ရန်ကုန်မြို့ အမျိုးသားပြတိုက်တွင် “လက်ခတ်သံ” မြန်မာ့ရိုးရာရက်ကန်းထည်ဆိုင်ရာပြပွဲ ကျင်းပမည်

သာသနာရေးနှင့် ယဉ်ကျေးမှုဝန်ကြီးဌာန၏ ပံ့ပိုးကူညီမှုဖြင့် ဗြိတိသျှကောင်စီနှင့် Swiss Agency for Development and Cooperation, Embassy of Switzerland တို့မှ စီစဉ်ကျင်းပသော “လက်ခတ်သံ” ပြပွဲကို ရန်ကုန်မြို့ရှိ အမျိုးသားပြတိုက်တွင် ၂၀၁၇ စက်တင်ဘာလ ၅ ရက် (အင်္ဂါနေ့) မှ ၁၀ ရက် (တနင်္ဂနွေနေ့) အထိ နံနက် ၉း၃၀ မှ ညနေ ၄း၃၀ အထိ ဖွင့်လှစ်ပြသသွားမည်ဖြစ်ပါသည်။


“လက်ခတ်သံ” ပြပွဲ သည် ၂၀၁၇ ခုနှစ် မေလ၌ လန်ဒန်တွင် ကျင်းပခဲ့သော “On the Line: New perspectives on craft in Southeast Asia exhibition in London” ပြပွဲဖြစ်သည့် မြန်မာနိုင်ငံ၊ ဗီယက်နမ်နိုင်ငံနှင့် ထိုင်းနိုင်ငံတို့တွင် Royal College of Art (UK) မှ ကျောင်းသားများနှင့် ဒေသခံသုတေသီတို့ ကွင်းဆင်းလေ့လာမှုမှ စုဆောင်းခဲ့သော ဒေသဆိုင်ရာရက်ကန်းထည်များနှင့် အရှေ့တောင်အာရှရှိ လက်မှုပညာရှင် အမျိုးသမီးများအတွက် အခွင့်အလမ်းနှင့် စိန်ခေါ်မှုများကို တင်ပြခြင်းတို့ ပါဝင်ခဲ့သော လန်ဒန်ပြပွဲ၏ နောက်ဆက်တွဲ ပြပွဲတစ်ခု ဖြစ်သည်။


“လက်ခတ်သံ” ပြပွဲ၏ အခင်းအကျင်းများကို ဆန်းဖလားဝါး လူမှုစီးပွားရေးလုပ်ငန်း၏ ပူးတွဲတည်ထောင်သူ အထည်အလိပ်ဒီဇိုင်းပညာရှင် ဒေါ်ဖြူအိသိမ်းမှ တာဝန်ယူတင်ဆက်ထားပြီး မြန်မာ့ ရိုးရာရက်ကန်းထည်များ၏ အခန်းကဏ္ဍကို ဒြပ်မဲ့ယဉ်ကျေးမှုအမွေအနှစ်အဖြစ် ထင်ရှားစေရန်၊ အမျိုးသမီးရက်ကန်းပညာရှင်များအတွက် ဆန်းသစ်သော စီးပွားရေးလုပ်ငန်းပုံစံသစ်များ ဆွေးနွေးရှာဖွေကြရန် နှင့် မြန်မာ့ရိုးရာရက်ကန်းထည်ကဏ္ဍ၏ ရေရှည်တည့်တံ့ဖွံ့ဖြိုးရေးအတွက် ပိုမိုကောင်းမွန်သော အဖြေများရှာဖွေကြရန် ရည်ရွယ် ပြသခြင်းဖြစ်ပါသည်။


ဤပြပွဲသည် ဗြိတိသျှကောင်စီနှင့် Swiss Agency for Development and Cooperation, the Embassy of Switzerland တို့၏ ပူးပေါင်းဆောင်ရွက်မှု တစ်ခုဖြစ်သော “လက်ခတ်သံ” ဟု အမည်ပေးထားသည့် သုံးနှစ်တာ မြန်မာ့ရိုးရာရက်ကန်းထည်ဆိုင်ရာစီမံချက်ကို စတင်မိတ်ဆက်သည့် အခမ်းအနားတစ်ခုလည်း ဖြစ်ပါသည်။


“လက်ခတ်သံ” ပြပွဲကို အများပြည်သူသို့ ၂၀၁၇ စက်တင်ဘာလ ၅ ရက် (အင်္ဂါနေ့) မှ ၁၀ ရက် (တနင်္ဂနွေနေ့) အထိ နံနက် ၉း၃၀ မှ ညနေ ၄း၃၀ အထိ ဖွင့်လှစ်ပြသသွားမည်ဖြစ်ပါသည်။ ဟောပြောပွဲများနှင့် ပညာရှင်ဆွေးနွေးပွဲများကို ပြပွဲ၏ ပထမ နှစ်ရက်တွင် အောက်ပါအစီအစဉ်အတိုင်း ကျင်းပသွားမည် ဖြစ်သည်။


ပထမနေ့ - ၂၀၁၇ စက်တင်ဘာလ ၅ ရက် (အင်္ဂါနေ့)

  • နံနက် ၉း၃၀ နာရီ - ပြပွဲ ဖွင့်လှစ်ခြင်း အခမ်းအနား (ဖိတ်ကြားထားသော ကိုယ်စားလှယ်တော်များမှ အဖွင့်မိတ်ဆက်စကား ပြောကြားခြင်း၊ ဗြိတိသျှကောင်စီ (အရှေ့တောင်အာရှ) ၏ လက်မှုနှင့်ဒီဇိုင်းအကြံပေး ပညာရှင် Ms. Sali Sasaki မှ Keynote Speech ပြောကြားခြင်း)
  • နေ့လည် ၁ နာရီ - "မြန်မာ့အထည်အလိပ်နှင့် ယဉ်ကျေးမှုရိုးရာဝိသေသများ" ဟောပြောဆွေးနွေးပွဲ


ဒုတိယနေ့ - ၂၀၁၇ စက်တင်ဘာလ ၆ ရက် (ဗုဒ္ဓဟူးနေ့)

  • နံနက် ၉း၃၀ နာရီ - "အမျိုးသမီးများ စွမ်းရည်မြှင့်တင်ခြင်းနှင့် စွန့်ဦးတီထွင်ခြင်း" ဟောပြောဆွေးနွေးပွဲ
  • နေ့လည် ၁ နာရီ - "ရိုးရာအထည်အလိပ်များအတွက် ဈေးကွက်အသစ်များ" ဟောပြောဆွေးနွေးပွဲ


** ဟောပြောပွဲများနှင့် ပညာရှင်ဆွေးနွေးပွဲများကို ဖိတ်ကြားထားသော ချည်ထည်ဒီဇိုင်းပညာရှင်များ၊ လူမှုစီးပွားရေးလုပ်ငန်းရှင်များနှင့် အစိုးရဌာနများမှ သက်ဆိုင်ရာ ကျွမ်းကျင်သူပညာရှင်များမှ ပါဝင်ဆွေးနွေးသွားမည် ဖြစ်ပါသည်။

Views: 49

Reply to This

Featured Discussions

© 2017   Created by Myanmar Network.   Powered by

Badges  |  Report an Issue  |  Terms of Service