Complain ဆိုတာ

          ဝန်ဆောင်မှုပေးနေရသည့် လုပ်ငန်းမှ ဝန်ထမ်းများအနေဖြင့် (Customer Right) နှင့် (Complain) ဆိုသော စကားတို့ကို နားမခါးသည့်တိုင် နားမဆန့်အောင်တော့ ကြားနေရမည်ဖြစ်သည်။ ဝန်ထမ်းငယ်ဘဝတွင် (Complain) ဆိုသည်နှင့် ရင်ခုန်သည်။ ဒူးတုန်သည်။ နောက်တော့ (Senior)များ၊ (Department Head) များမှ ကူညီဖြေရှင်းပေးနေချိန်တွင် မျက်နှာကို ရိုကျိုးဟန်ဖြင့် အောက်ချတတ်လာသည်။ ထိုထက်ဝါရင့်လာပြီဆိုလျှင်တော့ (Senior)များ၊ (Department Head)များ၊ (Manager) များမှ မည်သည့်ပြဿနာကို မည်သို့ဖြေရှင်းလိုက်သည်။ မည်သို့ဖြေရှင်းရမည်ကို သတိပြုမိလာသည်။

 ပြဿနာတစ်ရပ်ကို တူညီသည့်ဖြေရှင်းနည်းဖြင့် အကြိမ်ကြိမ်ဖြေရှင်း၍မရဆိုသည်ကိုတော့ သတိချပ်စေချင်ပါသည်။ အဘယ့်ကြောင့်ဆိုသော် ဖြစ်ပွားသည့် ပြဿနာသည် အတူတူဆိုစေဦး (Customer) ကွဲပြားပါသည်။ (Nation, Country, Gender, Weather, Time, etc…) စသည်ဖြင့် အမျိုးမျိုး ကွဲပြားနိုင်သည်။ ပြဿနာတစ်ရပ်ကို ဖြေရှင်းနည်းအမျိုးမျိုး သိထားသည့်တိုင် ပထမဆုံးဖြေရှင်းခွင့်ရသည့်အခါမှာတော့ (Emotion) ကို ထိန်းရသည်မှာ ခက်ပါသည်။ (Customer) ၏ အသံ(Tone) နှင့်အတူ ကိုယ့်အသံမြင့်တက်မလာဖို့ ထိန်းရသည်မှာ ပိုခက်ပါသည်။ တစ်ခါတစ်ရံ ဝမ်းနည်းစိတ်မကောင်းဟန်နှင့် နားထောင်နေရသော်လည်း ရယ်ချင်စိတ်ကို မနည်းမျိုချနေရသည့် အခါလည်း ရှိသည်။ (Customer)အတွက် အမှန်တကယ် စိတ်ထိခိုက်ရသော်လည်း မတော်မတည့် ဖြစ်ပျက်သွားသည့် အဖြစ်အပျက်ကြောင့် ဝန်ထမ်းဘက်မှ မရယ်မောမိစေရန် လွန်စွာအရေးကြီးပါသည်။ တစ်ခါတစ်ရံတွင် ဧည့်သည်ပြောနေသည့်(ရင့်သီးသည့်) စကားများကြောင့် ကိုယ့်ရင်ခုန်သံ တဒိတ်ဒိတ်ကို ပြန်ကြားနေရသည့်တိုင် မျက်နှာကိုပြုံးထားရသည်က အခက်ဆုံးဖြစ်သည်။ ကိုယ့်အပြုံးသည် (မချိပြုံးလား၊ မထီပြုံးလား) ဖြစ်နေတတ်သည်။ ထို့ကြောင့် သတိပြုကာ စိတ်နှစ်လက်နှစ်ပြုံးကာ လေးလေးစားစား နားထောင်ပေးသင့်သည်။ သို့မှသာ ပြဿနာ၏ အရှိန်ကို လျှော့ချနိုင်မည်ဖြစ်သည်။

လက်ရှိကြုံနေရသည့်ပြဿနာသည် မိမိအမှားကြောင့်လား(My fault)၊ တခြားဝန်ထမ်းများ၏ ဝန်ဆောင်မှုအမှားလား(Service)၊ လုပ်ငန်းစု၏ အသုံးအဆောင်ပစ္စည်းများ(Materials)၏ အဆင်မပြေမှုကြောင့်လားဆိုသည်ကိုတော့ ကွဲကွဲပြားပြား သိထားရန် လိုအပ်ပါသည်။ မိမိကြောင့်ဆိုလျှင် စေတနာအမှားဖြစ်သည့်တိုင် (Customer) အတွက် အမှားသည် အမှားသာဖြစ်သည်။ ကိုယ်စေတနာနဲ့ လုပ်ပေးတာပဲဆိုသည့် စိတ်ခံစားချက်ဖြင့် ဖြေရှင်းလျှင် ခုနေသည့်စိတ်ကြောင့် ရာနှုန်းပြည့် မအောင်မြင်နိုင်သည်မှာ သေချာပါသည်။

(Customer Right) ဟူသည် ဧည့်သည်မှ အမြဲမှန်သည်၊ ဧည့်သည်လုပ်သမျှ မှန်သည်ဟု ဆိုလိုခြင်းမဟုတ်ပါ။ တချို့ကိစ္စများတွင် ဧည့်သည်မှားနေသည်ကို ကိုယ်တိုင်ရော၊ ဧည့်သည်၏ အဖော်ပါ သိနေတတ်ပါသည်။ ကျွန်တော်တို့သည် ဝန်ထမ်းများဖြစ်သည်။ ဧည့်သည်နှင့်အပြိုင် ကိုယ်မှန်ကြောင်း သက်သေအပြိုင်ပြရန် မလိုအပ်သဖြင့် (တချိုကိစ္စများတွင်တော့ လိုအပ်ပါသည်။ ဥပမာ ငွေကြေး၊ ကိုယ်ကျင့်သိက္ခာ…) ဧည့်သည်ကျေနပ်အောင် ဆောင်ရွက်ပေးနိုင်ဖို့ လိုအပ်ပါသည်။ (Customer Right) ဟူသည် ဧည့်သည်ကျေနပ်အောင် ဆောင်ရွက်ပေးခြင်းဟု အဓိပ္ပါယ်ဖွင့်လိုပါသည်။ အခက်အခဲ ပြဿနာဟူသည် ကျွန်တော်တို့အတွက် လှေကားတစ်စင်းသာဖြစ်သည်။ ၎င်းကိုအသုံးပြု၍ တက်မည်လား၊ ဆင်းမည်လားဆိုသည်က ကိုယ့်အပေါ်တွင်သာ မူတည်ပါသည်။

ကျွန်တော်သည် ဝန်ဆောင်မှုပေးသည့် လုပ်ငန်းစုကြီးတစ်ခုတွင် လုပ်နေသူဖြစ်၍ (Complain) တော်တော်များများ ကြုံဖူးပါသည်။ ကြုံခဲ့ရသည့် (Complain) များကို အောင်မြင်ပျော်ရွှင်စွာ ဖြေရှင်းနိုင်ခဲ့ပါသလားဆိုလျှင် ကျွန်တော်ချက်ခြင်းပြန်ဖြေမည့်စကားလုံးမှာ (NO) ဖြစ်ပါသည်။ ကျွန်တော် အတတ်နိုင်ဆုံး၊ အကောင်းဆုံးဖြစ်မည်ထင်သော နည်းလမ်းများဖြင့် ဖြေရှင်းခဲ့ခြင်းဖြစ်ပါသည်။ အောင်မြင်သည်လည်း ရှိပါသည်။ ရှုံးနိမ့်သည့် အကြိမ်လည်း ရှိပါသည်။ ယခုဖော်ပြသည့် (Complain) ဖြေရှင်းနည်း (၆) ဆင့်မှာ မှတ်စုစာအုပ်တွင် သိမ်းထားပြီး ကျင့်သုံးနေဆဲနည်း ဖြစ်ပါသည်။ ရာနှုန်းပြည့်အောင်မြင်ပါမည်ဟု အာမ မခံနိုင်သော်လည်း ပြဿနာတော်တော်များများကိုတော့ ဤနည်းဖြင့် ဖြေရှင်းခဲ့ဖူးပြီး ဖြစ်ပါသည်။ ကျွန်တော်သည် ပညာရှင်မဟုတ်ပါ။ ကျွန်တော် ဖတ်မှတ်ဖူးသည့်၊ ကျင့်သုံးဖူးသည့် ဗဟုသုတတို့ကို ပြန်လည်မျှဝေခြင်းသာ ဖြစ်ပါသည်။ (Complain) ဖြေရှင်းရန်အတွက် အဆင့်(၆) ဆင့် ရှိပါသည်။ ၎င်းတို့မှာ …

1.Listen

2.Repeat

3.Thank

4.Apologize

5.Action

6.Follow-up

ဟူ၍ ဖြစ်ပါသည်။

(၁) Listen (နားထောင်ပါ)

ဧည့်သည်၏ အဆင်မပြေမှုများကို ပြောပြနေစဉ်အတွင်း ဂရုတစိုက်နားထောင်ပေးပါ(Eye Contact ရှိပါစေ)။

ဧည့်သည်ပြောနေစဉ်အတွင်း ကြားဖြတ်မပြောပါနှင့်။

ဧည့်သည်မှ အဆင်မပြေမှုကို ပြောကြားနေစဉ် စိတ်ဆိုးဒေါသထွက်၍ ဆူညံကာ တခြားဧည့်သည်များ အတွက် အနှောက်အယှက် ဖြစ်လာနိုင်ပါသည်။ (တစ်ခါတစ်ရံတွင် ဆူညံမှုကြောင့် ဧည့်သည်အချင်းချင်း ပြဿနာတက်နိုင်သည်။ ဧည့်သည်၏ အယူအဆကို သဘောတူ၍ (Complain) ပိုကြီးလာခြင်းမျိုးလည်း ဖြစ်လာနိုင်သေးသည်)။ ထိုအခါမျိုးတွင် ဧည့်သည်မရှိသည့် ဧည့်ခန်း၊ ရုံးခန်းတစ်နေရာသို့ ခေါ်ဆောင်ကာ ဆက်လက်ဆွေးနွေးနိုင်ပါသည်။

၂။ Repeat (ပြန်မေးပါ/ အတည်ပြုပါ)

ဧည့်သည် အဆင်မပြေသည်မှာ (Hotel Service) အပေါ်မှာလား၊ (Hotel Materials) များအပေါ်လား ဆိုတာ မေးပါ။

ဧည့်သည် အဆင်မပြေဖြစ်သည့် အကြောင်းအရာကိုသာ ပြောပြပါ။ ထိုပြဿနာ၏ အဖြေကိုသိနေသည့် တိုင် တန်းပြီး မပြောပြပါနှင့်။

ဧည့်သည်ပြောပြသည့် အချက်အလက်များကို ပြန်စစ်ဆေးကာ ပြန်မေးပါ။ လွဲနေလျှင် ဧည့်သည်မှ ပြန်ပြော ပြပါလိမ့်မည်။

ထို့နောက် မှတ်စုစာအုပ်တွင် ချက်ခြင်းမှတ်ပါ။(မည်သည့်နေ့၊ မည်သည့်ရက်၊ မည်သည့်အချိန်၊ မည်သည့် နေရာ၊ မည်သည့်ဌာန တွင် ဖြစ်သွားကြောင်း)

၃။ Thank (ကျေးဇူးတင်ကြောင်း ပြောပါ)

ယခုကဲ့သို့ အဆင်မပြေမှုများကို အရေးတယူပြုကာ သတင်းအချက်အလက်ပေးသည့်အတွက် ကျေးဇူးတင် ကြောင်း ပြောပြပါ။ သို့မဟုတ် လုပ်ငန်းစုအပေါ်တွင် စေတနာရှေ့ထားကာ ဝေဖန်အကြံပြုသည့်အတွက် ကျေးဇူးတင်ကြောင်းပြောကာ အသိအမှတ်ပြုပါ။

၎။ Apologize (တောင်းပန်ပါ)

ယခုကဲ့သို့ ဧည့်သည်တော်ကြီး စိတ်အနှောက်အယှက်ဖြစ်ရသည့်အတွက်၊ အဆင်မပြေမှုကြုံရသည့် အတွက် ဝမ်းနည်းစိတ်မကောင်းဖြစ်ရပါကြောင်း တောင်းပန်ပါ။

၅။ Action/ Explain (ရှင်းပြပါ)

ဧည်သည်တော်ကြီး၏ အဆင်မပြေမှုကို မည်သို့မည်ပုံ ဖြေရှင်းပေးမည်ဖြစ်ကြောင်းကို ရှင်းပြပါ။ (ဥပမာ အခန်းမှ ဆူညံသံကြောင့်အဆင်မပြေလျှင်၊ သို့မဟုတ် စားသောက်ဖွယ်ရာတစ်ခုခု အဆင်မပြေလျှင်)

ထိုသို့ဆောင်ရွက်ပေးမှုကို ဧည်သည်မှ သဘောတူနှစ်ခြိုက်မှုရှိ၊ မရှိနှင့် လက်ခံပေးနိုင်မှု ရှိ၊ မရှိကို တစ်ခါ တည်း မေးရမည်။

၆။ Follow-Up (ဆောင်ရွက်ပေးပါ)

ဆောင်ရွက်ပေးရာတွင် (Supervisor) သို့မဟုတ် သက်ဆိုင်ရာ (Manager) တစ်ဦးဦးမှ သေချာစွာစစ်ဆေး ကြီးကြပ်ရမည်။ ဆောင်ရွက်ပေးရမည့် ကိစ္စသည် ဆယ့်ငါးမိနစ်ကြာမည်ဖြစ်သော်လည်း အပိုဆယ်မိနစ် ထပ်ဆောင်းကာ မည်မျှတော့စောင့်ပေးပါဟု ဧည့်သည်အား ရှင်းပြထားရမည်။ သတ်မှတ်ချိန်အတွင်း ပြီးစီးခဲ့လျှင် ထိုဝန်ဆောင်မှုသည် ဧည့်သည်အတွက် (Surprised) ဖြစ်ကာ ပျော်ရွှင်ဝမ်းမြောက်ပြီး အဆင်မပြေဖြစ်ခဲ့မှုကို လစ်လျူရှုနိုင်ပေလိမ့်မည်။

(Complain) တက်ခြင်းနှင့် ပတ်သက်၍ အောက်ပါအချက်များကိုလည်း သိထားစေချင်ပါသည်။

၁။ (Complain) တက်ခြင်းသည် ဧည့်သည်မှ သင့်ကို၊ သင့်လုပ်ငန်းစုကို အခွင့်အရေး ပေးခြင်းဖြစ်သည်။ ဧည့်သည်မှ နောက်တစ်ကြိမ်ပြန်လာလို၍ အခွင့်အရေး တောင်းဆိုခြင်း ဖြစ်သည်။

၂။ ပြဿနာကို အဆင်ပြေအောင်မြင်စွာ ဖြေရှင်းလိုက်နိုင်ပြီဆိုလျှင် သင်၏ လုပ်ငန်းဆိုင်ရာအရည်အသွေး တိုးတက်လာမည်ဖြစ်သလို သင်၏ လုပ်ငန်းစုအတွက်လည်း ကောင်းသောစာမျက်နှာသစ်ကို ဖွင့်လှစ်နိုင်ခြင်း ဖြစ်သည်။

၃။ (Complain) တက်ခြင်းသည် သင့်ကို ပြဿနာရှာခြင်းမဟုတ်။ ဧည့်သည်၏ အဆင်မပြေမှုကို လုပ်ငန်းစုကိုယ်စား သင့်ကိုပြောပြခြင်းသာ ဖြစ်ပါသည်။

          ထို့ကြောင့် (Complain) ဆိုသည်မှာ သင်၏စွမ်းဆောင်ရည်ကို တခြားသူတို့ သိစေရန်နှင့် သင်၏ကိုယ်ရည်ကိုယ်သွေးတို့ တောက်ပြောင်စေရန်အတွက် ရောက်ရှိလာသည့် အခွင့်အလမ်းကောင်းဟု ရှုမြင်သုံးသပ်နိုင်ခဲ့မည် ဆိုပါလျှင်…။

လေးစားစွာဖြင့်

ထူးအောင်ဝင့်

Views: 107

Reply to This

Featured Discussions

© 2017   Created by Myanmar Network.   Powered by

Badges  |  Report an Issue  |  Terms of Service