လုပ်ငန်းခွင်အတွင်းက ခွဲခြားဆက်ဆံမှုများ

ကိုယ့်ရဲ့အလုပ်ပတ်ဝန်းကျင်မှာ ခွဲခြားဆက်ဆံမှုတွေရှိနေပါသလား။ ရှိနေတယ်ဆိုရင်တော့ သေချာပါတယ် ကိုယ်က အဲဒီအလုပ်မှာ မပျော်ရွှင်တော့ဘူးဆိုတာ။ လုပ်ငန်းခွင်မှာ ၀န်ထမ်းအားလုံး တန်းတူညီမျှဆက်ဆံမခံရတော့ဘူးဆိုကတည်းက ဘယ်မှာပျော်ရွှင်စရာကောင်းတော့မလဲ။


လုပ်ငန်းခွင်ခွဲခြားဆက်ဆံခြင်းရဲ့ အဓိကတရားခံက ဘယ်သူဖြစ်မယ်ထင်ပါသလဲ။ ဟုတ်ပါတယ်။ လုပ်ငန်းတစ်ခုလုံးကို အုပ်ချုပ်နေတဲ့ အကြီးအကဲတွေ၊ ခေါင်းဆောင်တွေ၊ ဌာနဆိုင်ရာအကြီးအကဲတွေနဲ့ မန်နေဂျာတွေပါပဲ။ အကြီးအကဲတွေရဲ့ လူယုံ၊ လူရင်းရွေးချယ်မှုတွေကြောင့် လုပ်ငန်းခွင်မှာ ၀န်ထမ်းအချင်းချင်းရဲ့ ဆက်ဆံရေးက အက်ရာထင်လာတတ်ပါတယ်။ အချင်းချင်း တစ်ဦးနဲ့တစ်ဦးမယုံကြည်တော့တာ၊ လေးစားမှုမရှိ တော့တာ၊ ညီညွတ်မှုမရှိတော့တာ၊ ပူးပေါင်းလုပ်ဆောင်ဖို့ပျက်ကွက်လာတာတွေ ဖြစ်ပေါ်လာနိုင်ပါတယ်။ ဒီလိုခွဲခြားဆက်ဆံခံရတဲ့ အခြေအနေအမျိုးမျိုးရှိနိုင်ပါတယ်။


လူတော်တွေကိုရွေးပြီး အခွင့်အရေးပေးတာ


တစ်ခါတစ်ရံမှာ အလုပ်ရှင်တွေ အကြီးအကဲတွေအနေနဲ့ စီမံခန့်ခွဲမှုအမှားမျိုးလုပ်မိတတ်ကြပါတယ်။ အဲဒါကတော့ လူတော်တွေကိုပဲရွေးပြီး အခွင့်အရေးပေးတတ်တာပါပဲ။ ကိုယ့်ရဲ့ဝန်ထမ်းတွေထဲမှာ သာမန်ဝန်ထမ်းတွေကိုတော့ လျစ်လျူရှုထားတာမျိုး၊ လက်တွဲခေါ်ယူဖို့ ပျက်ကွက်တာမျိုးတွေက မှားယွင်းတဲ့ အချက်တစ်ခုပါ။ အကြီးအကဲရဲ့ လျစ်လျူရှုမှုကို ခံထားရတဲ့ ၀န်ထမ်းတွေက အလုပ်ခွင်မှာ ပျော်ရွှင်မှုမရနိုင်ပါဘူး။ အလုပ်ခွင်ပျော်ရွှင်မှုနဲ့ လုပ်ငန်းစွမ်းဆောင်ရည်က တစ်ခုနဲ့တစ်ခုဆက်စပ်နေတာကြောင့် အလုပ်မှာမပျော်တဲ့ဝန်ထမ်းတွေက လုပ်ငန်းစွမ်းဆောင်ရည်မှာလည်း ကျဆင်းလာနိုင်ပါတယ်။


မြှောက်ပင့်ပြောဆိုတဲ့သူတွေပဲ နေရာရတာ


မြှောက်ပင့်ပြောဆိုတာလို့ သုံးနှုန်းလိုက်ပေမဲ့ တကယ်တမ်းအရပ်စကားနဲ့ပြောမယ်ဆိုရင် ဖားတဲ့သူတွေ ကိုပြောချင်တာပါ။ ရောက်တဲ့နေရာမှာကြုံတဲ့ အထက်လူကြီးကို ဖားတတ်တဲ့အကျင့်နဲ့ ဖားတာကိုကြိုက်တဲ့ အကြီးအကဲတွေ့ကြတဲ့အခါ လုပ်ငန်းခွင်မှာ အကြီးမားဆုံး ခွဲခြားဆက်ဆံမှုတွေဖြစ်လာတော့တာပါပဲ။ တကယ်တော့ အကြီးအကဲခေါင်းဆောင်ဖြစ်ပြီဆိုတာနဲ့ ကိုယ့်ကိုမြှောက်ပင့်ပြောဆိုတာတွေ၊ ဆက်ဆံတာတွေကို ခံနိုင်ရည်ရှိရပါမယ်။ ဒီလိုမှမဟုတ်ဘဲ ကိုယ့်ကိုမြှောက်ပင့်ပြောဆိုဆက်ဆံမှုတွေကို သာယာနေသရွေ့တော့ ခွဲခြားဆက်ဆံမှုတွေပပျောက်သွားမှာ မဟုတ်ပါဘူး။


ဝန်ထမ်းတွေထဲမှာ တချို့တွေက ကိုယ့်ရဲ့အရည်အချင်းနဲ့ရိုးရိုးသားသား တစ်ဆင့်ချင်းတက်လှမ်း ကြတယ်။ တချို့တွေကျတော့ ကိုယ့်ရဲ့အရည်အချင်းဆိုတာထက် တစ်ပါးသူကို အမှီသဟဲပြုပြီးမှ အမြင့်ကိုတက်ချင်ကြတယ်။ အဲဒီမှာတင် ကိုယ့်ရဲ့အကြီးအကဲ၊ ခေါင်းဆောင်တွေရဲ့ အကြိုက်ကိုလိုက်တော့တာပါပဲ။ အဲဒီလိုလူမျိုးတွေက ကိုယ့်ကိုယ်ကိုယ်အမွှန်းတင်ပြီး တစ်ပါးသူကို နင်းချေတတ်ကြပါတယ်။ ကိုယ့်ထက်တော်တဲ့သူတွေ၊ အရည်အချင်းရှိသူတွေဆို မလိုမုန်းတီးစိတ်နဲ့ သွေးခွဲတတ်ကြပါသေးတယ်။ ခေါင်းဆောင်အကြီးအကဲအရည်အချင်းမပြည့်စုံသူတွေကတော့ အမှန်အမှားကို ခွဲခြားနိုင်စွမ်းမရှိဘဲ အကြိုက်လိုက်ပြောပြီး မြှောက်ပင့်တဲ့ဝန်ထမ်းတွေနဲ့ အကြိုက်လိုက်မပြောဘဲ မှန်ရာကိုပြောတတ်တဲ့ ၀န်ထမ်းတွေကို လုပ်ငန်းခွင်မှာ ခွဲခြားဆက်ဆံတော့တာပါပဲ။


ဆွေမျိုးတွေကို နေရာပေးတာ


တချို့တွေရှိပါတယ် ငါ့ဦးလေးကတော့ MD မို့လို့၊ CEO မို့လို့ဆိုပြီး တခြားသူတွေကို မထီမဲ့မြင်ဆက်ဆံ တတ်တာ၊ နှိမ်ချတာတွေတွေ့ဖူးပါလိမ့်မယ်။ မြန်မာလူမျိုးတွေမှာ အကျင့်တစ်ခုရှိပါတယ်။ ကိုယ့်ဆွေမျိုးတစ်ယောက်ယောက်များ နေရာတစ်နေရာလောက် မရလိုက်နဲ့ အဲဒီလူကို မရမကလိုက်ရှာဆက်သွယ်ပြီး ကျနော့်တူလေး၊ ကျနော့်သားလေး၊ သမီးလေးကို အလုပ်တစ်နေရာလောက်ပေး ပါလို့ မရှက်မကြောက်တောင်းတတ်တာပါပဲ။ တစ်လွဲဆံပင်ကောင်းပြီး ဆွေမျိုးချစ်တဲ့အကြီးအကဲကလည်း အဲဒီလူရဲ့ အရည်အချင်းဘယ်လောက်ရှိမရှိမသိဘဲ နေရာတစ်ခုခုပေးလိုက်တာပဲ။


နောက်ပိုင်းလုပ်ငန်းခွင်မှာ “ငါက ဘယ်သူ့တူကွ၊ ငါက ဘယ်သူ့တူမလေ” ဆိုတာမျိုးနဲ့ ကိုယ့်ထက် စီနီယာကျသူတွေကိုလည်း အရေးမစိုက်၊ ကိုယ့်ထက်အရည်အချင်းသာသူတွေကိုလည်း မထီမဲ့မြင်ပြုနဲ့ အဲဒီလုပ်ငန်းခွင်က ဖရိုဖရဲကသောင်းကနင်းဖြစ်တော့တာပါပဲ။ ဒါကလည်း လုပ်ငန်းခွင်ခွဲခြားဆက်ဆံမှုတစ်ခုပါ ပဲ။ လူတိုင်းက အလုပ်တစ်ခုကို ကိုယ့်အရည်အချင်းနဲ့ကိုယ်ကြိုးစားလို့ရရှိလာတဲ့အချိန်မှာ လူကြီးတစ်ယောက် ယောက်နဲ့ရင်းနှီးလို့ အလုပ်ရလာသူနဲ့တော့ အပုံကြီးကွာခြားပါလိမ့်မယ်။ ဒါမျိုးကိုရှက်ရကောင်းမှန်းမသိဘဲ ဂုဏ်ယူနေတတ်သူတွေလည်းရှိပါသေးတယ်။ ကိုယ့်ရဲ့အရည်အချင်းကြောင့်မဟုတ်ဘဲ တခြားသူရဲ့အရှိန်အ၀ါ ကိုမှီခိုပြီးမှရလာတဲ့ အခွင့်အရေးတစ်ခုကို ယူဖို့ရှက်တတ်ကြပါစေ။


အချုပ်ဆိုရရင် လုပ်ငန်းခွင်အတွင်း ခွဲခြားဆက်ဆံမှုက လုပ်ငန်းအောင်မြင်တိုးတက်မှုတွေ၊ ၀န်ထမ်းအချင်းချင်းစည်းလုံးညီညွတ်မှုတွေနဲ့ တစ်ဦးနဲ့တစ်ဦးလေးစားယုံကြည်မှုတွေ ပျက်ပြားစေပါတယ်။ ဒါကြောင့် ခေါင်းဆောင်အကြီးအကဲတွေအနေနဲ့ ကိုယ့်ရဲ့အပြုအမူ၊ လုပ်ရပ်တွေ၊ ပြောစကားတွေက ခွဲခြားဆက်ဆံတာတွေမဖြစ်ရလေအောင် အထူးဂရုစိုက်သင့်ပါတယ်။ ခေါင်းဆောင်တစ်ယောက်ရဲ့ စီမံအုပ်ချုပ်မှုပေါ်မှာ မူတည်ပြီး ၀န်ထမ်းတွေရဲ့စည်းလုံးမှု၊ လုပ်ငန်းအောင်မြင်မှုတွေက တိုက်ရိုက်သက်ဆိုင်နေ တယ်ဆိုတာ သတိပြုစေချင်ပါတယ်။ ခွဲခြားဆက်ဆံခြင်းကင်းတဲ့ အလုပ်ပတ်ဝန်းကျင်တစ်ခုကို တည်ဆောက်နိုင်ပါစေ။


ကျော့ကေခိုင်

Views: 806

Reply to This

© 2017   Created by Myanmar Network.   Powered by

Badges  |  Report an Issue  |  Terms of Service