တရုတ်စကားလုံးများမှ ဆင်းသက်လာသော အင်္ဂလိပ်စကားလုံးများ

တရုတ်နှစ်သစ်ကူးကာလဟာ ရိုးရာအားဖြင့် မိသားစုတွေ စုဝေးပြီး အရသာရှိတဲ့ အစားအစာတွေကို စုပြီး စားကြတာပဲဖြစ်ပါတယ်။ တရုတ်နှစ်သစ်ကူးနဲ့ ဆက်နွယ်နေတဲ့ ဟင်းလျာတချို့ရှိပါတယ်။ ဥပမာပြောရရင် ဟင်းသီးဟင်းရွက်မျိုးစုံ၊ ငါး၊ ဖက်ထုပ်၊ လိမ္မော်သီးတို့နဲ့ ချက်ပြုတ်ထားတဲ့ Buddha's Delight လို့ နာမည်ပေးထားတဲ့ ဟင်းလျာမျိုးပဲပေါ့။ ဒီလိုဟင်းလျာတွေကို သရုပ်ဖော်ဖို့ အသုံးပြုတဲ့ တရုတ်စကားလုံးတွေကတော့ မင်္ဂလာရှိသော (သို့) အတိတ်နမိတ်ကောင်းသောလို့ အဓိပ္ပာယ်ရတဲ့ သံတူကြောင်းကွဲစကားလုံးတွေ (homonyms) ပဲ ဖြစ်ပါတယ်။

အစားအသောက်နဲ့ပတ်သက်တဲ့ အင်္ဂလိပ်စကားလုံးအချို့ဟာ တရုတ်စကားကနေ ရလာတာဖြစ်ပါတယ်။ ဒီလိုဟင်းလျာမျိုးထဲမှာ Cantonese လို "တိုလီမုတ်စအရောအနှော" (mixed bits) လို့ အဓိပ္ပါယ်ရတဲ့ chop suey လို့ ခေါ်တဲ့ ဟင်းလျာပါပါတယ်။ အမှန်တော့ အဲဒါဟာ အမေရိကန်-တရုတ်ဟင်းပါပဲ။ အခြေခံအားဖြင့် ဟင်းကျန် တွေကို အိုးထဲပစ်ထည့်ပြီး ရောနှောချက်တာပါပဲ။ အကြောင်းရင်းကတော့ အမြန်ချက်ပြုတ်လို့ ရလို့ပါပဲ။

နောက်တစ်မျိုးကတော့ dim sum ပါပဲ။ ဒီစကားလုံးကလည်း Cantonese က ဆင်းသက်လာတာပါပဲ။ တိုက်ရိုက် အဓိပ္ပါယ်ကတော့ "အစက်နဲ့ နှလုံး" (dot and heart) ပဲ ဖြစ်ပါတယ်။ ဒီအဓိပ္ပါယ်ထဲမှာ နှလုံးသားကို ထိစေဆိုတဲ့ သဘောပါဝင်နေပါတယ်။ Dim sum ဆိုတာကတော့ အတွဲလိုက်ချပေးတဲ့ ဟင်းခွက်အသေးလေးတွေ ဖြစ်ပါတယ်။ မနက်ပိုင်းမှာပဲ စားလေ့ရှိပါတယ်။ ဒီဟင်းပွဲတွေကို လက်တွန်းလှည်းပေါ်တင်ပြီး စားသောက်ဆိုင်ထဲရှိ စားပွဲတွေဆီ လိုက်ပြီး အမျိုးစုံတဲ့ ဟင်းပွဲတွေကို ချပေးပါတယ်။ Dim sum ကို အင်္ဂလိပ်လို yum cha လို့လည်း ခေါ်ပါတယ်။

တိုက်ရိုက်အဓိပ္ပါယ်ကတော့ "လက်ဖက်ရည်သောက်ရန်" (to drink tea) ပဲ ဖြစ်ပါတယ်။ Dim sum ရဲ့ Cantonese အဓိပ္ပါယ်ကတော့ အစားအစာကိုပဲ ရည်ညွှန်းပါတယ်။ Yum cha ကျတော့ အစားအစာအပါအ၀င် အတွေ့ အကြုံအားလုံးကို ခြုံပြောတာဖြစ်ပါတယ်။

Drinking the black dragon (oolong လက်ဖက်ရည်သောက်ခြင်း)

လက်ဖက်ရည်နဲ့ပတ်သက်လို့ ပြောရရင်တော့ oolong လက်ဖက်ရည်ဟာ နဂါးမည်း (black dragon) လို့ အဓိပ္ပါယ်ရှိတဲ့ wulong ဆိုတဲ့ စကားလုံးကနေ လာတာဖြစ်ပါတယ်။ အကဲဖြတ်တဲ့ အဖွဲ့အနေနဲ့ကတော့ တိကျတဲ့ ဇစ်မြစ်ကို မဆုံးဖြတ်နိုင်ကြပါဘူး။ တချို့ပြောတာကတော့ လက်ဖက်ရွက်ကလေး တွေဟာ မည်းပြီး ရှည်လျား တွန့်လိမ်နေတဲ့အတွက် black dragon လို့ခေါ်တာ ဖြစ်တယ်လို့ ပြောကြပါတယ်။

တရုတ်ပြည်ဟာ လက်ဖက်ရည်နဲ့အတူ ခေါက်ဆွဲကြောင့်လည်း နာမည်ကြီးပါတယ်။ Chowmein ဆိုတာကတော့ ဆီပူထိုးကြော်တဲ့ ခေါက်ဆွဲပါပဲ။ တရုတ်လိုကတော့ "chao-mian" ပေါ့။ Japan ကနေတစ်ဆင့် ၀င်လာတဲ့ စကားလုံးကတော့ ramen ပါပဲ။ မူလစကားလုံးကတော့ တရုတ်လို Lamain ဖြစ်ပါတယ်။ အဓိပ္ပါယ်ကတော့ ဆွဲဆန့်ထားတဲ့ ခေါက်ဆွဲ (pulled or stretched noodles) ဖြစ်ပါတယ်။

ဘယ်တရုတ်စားသောက်ပွဲမဆို တူ (chopticks) မပါရင် မပြီးပါဘူး။ တူဆိုတဲ့ စကားလုံးက တရုတ်ကပြားစကား (Chinese pidgin) က လာတာပါ။ Chop ဆိုတာကတော့ အင်္ဂလိပ်လို အမြန် (quick) ဖြစ်ပါတယ်။ Stick ဆိုတဲ့ အင်္ဂလိပ်စကားလုံးကတော့ တရုတ်စကား kuaizi က လာတာဖြစ်ပြီး ပေါ့ပါး သွက်လက်သူ (nimble ones) လို့ အဓိပ္ပါယ်ရပါတယ်။ တရုတ်တွေဟာ တူကို မင်္ဂလာလက်ဖွဲ့အဖြစ် ပေးတတ် ကြပါတယ်။ Kuaiz ဆိုတဲ့ စကားလုံးက ကလေးလို့ အဓိပ္ပါယ်ရတဲ့ haizi ဆိုတဲ့ စကားလုံးနဲ့ အသံထွက်ဆင်တဲ့အတွက် "မင်္ဂလာဇနီးမောင်နှံဟာ သားသမီးအမြန်ရပါစေ" လို့ ဆုတောင်းပေးတဲ့ သဘော နဲ့ ပေးခြင်းဖြစ်ပါတယ်။

From Kung-fu to gung –ho (Kung-fu မှ gung-ho သို့)

အစားအစာနှင့် ပတ်သက်တဲ့တရုတ်ဝေါဟာရတွေဟာ အင်္ဂလိပ်စကားမှာ ထင်ရှားတဲ့ လွှမ်းမိုးမှုတစ်ခုဖြစ်ပေမယ့် တခြားသော နယ်ပယ်တွေနဲ့ ပတ်သက်တဲ့ တရုတ်စကားလုံးတွေဟာလည်း အင်္ဂလိပ်စကားမှာ အရာရောက်လာပါပြီ။ ကိုယ်ခံ ပညာ (Kung-fu နဲ့ tai-ch-chuan) မှ လောကအမြင် (feng shui နဲ့ ying-yang) အထိဖြစ်ပါတယ်။ တရုတ် စကားလုံးမှ အခြေခံပြီး ဖြစ်ပေါ်လာတဲ့ အင်္ဂလိပ်စကားလုံးနဲ့ အသုံးအနှုန်းတွေထဲမှာ - kow-tow, to have a yen for ၊ to save face၊ gung-ho နဲ့ no can do- တို့ပါဝင်ပါတယ်။

အခုလတ်တလော အင်္ဂလိပ်စကားထဲကို ထိုးဖောက်ဝင်ရောက်လာတဲ့ နောက်ထပ်တရုတ်စကားလုံးတစ်လုံး ကတော့ kiasu ပဲဖြစ်ပါတယ်။ ဒါပေမယ့် ၎င်းကို အရှေ့တောင်အာရှနဲ့ စင်္ကာပူနိုင်ငံအပြင်မှာတော့ လူသိပ်မသိကြ ပါဘူး။ ၄င်းဟာ အင်မတန်မှ စိတ်ဝင်စားဖို့ကောင်းတဲ့ စကားလုံးဖြစ်ပါတယ်။ နာမ် (noun) အနေနဲ့ဆိုရင် အတ္တဆန်သော သဘောထား (a selfish attitude) လို့ အဓိပ္ပါယ်ကောက်ယူနိုင်ပါတယ်။ နာမ၀ိသေသန (adjective) အနေနဲ့ဆိုရင်တော့ "ရနိုင်သမျှ အခွင့်အရေးပေါ် အမြတ်ထုတ်တဲ့ အတ္တဆန်သောသူ"လို့ အဓိပ္ပါယ် ရပါတယ်။

တရုတ်စကားရော အင်္ဂလိပ်စကားရော ၂ မျိုးစလုံးဟာ ဆက်သွယ်ရေးနဲ့ ကုန်သွယ်ရေးမှာ ကမ္ဘာသုံး ဘာသာ စကားတွေဖြစ်တဲ့အတွက် နောက်ထပ် တရုတ်စကားလုံးတွေဟာ အင်္ဂလိပ်စကားထဲကို ၀င်ရောက်လာတာကို တွေ့မြင်ရမှာ မလွှဲပါ။ ၀င်လာတဲ့ စကားလုံးတွေကလည်း kiasu လိုမျိုး တမူထူးခြားတဲ့ စကားလုံးတွေ ဖြစ်ဖို့ မျှော်လင့်ရပါတယ်။

blog.oxforddictionaries.com မှ Ashley Wagner ၏ Having a yen for dim sum this Chinese New Year: English words of Chinese origin ကို ဘာသာပြန်ဆိုထားတာဖြစ်ပါတယ်။


   

Views: 1072

Reply to This

Featured Discussions

© 2018   Created by Myanmar Network.   Powered by

Badges  |  Report an Issue  |  Terms of Service