ICT နည်းပညာ အသုံးပြုခြင်းဖြင့် လုပ်ငန်းတိုးတက်အောင်မြင်အောင် လုပ်ဆောင်ခြင်း

အရင်ဆုံး ပြောချင်တာကတော့ ICT ဆိုတဲ့ စကားလုံးလေးရဲ့ အဓိပ္ပာယ်လေးကိုပါပဲ။ လူတွေအတော်များများက ICT ဆိုတာနဲ့ နည်းပညာသီးသန့်ပိုင်းပဲ ပြေးမြင်နေကြတာ အတော်ခက်လှပါတယ်။ I လို့ ခေါ်တဲ့ Information သတင်းအချက်အလက်တွေ၊ C ဆိုတဲ့ Communication တစ်ဦးနဲ့ တစ်ဦး ကူးလူးပျံနှံ့စေတဲ့ ဆက်သွယ်ချက်တွေအပြင် T ရဲ့အဓိပ္ပာယ်ကတော့ Technology အသုံးချ သိပ္ပံပညာရပ် တွေပဲ ဖြစ်ပါတယ်။

နည်းပညာအကြောင်းရေးမှ၊ ပြောမှ ICT လို့ တစ်သမတ်ထဲ ပုံစံချထားလို့မရပါဘူး။ အရာအားလုံးဟာ ICT ဆိုတဲ့ ဘောင်အတွင်းဝင်နေပါတယ်။ ဘာလို့ ဒီလိုပြောရတာလဲဆိုတော့ ထူးဆန်းတာ၊ ဖြစ်ပျက်တာ၊ ကိုယ်မသိတာကို သိအောင်၊ သူများ မသိတာကို သိအောင် ဖြန့်ဝေတာလည်း တကယ်တော့ ICT ဆိုတာကြီးကို လုပ်ဆောင်နေကြတာပဲ ဖြစ်ပါတယ်။ ဒီအကြောင်းအရာကတော့ တို့နဲ့မဆိုင်ဘူး။ ဘယ်နေရာလို့ သတ်မှတ်ထားလို့မရပါဘူး။ ကိုယ်မသိတာ သူများ နည်းနည်းပြောလည်း ဒါဟာ ICT လို့ ကျွန်မကတော့ ယူဆထားမိလို့ပါပဲ။ ဒါကြောင့် သဘာဝပတ်ဝန်းကျင်နဲ့ဆိုင်တဲ့ ခြံတွင်းအပင်အကြောင်းလေးတွေ အရင်က ရေးဖြစ်ခဲ့ဖူးပါတယ်။ ဘာကြောင့်ရေးရလဲဆိုတော့ သိသူ ဖော်စား မသိသူကျော်သွားဆိုတဲ့ စကားပုံလေးကို ကြားဖူးကြမယ်လို့ ထင်မြင်မိလို့ပါပဲ။

စီးပွားရေးလုပ်ငန်းတစ်ခုရဲ့ သဘာဝဟာ သာမန်အားဖြင့် သိပြီးဖြစ်သော်လည်း အုပ်ချုပ်ခြင်းနှင့် အလုပ်လုပ်ခြင်း နှစ်မျိုးရှိကြောင်း ထိုနှစ်မျိုးစလုံးတွင် သတင်းအချက်အလက် (Information) များ တွဲပါ နေကြောင်း၊ အထူးသဖြင့် အုပ်ချုပ်ခြင်း လုပ်ငန်းစဉ်ကြီးတစ်ခုလုံးသည် သတင်းအချက်အလက် (Information) များကို အသုံးပြုနေရကြောင်းကို သိစေလိုပါသည်။

အများအားဖြင့် အလုပ်လုပ်နေသော (Physical System) ကိုသာ စိတ်ဝင်စား အလေးထားကြပြီး တစ်ပါတည်း တွဲလျက်ရှိနေသော Information Space ကို အမှတ်တမဲ့ ရှိမှန်းမသိဖြစ်နေတတ်လေ့ရှိပါသည်။ ICT နည်းပညာကို အသုံးမချနိုင်သေးလျှင် စီးပွားရေးလုပ်ငန်းတစ်ခုတွင် မမြင်ရဘဲ တည်ရှိနေသော Information Space ကို ကောင်းစွာ အသုံးမချနိုင်သေးခြင်း ဖြစ်ပြီး ယင်းသို့ အသုံးချသည့်အတွက် ရရှိနိုင်မည့် အကျိုးတရားကို မခံစားနိုင်သေးခြင်းပဲ ဖြစ်ပါသည်။

စီးပွားရေးလုပ်ငန်းများ၏ Information Space တည်ရှိနေပုံကို သိရှိနိုင်ပြီဆိုလျှင် ယင်း Information Space အတွင်း အဆင့်ဆင့် ဖန်တီးအသုံးပြုရမည့် Information System များကိုလည်း ထပ်မံ သိနားလည်ရန် လိုအပ်လှပါသည်။ ICT နည်းပညာ အသုံးပြုရန် ကွန်ပျူတာများဝယ်ခြင်း၊ ကြုံကြိုက်သည့် Software များ ၀ယ်ယူအသုံးပြုခြင်းသည် ICT နည်းပညာကို လုပ်ငန်းအတွက် စနစ်တကျ အကျိုးရှိအောင် အသုံးပြုခြင်း မဟုတ်ပါ။

အရေးကြီးသည်မှာ Information System အဖြစ် အသုံးပြုရန် ဖြစ်ပါသည်။ Hardware နှင့် Software များ ဆိုသည်မှာ အသုံးပြုခံပစ္စည်းနှင့် စနစ်များသာ ဖြစ်ပါသည်။ အဓိက အရေးကြီးသည့် Information System များမှာ ပင်မအလုပ်များအား အထောက်အကူပြုမည့် Operation Transaction Processing System နှင့် ထိုစနစ်များ၏ သတင်းအချက်အလက်များပေါ်မူတည်ပြီး ထိပ်ပိုင်းစီမံအုပ်ချုပ်သူများအတွက် စုစည်းသုံးသပ် တင်ပြနိုင်မည့် Management Information System တို့ ဖြစ်ပါသည်။

လုပ်ငန်းတစ်ခုတွင် ICT နည်းပညာအသုံးပြုခြင်းဖြင့် အကျိုးသက်ရောက်မှုများစွာ ရှိပါသည်။ ဘယ်အရာများ ဖြစ်ပေါ်လာသည်ဆိုတာ ဖော်ပြပေးပါမည်။

၁။ လုပ်ငန်းကုန်ကျစရိတ် သက်သာခြင်း (Cost Reduction)
၂။ လုပ်ငန်းများ ပိုမိုလွယ်ကူလျင်မြန်လာခြင်း (Speed)
၃။ လုပ်ငန်းထိန်းချုပ်မှု ပိုမိုကောင်းမွန်ခြင်း (Better Control)
၎။ လုပ်ငန်းယှဉ်ပြိုင်မှု ပိုမိုအားကောင်းခြင်း (More Competitive)
၅။ ၀ယ်ယူသူများအား ပိုမိုစိတ်ကျေနပ်စေနိုင်ခြင်း (More Customer Satisfaction)
၆။ ဈေးကွက် ပိုမိုချဲ့ထွင်နိုင်ခြင်း (Market Expansion and Penetration)
၇။ လုပ်ငန်းဂုဏ်ကျက်သရေ မြင့်တက်ခြင်း (Better Image)
၈။ တန်ဖိုးသစ်များ ဖန်တီးနိုင်ခြင်း (Creation of Additional Values)

လုပ်ငန်းများတွင် ICT နည်းပညာအသုံးပြု သတင်းအချက်အလက်စနစ် (Information System) များ အသုံးပြုရာ၌ ပါဝင်သည့် လိုအပ်ချက်များမှာ Hardware ဆိုတာလည်း တစ်ခန်းတစ်ကဏ္ဍ ပါဝင်လျက် ရှိပါသည်။ Information System အသုံးပြုရန် လိုအပ်သော ကွန်ပျူတာနှင့် တွဲဖက်သုံးပစ္စည်းများ ဖြစ်ပါသည်။ နောက်တစ်ခု ထပ်မံ ပါဝင်နေတာကတော့ Software လို့ခေါ်တဲ့ ကွန်ပျူတာစနစ် အလုပ်လုပ်နိုင်ရန် ထည့်သွင်းပေးရမည့် System Software များပဲ ဖြစ်ပါသည်။ လိုအပ်သည့် ရည်မှန်းအလုပ်များ ပြီးမြောက်ရန် ထည့်သွင်းပေးရမည့် Application Software များနှင့် မိမိရဲ့ လုပ်ငန်းလိုအပ်ချက်အရ သီးသန့်တီထွင်ရသော Tailor Made Software များလည်း လိုအပ်ပါသေးသည်။

နောက် မသုံးမဖြစ် အသုံးပြုရမှာကတော့ Network ပဲ ဖြစ်ပါသည်။ ယခုအခါ Information System များ အသုံးပြုရာတွင် Stand alone ကွန်ပျူတာတစ်လုံးချင်း သီးသန့်အသုံးပြုသည်ထက် Network များ ချိတ်ဆက်အသုံးပြုမှုမျိုး ပိုမိုလာသည့်အတွက် Network များအကြောင်း သိထားသင့်ပါသည်။

- LAN (Local Area Network)
မိမိ ရုံးခန်း၊ အဆောက်အဦအတွင်း ကြိုးဖြင့် (Cable) (သို့မဟုတ်) ကြိုးမဲ့ (Wireless) ချိတ်ဆက်အသုံးပြုခြင်း။
- WAN (Wide Area Network)
ဝေးလံသော လုပ်ငန်းဌာန၊ ရုံးခွဲများအကြား ဆက်သွယ်ရေးစနစ်တစ်ခုခုဖြင့် ချိတ်ဆက်အသုံးပြုခြင်း (Fiber Cable၊ ဂြိုဟ်တုဆက်သွယ်ရေး၊ ADSL)
- Internet
တစ်ကမ္ဘာလုံး အတိုင်းအတာဖြင့် ချိတ်ဆက်ထားသော Network ကြီးကို အသုံးပြုပြီး မိမိလုပ်ငန်းများကို ဆောင်ရွက်နိုင်ပါသည်။ Internet အား Internet Service Provider (ISP) နှင့် ချိတ်ဆက်ပြီး ခေတ်မီဆက်သွယ်ရေးပုံစံ တစ်နည်းနည်း (Fiber Cable၊ ဂြိုဟ်တုဆက်သွယ်ရေး၊ ADSL၊ Wireless Broadband၊ WiMAX၊ WiFi,....) စသည်ဖြင့် အသုံးပြုနိုင်ပါသည်။

ICT နည်းပညာကို လုပ်ငန်းတွင် အောင်မြင်စွာ အကောင်အထည်ဖော်အသုံးပြုနိုင်ရန်အတွက် အရေးကြီးသော လိုအပ်ချက်မှာ နည်းပညာ ကျွမ်းကျင်သော ၀န်ထမ်းများ ပြည့်စုံစွာ ရရှိရေးဖြစ်ပါသည်။ ICT နည်းပညာဆိုတာတွေ ဘယ်လောက်ပဲ ကောင်းကောင်း ၀န်ထမ်းမပါရင် မဖြစ်တဲ့အပိုင်းတွေ အများကြီးပါဝင်လို့ နေပါသည်။ ဒါကြောင့် ဘယ်လိုဝန်ထမ်းတွေ ခန့်အပ်ကြမလဲဆိုတာလည်း စဉ်းစားဖို့ လိုလာပါပြီ။ အထက်မှာ ဖော်ပြခဲ့သည့်အတိုင်း ICT ဆိုတာ နည်းပညာတစ်ခုထဲ မဟုတ်တဲ့အတွက် အရာအားလုံးပါဝင်မှ ပြည့်စုံမှဖြစ်တဲ့ အတွက် လုပ်ငန်းအောင်မြင်ဖို့အရေး ၀န်ထမ်းတွေရဲ့ အခန်းကလည်း အလွန်တရာမှ အရေးကြီးလှပါသည်။

ဒါကြောင့်

၁။ Information System ကို User Level အသုံးပြုတတ်သည့် ၀န်ထမ်းများ၊ Operator များ။
၂။ Information System ကို လိုအပ်ပါက အရေးပေါ်ပြင်ဆင်နိုင်ရန်၊ ဖြည့်စွက်နိုင်ရန်၊ Software တီထွင်မှုကို နားလည်သော Programmer များ။
၃။ Hardware နှင့် Network များကို ထိန်းသိမ်းပြုပြင်မှုအတွက် ကျွမ်းကျင်သော System Engineer များ။
၎။ Information System ကို စဉ်ဆက်မပြတ် ကောင်းမွန်စွာ အသုံးပြုနိုင်ရန် ကြီးကြပ်ဆောင်ရွက်နိုင်သော System Administrator တွေအပြင်
၅။ ICT နည်းပညာကို လုပ်ငန်းအတွက် အကျိုးအများဆုံးဖြစ်ရန် အုပ်ချုပ်ဆောင်ရွက်ပေးသည့် IT Management ပြုလုပ်နိုင်သည့် IT Manager တို့ ပြည့်စုံဖို့ လိုအပ်ပါသည်။

စီးပွားရေးလုပ်ငန်းများတွင် ICT နည်းပညာကို အသုံးပြုသည့်အတွက် အကျိုးဖြစ်ထွန်းမှုများရှိနိုင်ရန်မှာ ICT ကို အောင်မြင်စွာ အသုံးချနိုင်မှသာ ဖြစ်ပါသည်။ ICT ကို အသုံးပြုသော်လည်း အောင်မြင်စွာ အသုံးမချနိုင်လျှင် အကျိုးဖြစ်ထွန်းမှုကို ကောင်းစွာရရှိနိုင်မည် မဟုတ်ပါ။

စီးပွားရေးလုပ်ငန်းများတွင် ICT ကို အောင်မြင်စွာ အသုံးချနိုင်ရန်အတွက် လက်တွေ့ အကောင်အထည်ဖော်ရာတွင် အခက်အခဲများ ကြုံတွေ့နိုင်သည်ဖြစ်ရာ ယင်းအခက်အခဲများကို ကျော်လွှား နိုင်စေရန်အတွက် တွေ့ကြုံနိုင်သည့် အခက်အခဲ၊ ပြဿနာများကို ကြိုတင်ဆန်းစစ် သိရှိထားနိုင်ရန်လည်း အထူးပင် လိုအပ်လှပါကြောင်း သိမှတ်ထားသလောက် တင်ပြလိုက်ရခြင်းပင် ဖြစ်ပါတော့သည်။

Views: 1319

Reply to This

Replies to This Discussion

thanks
Thanks a lot for sharing priceless knowledge
Good ideology
thank you for your comment.... :)
Thanks.

RSS

Featured Discussions

© 2019   Created by Myanmar Network.   Powered by

Badges  |  Report an Issue  |  Terms of Service