သင်၏ ကလေးငယ်ကို Dulwich College Yangon တွင် ပညာသင်ယူစေပြီး ပြည်ပထိပ်တန်းတက္ကသိုလ်များတက်ရောက်ရန် ပြင်ဆင်လိုက်ပါ

IGCSE နှင့် အခြားတူညီသောတက္ကသိုလ်ဝင်ခွင့်စာမေးပွဲများကို ယူကေသို့သွားရောက်သင်ယူရန်မလိုပဲ ထူးချွန်အောင်မြင်စွာ ကမ္ဘာတစ်ဝှမ်းရှိ ထိပ်တန်းတက္ကသိုလ်များတွင် ဝင်ခွင့်ရရှိလိုပြီး အင်္ဂလိပ်အမျိုးသားသင်ရိုးညွှန်းတမ်းကို ယူကေရှိ အကောင်းဆုံးသော ဘော်ဒါကျောင်းများတွင် တက်ရောက်ရသကဲ့သို့သော ပာတ်ဝန်းကျင်တွင် သင်ယူလိုသော အသက် ၂ နှစ်မှ ၁၄ နှစ်ကြား ကျောင်းသား/သူများနှင့် ၎င်းတို့၏မိဘများအတွက် Dulwich College Yangon (DCY) မှပံ့ပိုးပေးပြီး ဗြိတိသျှကောင်စီမြန်မာမှ ပညာရေး ဆွေးနွေးပွဲကို ကျင်းပမည်ဖြစ်ပါသည်။


နေ့စွဲ - ၂၀၁၇ မတ်လ ၁၁ ရက် (စနေနေ့)
အချိန် - နေ့လည် ၁၀ နာရီမှ ၁၂ နာရီ အထိ
နေရာ - Self-Access Centre ၊ ဗြိတိသျှကောင်စီ စာကြည့်တိုက် (၇၈ ကမ်းနားလမ်း၊ ကျောက်တံတားမြို့နယ်၊ ၇န်ကုန်မြို့)


တက်ရောက်လိုပါက http://svy.mk/2lOMUIc တွင် အွန်လိုင်းမှ စာရင်းပေးနိုင်ပါသည်။


၁၆၁၉ ခုနစ်တွင် ဗြိတိန်နိုင်ငံ၌ စတင်တည်ထောင်ခဲ့သည့် Dulwich College သည် ဗြိတိန်၏ ဂုဏ်သတင်း ကြီးမား၍ လွတ်လပ်သောကျောင်းများအနက်တစ်ခုအပါအဝင်ဖြစ်ပါသည်။ Dulwich College သည် တရုတ်၊ ကိုးရီးယားနှင့် စင်္ကာပူတို့တွင်လည်း ကျောင်းခွဲများဖွင့်လှစ်ထားကာ ကမ္ဘာတစ်ဝှမ်းတွင် ကျောင်းခွဲအများဆုံးကို ပိုင်ဆိုင်သော နိုင်ငံတကာ ကွန်ယက်ရှိသည့် ကျောင်းတစ်ကျောင်းလည်းဖြစ်သည်။ ယခုအခါ Dulwich College Yangon (DCY) ကို ပန်းလှိုင်နှင့်ကြယ်စင်မြို့တော်တို့တွင် ကျောင်းခွဲသစ် နှစ်ကျောင်းဖွင့်လှစ်ထားသည့်အပြင် ယူကေရှိအရည်အသွေးမြင့်ဘော်ဒါကျောင်းများနှင့်အညီ ကမ္ဘာအဆင့်မှီ အဆောက်အဦး စာသင်ခန်း အသုံးအဆောင်နှင့် ယူကေအရည်အသွေးတူညီသော ပညာသင်ခွင့်ကိုရရှိစေရန် အတန်းအသစ်များကို ထပ်မံ၍ဖွင့်လှစ်သွားမည် ဖြစ်ပါသည်။

ဤဆွေးနွေးပွဲကို Dulwich College International မှ တက္ကသိုလ်နှင့်အလုပ်အကိုင်ဆိုင်ရာ အတိုင်ပင်ခံဒါရိုက်တာ Heather Pineda မှ ဟောပြောမည်ဖြစ်ပြီး Dulwich ကွန်ယက်သည် ကျောင်းသား/သူများအတွက် ကျောင်းပုရဝုဏ်အတွင်း ခြေချသည့်အချိန်မှစ၍ ဆရာ/ဆရာမ များနှင့် ကျောင်းအုပ်ချုပ်ရေးဝန်ထမ်းများမှ မည်သို့မည်ပုံ ပံ့ပိုးပြင်ဆင်ပေးသွားသည်များကို ကျောင်းသားများနှင့်မိဘများအား အသေးစိတ်ဆွေးနွေးဟောပြောသွားပါမည်။ Dulwich College Yangon (DCY) မှ ၄င်းတို့၏ ကမ္ဘာတစ်ဝှမ်းရှိ ကျောင်းခွဲများတွင် အသုံးပြုလျက်ရှိသော အဓိကသင်ရိုးညွှန်းတမ်းအပြင် အပိုသင်ရိုးလှုပ်ရှားမှု အားကစားများစွာ ထည့်သွင်းထားပြီး ကျောင်းသားများကို ဘက်စုံထူးချွန်ထက်မြက်ကာ ၂၁ ရာစုနှစ်၏ စိန်ခေါ်မှုများကို အောင်မြင်စွာ တုံ့ပြန်ကျော်လွှားနိုင်သော ဘွဲ့ရတစ်ယောက် ဖြစ်လာနိုင်စေရန် လေ့ကျင့်ပျိုးထောင်ပေးသွားမည်ဖြစ်ပါသည်။

ဟောပြောပွဲအပြီးတွင် Dulwich College Yangon ကျောင်းကိုတည်ထောင်သူကျောင်းအုပ်ကြီး Daryl Orchard မှလည်း အနည်းငယ် စကားပြောကြားသွားမည်ဖြစ်ပါသည်။ DCY ကျောင်းသည် လက်ရှိတွင် မြန်မာနိုင်ငံ၌ ပထမဦးဆုံးနှင့် တစ်ခုတည်းသော ယူကေအခြေစိုက် ဂုဏ်သတင်းကြီးမားသော ကျောင်းမှ တိုက်ရိုက်အုပ်ချုပ်စီမံသည့် ကျောင်းလည်းဖြစ်ပါသည်။ ၎င်း၏ဆရာ/မများသည်လည်း ပင်လယ်ရပ်ခြားမှ အတွေ့အကြုံရှိပြီး ကျွမ်းကျင်၍ အရည်အသွေး ပြည့်ဝသော ဆရာ/မများဖြစ်ပြီး လာမည့် ၂၀၁၇/၁၈ ပညာသင်နှစ်တွင် Dulwich College ၏ အခြားကျောင်းခွဲများမှ ဆရာ/မများသည်လည်း ရန်ကုန်ကျောင်းသို့ရွှေ့ပြောင်း ပို့ချပေးဖြစ်သည်။ DCYသည် ယခု အချိန်မှစ၍ အသက် ၂ နှစ်မှ ၁၂ နှစ်အရွယ်ထိ ကလေးများ၏ ကျောင်းဝင်ခွင့်လျှောက်လွှာများကို လက်ခံလျက်ရှိ၍ စိတ်ပါဝင်စားသည့် မိဘများနှင့် ကျောင်းသား/သူများကို ဤဟောပြောပွဲသို့ ဖိတ်ခေါ်အပ်ပါသည်။

အသေးစိတ်သိရှိလိုပါက ဖုန်း ၀၁ ၃၇၀၉၃၃၊ ၃၇၀၉၄၄ လိုင်းခွဲ ၃၃၆၃၊ ၃၃၁၁ သို့ ဆက်သွယ်မေးမြန်းနိုင်ပါသည်။

Views: 54

Reply to This

© 2017   Created by Myanmar Network.   Powered by

Badges  |  Report an Issue  |  Terms of Service