ကလေးငယ်တွေ မိခင်ဘာသာစကားကို သင်ယူနေစဉ် အပိုဘာသာစကားတစ်ခုကို မည်သို့ အကောင်းဆုံးသင်ယူကြပြီး သင် မည်သို့ကူညီနိုင်သည်ကို သိလိုပါသလား။

ဗြိတိသျှကောင်စီမှ "English in Early Childhood: Language Learning and Developmentှု" ဟု အမည်ပေးထားသော အင်တာနက်ပေါ်မှ အခမဲ့သင်ကြားပေးမည့် အင်္ဂလိပ်ဘာသာသင်တန်း တစ်ရပ်ကို ယူကေနိုင်ငံ၏ အခမဲ့အွန်လိုင်းသင်တန်းများပေါင်းစည်းထားသည့် FutureLearn ဝက်ဗ်ဆိုက်မှတစ်ဆင့် အခမဲ့ တက်ရောက်နိုင်ပြီဖြစ်ပါသည်။

ဤသင်တန်းမှာ ကလေးငယ်များကို ဘာသာစကားအသစ်ကို သင်ယူလေ့လာရာမှာ ထောက်ပံ့ကူညီလိုသော မိဘများ၊ မူလတန်းသင် အင်္ဂလိပ်စာ ဆရာ/မများနှင့် ကလေးငယ်များ၏ ဖွံ့ဖြိုးမှုနှင့် ဘာသာစကားတက်မြောက်မှုဆိုင်ရာများကို စိတ်ဝင်စားသူများအတွက် ရည်ရွယ်ပါသည်။ မိခင်ဘာသာစကားအဖြစ် အသုံးပြုသူများမဟုတ်သော အင်္ဂလိပ်အရည်အချင်း intermediate အဆင့် (CEFR ဇယားမှာ B1 အဆင့်) ရှိရုံဖြင့် သင်တန်းအား တက်ရောက်နိုင်ပါသည်။

ဤသင်တန်းသည် ကလေးငယ်များ မည်သို့အင်္ဂလိပ်ဘာသာ သင်ယူပြီး ကလေးငယ်များ၏ ဖွံ့ဖြိုးမှုနှင့် ဘာသာစကားတက်မြောက်မှုဆိုင်ရာအကြောင်းအရာများကို သင်ကြားပေးမည်ဖြစ်ကာ ကလေးငယ်တွေနှင့် ပြောဆိုဆက်ဆံနည်းများ၊ အင်္ဂလိပ်ဘာသာ သင်ယူစေရန် အကောင်းဆုံးအခြေအနေနှင့် ပတ်ဝန်းကျင်ကို ဖန်တီးပြုလုပ်နည်းများနှင့် သင်ယူလေ့လာစဉ်ကာလအတွင်း တိုးတက်မှုကို ထောက်ပံ့နည်းများကို လေ့လာရမည်ဖြစ်သည်။

ရက်သတ္တ ခြောက်ပါတ်ကြာမည့် ဤသင်တန်းတွင် ဆောင်းပါး၊ ဗီဒီယိုနှင့် အွန်လိုင်းမှ တိုက်ရိုက်တွေ့ဆုံပွဲများမှတဆင့် ကလေးငယ်များကို သင်ကြားပေးနေသော ကျွမ်းကျင်ဆရာ/မများနှင့် မိဘများ၏ အတွေ့အကြုံများနှင့် အကြံဉာဏ်များကို လေ့လာနိုင်မည်ဖြစ်ကာ အခြားသင်တန်းတက်ရောက်သူတွေနှင့် ဆွေးနွေးနိုင်မည်ဖြစ်သည်။

PC နှင့် laptop များဖြင့်သာမက tablet နှင့် မိုဘိုင်းလ်ဖုန်းများဖြင့်လည်း လွယ်ကူစွာအသုံးပြုနိုင်ပြီး ဗီဒီယိုကြည့်ရှူရန် အင်တာနက်နှေးကွေးနေပါက ဗီဒီယိုပါအကြောင်းအရာအားလုံးကို pdf ဖိုင်ဖြင့် download ရယူသိမ်းဆည်းဖတ်ရှူ နိုင်သည်။

ဤသင်တန်းသည် ဗြိတိသျှကောင်စီ၏ ငယ်ရွယ်သော ကလေးများအပါအဝင် အင်္ဂလိပ်ဘာသာ လေ့လာနေသူအားလုံးအား သင်ကြားမှုဆိုင်ရာ ကျွမ်းကျင်မှုကို စံထားပြီး သင်တန်းဆင်းလက်မှတ် "Statement of Participation" ကို နိုင်ငံတကာသုံး credit card ရှိပါက ဝယ်ယူခွင့်ပြုထားမည် ဖြစ်ပါသည်။ သင်တန်းတက်ရန်သက်သက်ဆိုပါက ငွေကြေးကုန်ကျမှုလုံးဝမရှိပါ။

အများ မေးတတ်သည့်မေးခွန်းများ (FAQs)

မေး ။ ဒီသင်တန်းမှာ ပို့ချတဲ့ သင်ခန်းစာတွေကို နားလည်ဖို့ အင်္ဂလိပ်ဘာသာ အရည်အချင်း ဘယ်လောက်ရှိရမလဲ?
ဖြေ ။ ဒီသင်တန်းကို မိခင်ဘာသာစကားအဖြစ် အသုံးပြုသူများမဟုတ်တဲ့ အင်္ဂလိပ်အရည်အချင်း intermediate အဆင့် (CEFR ဇယားမှာ B1 အဆင့်) အထိ အင်္ဂလိပ်စာကို လေ့လာထားသူ မည်သူမဆိုအတွက် ရည်ရွယ်ထားပါတယ်။


မေး ။ သင်တန်းတစ်ခုလုံးက အခမဲ့သင်တန်းလား?
ဖြေ ။ ဟုတ်ပါတယ်။ သင်တန်း အစမှ အဆုံး အခမဲ့ပါ။


မေး ။ သင်တန်းက ဘယ်အချိန်မှာ စတင်မှာလဲ?
ဖြေ ။ သင်တန်းတက်ဖို့ စာရင်းသွင်းပြီးတာနဲ့ ဖေဖော်ဝါရီလ ၅ ရက်နေ့ တနင်္လာနေ့ ယူကေအချိန် ၀၀၀၀ နာရီ (မြန်မာစံတော်ချိန် နံနက် ၆ နာရီခွဲ) မှာ စတင်ပြီး သင်တန်းကို ဝင်ရောက်လေ့လာနိုင်ပြီဖြစ်ပြီး မိမိနှစ်သက်သလို သင့်တော်ရာ အချိန်နှင့် စိတ်ကြိုက်လေ့လာနိုင်သော နှုန်းများဖြင့် တစ်ဆင့်ပြီး တစ်ဆင့် လေ့လာသွားရုံပါဘဲ။ (ရက်ကျော်သွားရင်လဲ online သင်တန်းဖြစ်တဲ့အတွက် အချိန်မရွေး တက်လို့ရပါသေးတယ်) 

စာရင်းသွင်းရန် ဤ link ကိုသွားပါ - http://bit.ly/2tWVIh3


မေး ။ သင်တန်းတက်ရင်း ဆွေးနွေးဖို့ web camera လို ဦးမှာလား?
ဖြေ ။ တိုက်ရိုက် ဗီဒီယို သင်တန်းဆွေးနွေးပွဲ မဟုတ်တော့ web cam မလိုပါဘူး။


မေး ။ သင်တန်းက ဘယ်မှာ လုပ်ပေးမှာလဲ?
ဖြေ ။ ဒီသင်တန်းက online သင်တန်းစစ်စစ်ဖြစ်ပါတယ်။ သင်ကြားမှု အစိတ်အပိုင်းကဏ္ဍအားလုံးကို မိမိနိုင်သလောက် အချိန်ပေးလေ့လာနိုင်ပါတယ်။ ဖေဖော်ဝါရီလ ၅ ရက်နေ့ တနင်္လာနေ့ကစလို့ ကြိုက်တဲ့ အချိန်မှာ ဝင်လေ့လာနိုင်ပါတယ်။ အပတ်စဉ် ပါဝင်တဲ့ ကဏ္ဍတွေ အပြည့်အစုံလေ့လာဖို့ရာ တစ်ပတ်လျှင် ၂ နာရီခန့် အချိန်ပေးဖို့လိုအပ်ပါမယ်။


မေး ။ သင်တန်းပြီးဆုံးတဲ့အခါ သင်တန်းဆင်းလက်မှတ်ရမှာလား?
ဖြေ ။ သင်တန်းတစ်ခုလုံးရဲ့ အခန်းကဏ္ဍ ၅၀ % ကျော်ပြီး ဆုံးခဲ့မယ်ဆိုရင်တော့ သင်တန်းဆင်းလက်မှတ် "Statement of Participation" ကို  နိုင်ငံတကာသုံး credit card ရှိပါက ဝယ်ယူခွင့်ရမှာ ဖြစ်ပါတယ်။

Views: 1603

Reply to This

Featured Discussions

© 2018   Created by Myanmar Network.   Powered by

Badges  |  Report an Issue  |  Terms of Service