သူတို့မိခင်ဘာသာစကား၏ လေသံက လွှမ်းမိုးမှုတွေ ရှိသည်။ မြန်မာလူမျိုးတွေ အင်္ဂလိပ်လိုပြောရင် ထိုသို့မဖြစ်။ သို့သော် အသံ ၃ သံသာရှိသော မြန်မာစကားကို ကျမတို့ ပြောနေကြဖြစ်သောကြောင့် အင်္ဂလိပ်စကားပြောသောအခါ အဓိက သတိထားရမည့်အချက်က အလေးထား အသံထွက်ရမည့်နေရာမှာ မမေ့လျော့ဖို့၊ အသံ အနိမ့် အမြင့် ရှိဖို့ ဖြစ်သည်။ ထိုသို့မဟုတ်လျှင် ကျမတို့ပြောသော အင်္ဂလိပ်စကားက အပေါ်ယံလျှပ်ပြောနေသလို ပေါ့လွန်းနေပြီး၊ အသံထွက် မမှန်ဖြစ်လာနိုင်သည်။

 

ကျမတို့ ငယ်ငယ်တုန်းက အင်္ဂလိပ်စာ စသင်တော့ မြန်မာလိုကနေ အင်္ဂလိပ်လို ဘာသာပြန်ရေး၊ အင်္ဂလိပ်လိုကနေ မြန်မာလို ဘာသာပြန်ရေး စသဖြင့် လုပ်ကြရသည်။ စင်္ကာပူနိုင်ငံတွင် ကျမရောက်ခါစက Secondary School စတက်တော့ ကျမ၏ အင်္ဂလိပ်စာဆရာမ ပြောခဲ့တာ မှတ်မိသည်။ ဘာသာစကားတခုကို တကယ်တတ်ကျွမ်းသူက အဲဒီဘာသာစကားနဲ့ပဲ တွေးပြီး အဲဒီ ဘာသာစကားနဲ့ ရေးချလိမ့်မယ်။

 

နိုင်ငံတကာမှာလည်း ဘာသာစကားတခုကိုသင်သောအခါ ဘာသာပြန်သင်ကြားနည်းထက် တိုက်ရိုက်တွေး တိုက်ရိုက်အသုံးချသော သင်ကြားနည်းစနစ်ကို သုံးကြသည်။ ထို့ကြောင့် အင်္ဂလိပ်စာ လေ့လာရာတွင်လည်း အင်္ဂလိပ်-အင်္ဂလိပ် အဘိဓာန်ကို သုံးတာမျိုး၊ အင်္ဂလိပ်လိုတွေးပြီး အင်္ဂလိပ်လို ရေးတာမျိုး လုပ်နိုင်အောင် ကြိုးစားကြရမည်။

 

World Health Organization မှာ အကြီးအကဲအဖြစ် တာဝန်ထမ်းဆောင်ခဲ့ဖူးသော အမေရိကန်လူမျိုးတယောက်နှင့် မကြာသေးခင်က စကားစပ်မိတော့ ၁၉၈၀ ခုနှစ်ဝန်းကျင်တုန်းက သူတို့အဖွဲ့အစည်းမှာ မြန်မာနိုင်ငံသားတွေ သုတေသနပြုသော စာတမ်းများ၊ ကွင်းဆင်းလေ့လာသော အစီရင်ခံစာများတွင် အင်္ဂလိပ်စာအရေးအသား၊ တင်ပြပုံ၊ ပါဝင်သည့်အကြောင်းအရာများက အာရှနိုင်ငံများထဲတွင် အကောင်းဆုံးဖြစ်ကြောင်း ပြောပြသည်။ ၁၉၅၇ ခုနှစ်က ရန်ကုန်တက္ကသိုလ်တွင် ဒေါက်တာကျော်သက်က အတန်းထဲတွင် ကျောင်းသားများနှင့် အင်္ဂလိပ်လို အပြန်အလှန်ဆွေးနွေးနေကြသည့် ဗွီဒီယိုကို အင်တာနက်မှာကြည့်ဖူးသည်။ ထိုသို့ နိုင်ငံတကာအဆင့်မှာ ရင်ဘောင်တန်းနိုင်သော အခြေအနေမျိုး အနာဂတ်မှာ ရှိနိုင်ဖို့ ကျမတို့တတွေ နိုင်ငံတကာသုံး ဘာသာစကားဖြစ်သော အင်္ဂလိပ်စာကို ကျွမ်းကျင်တတ်မြောက်ဖို့ လိုအပ်နေပေသည်။

 

Ref: The Bilingual Advantage

 

 

ခင်နှင်းစိုး

၁ သြဂုတ် ၂၀၁၂

khsoesoe@gmail.com

(၉ ရက် သြဂုတ်လ ၂၀၁၂ ထုတ် Venus News Journal တွင်ဖော်ပြပြီးဖြစ်သည်)

Views: 3764

Reply to This

Replies to This Discussion

thanks

Thank you so much teacher.

Very practical. Many thanks.

thanks a lot for sharing your knowledge !!! I'm going to try English to be excellent . :D :D

Thanks a lot sayama Khin Hnin Soe. I really like your article. Yes, it is absolutely right with the four skills- listening , speaking, reading and writing. Even though my English is not good, I'm still interested in learning English and trying to be better. Many good things are mentioned in your article but one thing is seen good and definitely useful for me. That is about how a person can improve his/her english by thinking and writing in the way it is.  Am I correct? That will be very much practical.  Anyway, thanks a lot for thatand really appreciate it.

I am happy to know that you've gained something after reading my article. Please keep up in learning English. I am also a lifelong learner.

thank you

A call to all learners of English.
As a language teacher myself, I absolutely endorse all these presented ideas.

Thank for your discussion

Thanks a lot,teacher

thank you,,,,,,teacher

thanks teacher

RSS

Featured Discussions

© 2018   Created by Myanmar Network.   Powered by

Badges  |  Report an Issue  |  Terms of Service