သင်၏စီးပွားရေးနယ်ပယ်တွင် ဆက်ဆံပြောဆိုမှုဆိုင်ရာစွမ်းရည်သည် မည်မျှထိရောက်မှုရှိပါသနည်း

စီးပွားရေးပညာရှင်တိုင်းနှင့် စီးပွားရေးလုပ်ငန်းရှင်တိုင်းသည် မိမိတို့သည် ကျွမ်းကျင်သော ဆက်ဆံပြောဆိုသူများဖြစ်ကြသည် ဟု ယုံကြည်ကြသည်သာ ဖြစ်ပါသည်။ သို့သော် တကယ်ဟုတ်၊ မဟုတ် သူတို့ မည်သို့သိနိုင်မည်နည်း။ အမှန်တကယ်တွင် လက်ခံနားထောင်သူ၏ သိမြင်ခံစားချက်ကသာလျှင် အရေးကြီးသည်ဖြစ်ပြီး၊ ဆက်ဆံပြောဆိုမှု ညံ့ဖျင်းသူများသည် အမြဲတမ်းနီးပါးပင် နားထောင်မှုညံ့ဖျင်းသူများလည်း ဖြစ်ကြပါသည်။ ထို့ကြောင့် လည်း သူတို့၏ အားနည်းချက်များကို သူတို့ကိုယ်တိုင် ကြားသိ ကြမည်မဟုတ်ပါ။ အမေရိကန်ကုဋေကြွယ်သူဌေးကြီး Warren Buffet (၀ါရန်ဘတ်ဖတ်ထ်)သည် တစ်ကြိမ်က စီးပွားရေး သင်တန်းတစ်ခုတွင် စကားပြောဆိုရာတွင် ပိုမိုကောင်းမွန်သော ပြောဆိုဆက်ဆံနိုင်စွမ်းသည် ပြောသူ၏တန်ဖိုးအား ငါးဆယ်ရာခိုင်နှုန်း မြှင့်တင်ပေးနိုင်ကြောင်း ပြောခဲ့ပါသည်။


ထိုအချက်သည် ဖြစ်အောင်ကြိုးစားထိုက်သော အချက်ဖြစ်သည်မှာ သေချာပါသည်။ ထို့ကြောင့် မိမိကိုယ်ကိုမိမိဆန်းစစ်ပြီးတိုးတက်မှုရှိလာစေရန်ပြုလုပ်ရမည့် လိုအပ်ချက် ရှိနေသည်ကို အသိအမှတ်ပြုရန်နှင့် ပြောင်းလဲမှုပြုလုပ်ရန် တစ်ခုခုစတင်ပြုရန် အချိန်ကျရောက်ပြီဖြစ်သည်။ သို့သော် သင်ဘာကိုရှာရမည်ကို မသိပါက မိမိကိုယ်ကိုဆန်းစစ်ရုံသက်သက်သည် သင့်အားမည်သည့်အကူအညီမှ ပေးစွမ်းမည်မဟုတ်ချေ။ တကယ့် အကူအညီပေးနိုင်သည့်အရာကို ကျွန်ုပ် စာအုပ်သစ်တစ်အုပ်တွင် တွေ့ခဲ့ပါသည်။ အသိအမှတ်ပြုခံရဆုံး စီးပွားရေးလုပ်ငန်းခွင် ပြောဆိုဆက်ဆံရေး ဆိုင်ရာ အထူးကျွမ်းကျွင်သူများထဲမှ တစ်ဦးဖြစ်သူ Dianna Booher (ဒိုင်ယာနာဘိုဟာ)၏  "What MORE Can I Say" (ကျွန်ုပ်ဘာတွေထပ်ပြော၍ ရနိုင်ပါသေးသနည်း) စာအုပ်ပင်ဖြစ် သည်။ ထိုစာအုပ်ထဲတွင် စာရေးသူသည် ထိရောက်သော စီးပွားရေးပြောဆိုဆက်ဆံခြင်း၏ အတိုင်းအတာ များကို ရှင်းလင်းစွာ ဖော်ပြရေးသားထားပါသည်။


ထိုစာအုပ်တွင် သူမက ဆက်ဆံပြောဆိုခြင်းနှင့် နားဝင်လက်ခံလာအောင်ပြောဆိုခြင်း အတတ်ပညာတို့တွင် အောင်မြင်မှုရရှိစေရန် အချက်ကိုးချက်ပါဝင်သည့် စီစစ်ပြုလုပ်ရန်အချက်များစာရင်းကို ရေးပေးထားပါသည်။ ထိုအချက်များကို ပညာရှင်တိုင်းက မိမိဘာသာ အကဲဖြတ်စိစစ် တန်ဖိုးဖြတ်ရာတွင်အသုံးပြုသင့်ကြောင်း ကျွန်ုပ်ယုံကြည်ပါသည်။ သင်တို့ စတင် လုပ်ဆောင်နိုင်ရန် သူမ၏ အမြင်အချို့ကို ကျွန်ုပ်က ဤနေရာတွင် ပြန်လည်ရေးသားလိုက်ပါသည်။


(၁) မယုံကြည်မှုထက် ယုံကြည်မှုကို ဖော်ထုတ်ပြပေးပါ။


ထိရောက်သော ပြောဆိုဆက်ဆံခြင်းသည် သင့်အပေါ်၊ သင်ပြောဆိုလိုသည့် အကြောင်းအရာနှင့် ၄င်းကိုပြောဆိုတင်ဆက်ပုံတို့တွင် ယုံကြည်မှုရှိစေရန် လိုအပ်ပါသည်။ ကျွန်ုပ်တို့သည် ကျွန်ုပ်တို့နှင့် တူသည်ဟုထင်ရသောသူများ၊ သို့မဟုတ် အခြားသူများကယုံကြည်ရသည်ဟု လူမှုရေးဆိုင်ရာ သက်သေအထောက်အထားရှိသောသူများ သို့မဟုတ် အပြန်အလှန်ယုံကြည်မှုရှိသည်ဟု ခံစားရသူများအပေါ် ယုံကြည်လေ့ရှိသည်။ အကောင်းမြင်ဝါဒရှိသူများ၊ ယုံကြည်ချက်ရှိသူများနှင့် ကျွမ်းကျင်မှုရှိသည်ကို ပြသနိုင်သူများသည် ယုံကြည်ခံရသူများပင်ဖြစ်သည်။ သင်သည် ထိုသူများထဲက တစ်ဦးဖြစ်ပါသလား။


(၂) တစ်ဦးတစ်ယောက်တည်းပြောဆိုလုပ်ကိုင်ခြင်းထက် အများနှင့်စုပေါင်းလုပ်ဆောင်ပါ။


သြဇာလွှမ်းမိုး မှုရှိစေရန် အများနှင့်ပူးပေါင်းဆောင်ရွက်ခြင်းသည် အခြေခံကျသော ခေါင်းဆောင်မှုစွမ်းရည် တစ်ရပ် ဖြစ်လာပါသည်။ သင်ဖြေသောအဖြေများကြောင့်မဟုတ်ဘဲ သင်မေးသောမေးခွန်းများကြောင့် သင့်ကိုလူသိအောင်ပြုလုပ်ပါ။ တင်ပြပြောဆိုချက်များသည် အပြန်အလှန်ပြောဆိုဆက်ဆံမှုတစ်ခုတွင် သင်ကထိန်းချုပ်ရန် ရည်ရွယ်သည့် ပုံစံမျိုးပေါက်စေသော်လည်း မေးခွန်းများကမူ တစ်ဖက်လူ၏တင်ပြချက်များသည် နှစ်ဦးနှစ်ဖက် အကျိုးရှိစေသည့်ဆုံးဖြတ်ချက်ဆီသို့ ရောက်စေမည့် တန်ဖိုးရှိသည်ဟု အဓိပ္ပါယ် သက်ရောက်စေပါသည်။


(၃) ရှုပ်ထွေးမှုများကို ထည့်သွင်းခြင်းထက် ရိုးစင်းမှုရှိစေရန် ဦးတည်ချက်ထားပါ။


ရိုးစင်းမှုသည် အာရုံစူးစိုက်နိုင်ခြင်းသို့ ဦးတည်ပါသည်။ ၄င်းက ဆက်လက်၍ ရည်ရွယ်ချက်ရှင်းလင်းမှုကို ဖြစ်ပေါ်စေပါသည်။ လူတို့သည် သူတို့ နားမလည်သောအရာများ၊ နှစ်ခွပြောနေသည်ဟု ခံစားခံရမိသည့်အရာများနှင့် မလိုအပ်ဘဲနှင့် ရှုပ်ထွေးအောင်ပြုလုပ်ထားသည့်အရာများကို မယုံကြည်ကြပါ။ လူတို့၏ စိတ် သို့မဟုတ် လှုပ်ရှားလုပ်ကိုင်မှု များကို ပြောင်းလဲပစ်ရန် သူတို့အပေါ် သြဇာလွှမ်းမိုးနိုင်ရန်မှာ သင်၏အဖြေဆီသို့ သွားနိုင်စေမည့် မသိစိတ်က ပါသည့် ရိုးရှင်းသောလမ်းကြောင်းမျိုး တည်ဆောက်ရန် လိုအပ်ပါသည်။


(၄) အရိပ်အကဲနားလည်မှုရှိစွာနှင့် တင်ပြပြောဆိုပြီး၊ အလိုက်ကန်းဆိုးမသိခြင်းမျိုးကို ရှောင်ကြဉ်ပါ။


အချို့သော စကားလုံးရွေးချယ်မှုများ သည် လူတို့အား ကြဉ်သွားစေမည်ဖြစ်သည်။ အဆင့်အတန်းမရှိခြင်း၊ အရိပ်အကဲနားလည်မှုမရှိခြင်း သို့မဟုတ် ကိန်းခန်းကြီးသောအသုံးအနှုန်းမျိုးဖြစ်သောကြောင့်ပင်ဖြစ်သည်။ အနှုတ်လက္ခဏာဆောင်သော တုန့်ပြန်လာခြင်းမျိုး ဖန်တီးလာနိုင်ဖွယ်ရှိသည့် ဘက်လိုက်ပြောဆိုမှုမျိုးကို ရှောင်ရှားနိုင်ရန်အတွက် ပြောဆိုဆက်ဆံရာတွင် စကားလုံးများ သေချာစွာ ရွေးချယ်ပါ။ တဖက်သူ ပိုမိုလက်ခံနားဝင်လာမည့် ယုံကြည်စိတ်ချရသည့် ကိန်းဂဏန်း မျိုး သို့မဟုတ် ပြောဆိုထားချက်မျိုးကို အသုံးပြုရန် စဉ်းစားပါ။ တစ်ဖက်တွင်လည်း ထိရှလွယ်မည့် သဘောသက်ရောက်ခြင်းမျိုးပါသည့် အကြောင်းခြင်းရာများကို ဖယ်ရှားရှင်းလင်းရမည် ဖြစ်ပါသည်။


(၅) အနာဂတ်ဖြစ်နိုင်စွမ်းရန်အပေါ်လည်း နေရာပေးပါ။


အနာဂတ်ဖြစ်နိုင်စွမ်း၏ ဆွဲဆောင်မှုသည် သာမန်အားဖြင့် လက်ရှိ အောင်မြင်နေမှုများထက် ကြီးမားပါသည်။ ဤအချက်သည် အထူးသဖြင့် အလုပ်ခွင်ရာထူးအဆင့်ဆင့် တိုးတက်လာမှု၊ လုပ်ကိုင်ချင်စိတ်ဖြစ်ပေါ်လာစေရန် လှုံ့ဆော်ပေးမှုနှင့် နည်းစနစ်များ၏ စွမ်းအားတို့နှင့်ပတ်သက်၍ မှန်ကန်ပါသည်။ ဖောက်သည်များနှင့် အလုပ်လာအပ်သူများ အတွက် နှစ်မျိုးစလုံးကို ထည့်သွင်းစဉ်းစားပေးပါ။ သင်၏ ကိုယ်ပိုင်ထုတ်မသုံးရသေးသော ဖြစ်နိုင်စွမ်းများ အနေဖြင့် မည်သည့်အရာများ ဖော်ထုတ်ရနိုင်မည်နည်းကို စဉ်းစားပါ။


(၆) နားထောင်သူ၏အမြင်ကို စဉ်းစားပါ။


နားထောင်သူများသည် သူတို့ကြားခဲ့သည့် သတင်းအချက် အလက်အပိုင်းအစများကို အားလုံးပျမ်းမျှခြင်းချကာ ထင်မြင်ချက်တစ်မျိုးတည်းနှင့် ကောက်ချက်ချ ထွက်သွားလေ့ရှိတတ်ကြပါသည်။ ပို၍များခြင်းသည်  အမြဲတမ်းပို၍ကောင်းခြင်းမဟုတ်။ ထို့ကြောင့် စီစဉ်တင်ဆက်ခြင်းများနှင့် မိန့်ခွန်းများ၏အရှည်ကို လျှော့ချပါ။ "အမြင်"သည် "လက်တွေ့အမှန်" ထက် ပို၍အရေးကြီးပါသည်။ အကူအညီပေးလိုခြင်း လွန်ကဲမှုလက္ခဏာများကို ရှောင်ကြဉ်ပါ။


(၇) ယေဘုယျဆန်ဆန်ပြောခြင်းမျိုးများထက် တိကျသောကိစ္စရပ်များဆီသို့ အာရုံစူးစိုက်ပေးပါ။

မိန့်ခွန်းများစွာလိုရင်းမရောက်ရခြင်းမှာ ၄င်းတို့သည် လူတိုင်းနှင့် သက်ဆိုင် သော ကိစ္စများကို ဦးတည်ပြီး မည်သူတစ်စုံတစ်ဦးကိုမှ ကြီးမားသောသက်ရောက်မှုမရှိသောကြောင့်ဖြစ်ပါသည်။ လူတို့သည် ပြောဆိုချက်တစ်ခုက သူတို့နှင့် မည်သို့ တိုက်ရိုက်ပတ်သက်နေကြောင်း သိရှိရန် လိုအပ်ပါသည်။ သင့်အတွက် စိန်ခေါ်မှုမှာ နားထောင်သူတစ်ဦးချင်းစီက ၎င်းတို့အားတိုက်ရိုက်ပြောနေသကဲ့သို့ခံစားရစေရန်စွမ်းဆောင်နိုင်ရန်ဖြစ်သည်။


(၈) ယထာဘူတာကျခြင်းသာမက စိတ်ခံစားချက်များအပေါ်ပါ အခွင့်ကောင်းယူအသုံးပါ။


စိတ်ခံစားချက် များသည် မကြာခဏပင် ယထာဘူထာကျခြင်းကို လွှမ်းမိုးသွားတတ်ပါ သည်။ သို့သော် ယထာဘူတကျခြင်းက စိတ်ခံစားချက်များအပေါ် လွှမ်းမိုးသည်ဆိုသည်မှာ မရှိသလောက် နည်းပါပါသည်။ နားထောင်သူများစွာတို့အတွက် ယထာဘူတကျသော ရှင်းလင်းပြောဆိုပြချက်တစ်ခုသည် ပြုလုပ်ပြီးဖြစ်သော စိတ်ခံစားချက်ဆိုင်ရာ ဆုံးဖြတ်ချက်တစ်ခုကို လုပ်သင့်ကြောင်း ထပ်မံထောက်ခံပေးရုံ သက်သက်သာလျှင် ဖြစ်ပေါ်စေပါသည်။ နားထောင်သူတစ်ဦးအား သင်ဖြစ်လိုသော စိတ်ခံစားချက်ဆီသို့ ရောက်ရှိရန် တစ်ခုမကသော အာရုံများကို ထည့်သွင်းအသုံးချပါ။


(၉) သင့်ကိုယ်ပိုင်တွေးခေါ်ပုံ၏ရှေ့တွင် စာနာနားလည်ပေးခြင်းကိုထား၍ ဦးဆောင်ပါ။


စာနာနားလည်ပေးခြင်းဟူသည် မည်သည့်အရာတွေပြောခဲ့သည်၊ မည်သည့်အရာတွေမပြောခဲ့သည်ကို တက်ကြွစွာ နားထောင်ပေးခြင်းနှင့် စတင်ပါသည်။ ထင်မြင်ခံစားချက်များနှင့် တကယ့်အဖြစ်အပျက်များကြားရှိ ကွာဟချက်များကို နားထောင်ပါ။ ၄င်းနောက်တွင် သင်၏ကိုယ်ပိုင် ထင်မြင်ခံစားချက်များဖြင့် တစ်ဖက်လူအား နားချ စည်းရုံးခြင်းမပြုလုပ်မီ ၄င်းကွာဟချက်များ စေ့သွားစေရန် အာရုံစူးစိုက်လုပ်ဆောင်ပေးပါ။ အခြားသူများအား သင်နားထောင်ရာတွင် ကူညီခွင့်ပေးပါ။ ပြီးလျှင် သင်၏တုံ့ပြန်မှုအတွက် ပုံစံစချပါ။


စီးပွားရေးဆက်လက် ဖွံ့ဖြိုးတိုးတက်လာသည်နှင့်အမျှ ပြိုင်ဆိုင်မှုများလည်း ပိုမိုပြင်းထန်လာသောအခါ သင့်အတွက် လုပ်ငန်းခွင်ဆိုင်ရာနှင့် စီးပွားရေးလုပ်ငန်းဆိုင်ရာ အခွင့်အလမ်းများရယူနိုင်ရန် မြင့်မားသည့် ပြောဆိုဆက်ဆံရေးစွမ်းရည် လိုအပ်မည်ဖြစ်ပါသည်။ ငြိမ်ပြီးရပ်နေပါက နောက်တွင် ကျန်ခဲ့မည်ဖြစ်သည်။

Forbes.com မှ Martin Zwilling ၏ How Effective Is Your Business Communication Skill? ကို ကိုးကားဘာသာပြန်ဆိုထားခြင်းဖြစ်ပါသည်။

မူရင်းဆောင်းပါးကို ဤနေရာတွင် ဖတ်ရှုနိုင်ပါသည်။

အခြားသင်ခန်းစာများ ဖတ်ရှု လေ့လာရန် link - http://www.myanmar-network.net/page/index-of-articles-and-english-lessons


Myanmar Network အသင်းဝင်ထားခြင်းဖြင့် ရရှိမည့် အကျိုးကျေးဇူးများ ]

- အင်္ဂလိပ်စာသင်ခန်းစာနှင့် အလုပ်ခေါ်စာအသစ်များ၊ UK စာမေးပွဲ သတင်းများ နှင့် အင်္ဂလိပ်စာသင်တန်း သတင်းများကို အသင်းဝင်များထံသာလျှင် e-mail ဖြင့် အကြောင်းကြားပေးမှာ ဖြစ်ပါသည်။
- ဗြိတိသျှကောင်စီမှ ကြီးမှူးကျင်းပသော ပွဲများကို အသင်းဝင်များသာ ကြိုတင်သိရှိပြီး အသင်းဝင်မဟုတ်သူများထက်စော၍ စာရင်းပေးသွင်းနိုင်ပါသည်။
- Myanmar Network ဝက်ဆိုက်ဒ်တွင် အသင်းဝင်များသာလျှင် like နှင့် comment ပေးနိုင်မည်ဖြစ်သည်။
- စကားဝိုင်းများ (Forum များတွင်)နှင့် အလုပ်ခေါ်စာများကိုလည်း ကိုယ်တိုင်ဝင်ရောက်ရေးသားနိုင်ပါသည်။
- အသင်းဝင်များတွင် ကိုယ်ပိုင် Profile Page ရှိမည်ဖြစ်ပြီး မိမိ၏ ဓာတ်ပုံ၊ မိမိကိုယ်တိုင်ရိုက်ထားသော ဓာတ်ပုံများနှင့် ဗီဒီယိုများလည်း တင်နိုင်မည် ဖြစ်သည်။

- Join us now at - www.myanmar-network.net/main/authorization/signUp

Views: 1396

Reply to This

Replies to This Discussion

Like
Thank you.

RSS

Featured Discussions

© 2019   Created by Myanmar Network.   Powered by

Badges  |  Report an Issue  |  Terms of Service