ဒီဆောင်းပါးကတော့ “had had” ၊ “is is” စသည်ဖြင့် စကားလုံးတစ်လုံးတည်းကို နှစ်ခါထပ်ပြီး သုံးတဲ့ အကြောင်း ဖြစ်ပါတယ်။ မိုက်ခရိုဆော့ဖ်ကုမ္ပဏီက ထုတ်တဲ့ Word ဆော့ဖ်ဝဲနဲ့ စာရိုက်မယ်ဆိုရင် စကားလုံးတစ်လုံးတည်းကို နှစ်ခါထပ်ပြီး သုံးတာတွေအားလုံးကို သဒ္ဒာ မှားနိုင်တယ်ဆိုပြီး ဆော့ဖ်ဝဲက သတိပေးမှာ ဖြစ်ပါတယ်။ ဒါပေမယ့်လည်း တစ်ခါတစ်ခါ အဲဒီလို နှစ်ခါထပ်ပြီး သုံးလို့ ရပါတယ်။


လက်ခံနိုင်သည့် နှစ်ခါထပ်သုံး စကားလုံးများ


တစ်ခါတစ်ခါ စာရေးစဉ် ဒါမှမဟုတ် စကားပြောစဉ် စကားလုံးတွေကို ၀ါကျအဖြစ် ဖွဲ့စည်းတဲ့အခါ သူ့အလိုလို စကားလုံး တစ်လုံးက နှစ်ခါထပ်သွားတာ ဖြစ်နိုင်ပါတယ်။ ဥပမာ “When I gave her her hat back, she thanked me.” ကျွန်တော် သူ့ဦးထုပ်ပြန်ပေးတော့ ကျွန်တော့်ကို ကျေးဇူးတင်တယ်လို့ ပြောသွားတယ်ဆိုတဲ့ ၀ါကျမှာ her her နှစ်လုံး ထပ်ပါတယ်။ ကွန်ပျူတာနဲ့ ရိုက်ကြည့်ရင် ကွန်ပျူတာက သဒ္ဒါစစ်တဲ့ ဆော့ဖ်ဝဲက အရောင်ခြယ်ပြီး သတိပေးပါလိမ့်မယ်။ ဒါပေမယ့် ၀ါကျက နဲနဲ ကို့ယို့ကားရား နိုင်တာဘဲ ရှိတယ်၊ မမှားပါဘူး၊ မှန်နေတာပါဘဲ။ နောက်ဝါကျတစ်ခုကို ဖော်ပြရမယ်ဆိုရင် “By the time I thought of it, it was too late” ကျွန်တော် စဉ်းစားမိတဲ့အချိန်ကျတော့ သိပ်နောက်ကျသွားပြီ ဆိုတဲ့ ၀ါကျမှာ ဖတ်လို့လွယ်အောင် ထပ်နေတဲ့ it နှစ်လုံးကြားမှာ ကော်မာခံထားပါတယ်။ အဲဒီလို ၀ါကျတွေမှာ စကားလုံးတစ်လုံးကို နှစ်ခါထပ်သုံးထားတာတွေဟာ မှန်တယ်ဆိုပေမယ့် စိတ်ထဲမှာ ဘ၀င်မကျဘူးဆိုရင် ၀ါကျတစ်ခုလုံးကို ပြန်ပြင်ပြီး ဖွဲ့စည်းနိုင်ပါတယ်။


"Had Had"


“Had” ကို နှစ်ခါထပ်သုံးတာလည်း တွေ့ရတတ်ပါတယ်။ “had had” ဆိုပြီး သုံးတာဖြစ်ပါတယ်။ အဲဒီလို သုံးတာ မှန်ပါသလားလို့ နယူးယောက်မြို့က Frank က မေးထားပါတယ်။ နဲနဲ ကို့ယို့ကားရား ဖြစ်ပေမယ့် မှန်ပါတယ်လို့ ဖြေချင်ပါတယ်။ ဘာဖြစ်လို့ “had” က နှစ်ခါထပ်ပြီး “had had” ဖြစ်သွားရသလဲဆိုတာ နားလည်အောင် present perfect tense နဲ့ past perfect tense နှစ်မျိုးကို လေ့လာရပါမယ်။


ဥပမာ “I have had too many chocolates today” သမီးဒီနေ့ချော့ကလက်တွေ အရမ်းအများကြီး စားလိုက်ပြီ ဆိုတဲ့ ၀ါကျဟာ present perfect tense ဖြစ်ပါတယ်။ အတိတ်ကစခဲ့ပြီး အခုအထိ ဆက်နေသေးတဲ့ ဖြစ်ရပ် လုပ်ဆောင်ချက်တွေကို ဖော်ပြတဲ့အခါ ဒီ tense ကို သုံးရပါတယ်။ ဥပမာ ၀ါကျမှာ ဆိုရင် ချော့ကလက်တွေကို အတိတ်ကာလ တစ်ချိန်ချိန်က စပြီး စားခဲ့တယ်၊ ပစ္စုပ္ပန်မှာလည်း စားတုန်းဘဲလို့ ဆိုလိုပါတယ်။ verb ကြိယာကို present perfect tense ဖြစ်အောင်လို့ V3 ဒါမှမဟုတ် ed/en လို့ခေါ်တဲ့ past participle ပုံစံပြောင်းပြီး ရှေ့က “has” ဒါမှမဟုတ် “have” ထည့်ပေးရပါတယ်။ ဥပမာ သွားသည် go ဆိုရင် သွားပြီးပြီ has gone ဒါမှမဟုတ် have gone၊ ရှိသည် ဆိုရင် ရှိပြီးပြီ has had ဒါမှမဟုတ် have had။


အခု ချော့ကလက်စားတဲ့ ၀ါကျကို present perfect tense ကနေ past perfect tense ပြောင်းမယ် ဆိုပါတော့။ past perfect tense လိုချင်ရင် present perfect tense ကို ယူ၊ “has” ဒါမှမဟုတ် “have” နေရာမှာ “had” ပြောင်းပေးရတယ်။ ဥပမာ သွားခဲ့ပြီးပြီ had gone၊ ရှိခဲ့ပြီးပြီ had had ။ အဲဒီတော့ “I had had too many chocolates, so I was too full to eat dinner yesterday.” သမီး ချော့ကလက်တွေ စားလိုက်တာ အရမ်းများသွားလို့ ဗိုက်ပြည့်ပြီး မနေ့က ညစာတောင် မစားနိုင်ဘူး ဆိုတဲ့ ၀ါကျကို ကြည့်ရင် အတိတ်က ဖြစ်ရပ် နှစ်ခုကို တွေ့ရပါမယ်။ ပထမ ဖြစ်ရပ်က ချော့ကလက်စားခဲ့ခြင်း၊ ဒုတိယဖြစ်ရပ်က ညစာမစားနိုင်ခြင်း ဖြစ်ပါတယ်။

အတိတ်က ဖြစ်ရပ် လုပ်ရပ် နှစ်ခုမှာ အရင်ဖြစ်တဲ့ ဖြစ်ရပ် လုပ်ရပ် ကို ပြဖို့အတွက် past perfect tense ကို သုံးပါတယ်။ တကယ်လို့ ဖြစ်ရပ်လုပ်ရပ်ကို ပြတဲ့ အဓိက ကြိယာက “to have” ဖြစ်နေရင် V3 ဒါမှမဟုတ် ed/en လို့ခေါ်တဲ့ past participle ပုံစံပြောင်းတော့ “had” ၊ ရှေ့ကထည့်တဲ့ အကူကြိယာ ကလည်း “had” ဆိုတော့ “had” နှစ်ခါထပ်ပြီး “had had” ဖြစ်သွားပါတယ်။


“had had” မသုံးဘဲနဲ့ “I had eaten too many chocolates, so I was too full to eat dinner yesterday.” လို့ ရေးရင်လည်း သဒ္ဒာနည်းအရ အတူတူပါဘဲ။ verb ကြိယာကို “to have” မသုံးဘဲ “to eat” ပြောင်းသုံးလိုက်တာဘဲ ရှိပါတယ်။ “had had” လို့သုံးတာ မမှားပေမယ့် “had eaten” လို့သုံးတာက နားထောင်လို့ ပိုကောင်းပါတယ်။


ထူးခြားသော “Is”


ရှိသည်၊ ဖြစ်သည် လို့ အဓိပ္ပာယ်ရတဲ့ verb to be "is" မှာလည်း နှစ်ခါထပ်သုံးတာ ဖြစ်တတ်တယ်။ “is” နှစ်ခါထပ်တာများတယ်။ “was” စသည်ဖြင့် အခြား ver “to be” ရဲ့ ပုံစံတွေကိုလည်း ထပ်သုံးနိုင်ပါတယ်။ “Que será será” (ကေဆရာဆရာ) ဆိုတဲ့ သီချင်းကို ကြားဖူးတယ် မဟုတ်လား။ စပိန်ဘာသာကနေ အင်္ဂလိပ်ဘာသာကို ပြန်လိုက်ရင် “Whatever will be will be.” ဖြစ်မယ့်ဟာ ဖြစ်မှာဘဲ လို့ ဆိုလိုတယ်။ Que က whatever လို့ အဓိပ္ပာယ်ရတယ်၊ será ကတော့ will be ဖြစ်ပါတယ်။ အဲဒီသီချင်းမှာလည်း "será"ကို နှစ်ခါထပ်ပြီး သုံးထားပါတယ်။


အမေရိကန် အင်္ဂလိပ်စကားမှာ ၁၉၈၀ ပြည့်နှစ်တွေမှာ “is” နှစ်ခါထပ်သုံးတာ တွေ့နေရပါပြီ။ အသုံးအနှုန်းကို သေသေချာချာ ဂရုစိုက်ပြီး သုံးနှုန်းတတ်သူတွေ ကတော့ “is” နှစ်ခါထပ်သုံးလေ့ မရှိဘူးလို့ သဒ္ဒာကျွမ်းကျင်သူ Bryan Garner က ဆိုပါတယ်။ ဖြစ်တတ်တာက ၀ါကျကို စတဲ့အခါ “The problem is” ပြဿနာကတော့... ဒါမှမဟုတ် “The question is” မေးစရာကတော့... လို့ စ လိုက်ပြီး ဘာဆက်ပြောရမလဲ စဉ်းစားနေရင်း “is” ကို နှစ်ခါထပ်သုံးမိသွားတာ ဖြစ်ပါတယ်။ ဥပမာ“The problem is is that it’s raining” ပြဿနာကတော့ မိုးရွာနေတာဘဲ လို့ ပြောမိတာမျိုးပါ။ တကယ်တော့ The problem က subject ကတ္တား ဖြစ်တဲ့အတွက် “is” တစ်လုံးဘဲ လိုပါတယ်။ နှစ်လုံးထပ်သုံးရင် မှားပါတယ်။ အဲဒီလို မမှားရအောင် စကားမစခင်ကတည်းက ပြောချင်တဲ့ အကြောင်းတွေကို အသေအချာ စဉ်းစားထားတာ ကောင်းပါတယ်။


“is” နှစ်လုံးထပ်ပေမယ့် သဒ္ဒာမမှားဘူးလို့ ယူဆရတဲ့ အသုံးလည်း ရှိပါတယ်။ “What he is is a complete jerk.” သူကဘာလဲဆိုတော့ လုံးဝဥဿုံ ငကြောင်ဖြစ်တယ်။ လို့သုံးတာ စကားလုံး ဖောင်းပွပေမယ့် သဒ္ဒာတော့ မမှားဘူး။ ဒီလို ၀ါကျဖွဲ့စည်းပုံမျိုးကို အလေးအနက်ပြုချင်ရင် သုံးလို့ရတယ်။ ဥပမာ “What she wants is a bigger chocolate bar.” သူမ လိုချင်တာက ဒီထက်ကြီးတဲ့ ချော့ကလက်တုံး ဖြစ်တယ် ဆိုရင် သဒ္ဒာနည်းအရ မှန်သလို subject ကတ္တားဖြစ်တဲ့ “What she wants” သူမ လိုချင်တာက နေရာမှာ “What he is” သူကဘာလဲဆိုတော့ ကို အစားထိုးလို့ ရတယ်။ မမှားဘူး။ အဲဒီကတ္တားရဲ့ နောက်မှာ "is" ဆိုတဲ့ ကြိယာ လိုက်တယ်။ အဲဒီတော့ ကတ္တားကလည်း "is" နဲ့ ဆုံးတာဆိုရင် "is" နှစ်ခါ ထပ်သွားပါတယ်။ “He is a complete jerk” သူ လုံးဝဥဿုံ ငကြောင်ဖြစ်တယ် လို့ သုံးမယ်ဆိုရင် အသုံးအနှုန်း ပိုပြီး ကျစ်လျစ်ပေမယ့် အလေးအနက်ပြုရာမှာတော့ လျော့နည်းသွားတယ်။


အကျဉ်းချုပ်


စကားလုံးတွေကို နှစ်ကြိမ်ထပ်ပြီး သုံးတဲ့အကြောင်းကတော့ ဒီလောက်ပါဘဲ။ ပုံမှန် ၀ါကျဖွဲ့စည်းရင်းနဲ့ တစ်ခါတစ်ရံ နှစ်ကြိမ်ထပ်သွားတာဆိုတာကို သတိပြုပါ။ “have” ကို past perfect tense ပြောင်းရင် “had” နှစ်လုံးထပ်တယ်။ ကို့ယို့ကားယားဖြစ်တယ်ထင်လို့ စကားလုံးတွေ နှစ်ထပ် မသုံးချင်ရင် အခြားနည်းနဲ့ ၀ါကျပြန်ပြင်ဖွဲ့နိုင်ပါတယ်။ “is” နှစ်လုံးထပ်သုံးတာလည်း တစ်ခါတစ်လေ သုံးချင်သုံးနိုင်ပေမယ့် ဖြစ်နိုင်ရင် ရှောင်တာကောင်းပါတယ်။

Views: 3554

Reply to This

Replies to This Discussion

Thank Thank

good

ကျေးဇူးတင်ပါတယ်နော်

thank youvery much sir

Thanks a lot!

RSS

Featured Discussions

© 2019   Created by Myanmar Network.   Powered by

Badges  |  Report an Issue  |  Terms of Service