ဗြိတိသျှကောင်စီ ရန်ကုန် စာကြည့်တိုက်တွင် ကလေးများအတွက် Reading Challenge စာဖတ်ပြိုင်ပွဲကျင်းပမည်


စာကြည့်တိုက်အသင်းဝင် အသက်၇နှစ် မှ ၁၅နှစ် အတွင်း ကလေးများအတွက် စာဖတ်ပြိုင်ပွဲကို ၂၀၁၅ အောက်တိုဘာလ (၂) ရက်နေ့မှ နိုဝင်ဘာ (၂၇) ရက်နေ့အထိ အမှတ် ၇၈၊ ကမ်းနားလမ်း၊ ရန်ကုန်မြို့ရှိ ဗြိတိသျှကောင်စီ စာကြည့်တိုက်တွင် ကျင်းပသွားမည်ဖြစ်ပါသည်။


ကလေးများ၏ စာဖတ်သော အလေ့အထကို ပြုစုပျိုးထောင်ပေးရန် ရည်ရွယ်၍ ပြုလုပ်ခြင်းဖြစ်သည့် အဆိုပါ Reading Challenge စာဖတ်ပြိုင်ပွဲကို အဆင့် (၂) ဆင့်ဖြင့် ပြုလုပ်သွားမည် ဖြစ်သည်။


ပထမအဆင့်အနေဖြင့် စာကြည့်တိုက်ရှိ Knowledge Garden တွင် ခင်းကျင်းပြသထားသော Record Breakers မှ စာအုပ်များကို ရွေးချယ်၍ အနည်းဆုံး ၆ အုပ်ပြည့်အောင် ဖတ်ရှုရပါမည်။


ဒုတိယအဆင့်အနေဖြင့် မိမိဖတ်ရှုထားသော စာအုပ်များမှ နှစ်သက်ရာ စာအုပ်တစ်အုပ်ကို ရွေးချယ်၍ အကျဉ်းချုပ်(Book Review) ရေး၍၎င်း၊ စာအုပ်ထဲတွင်ပါဝင်သော မိမိကြိုက်နှစ်သက်ရာဇာတ်ကောင်အား ပုံတူရေးချယ်ပြီး (Drawing Competition) သို့၎င်း ဝင်ရောက်ယှဉ်ပြိုင်နိုင်ပါသည်။


ပြိုင်ပွဲအပြီးတွင် ပြိုင်ပွဲဝင်ကလေးငယ်များအတွက် ဆုပေးပွဲကို ကျင်းပပေးပါမည်။ Book Review နှင့် Drawing Competition တွင် ဆုရရှိသောသူများအား စိတ်ဝင်စားဖွယ်ဆုလက်ဆောင်များကို ပေးအပ်သွားပါမည် ဖြစ်ပြီး ဆုပေးပွဲတွင် စာအုပ် (၆) အုပ် ဖတ်ရှုပြီးစီးသည့် သူများအား ဆုတံဆိပ် (Record Breakers Medal) နှင့် ဂုဏ်ပြုလွှာ (certificate) များပေးအပ်ပါမည်။ ဆုပေးပွဲကျင်းပမည့်ရက်ကို ဒီဇင်ဘာလ ပထမအပါတ်တွင် ကြေညာပေးပါမည်။


ဗြိတိသျှကောင်စီတွင် ပြုလုပ်သည့် Reading Challenge စာဖတ်ပြိုင်ပွဲသည် ယူကေတွင် နှစ်စဉ်ကျင်းပသည့် Summer Reading Challenge ၏ ပုံစံအား နမူနာယူပြုလုပ်ကျင်းပခြင်းဖြစ်ပါသည်။ ယူကေနိုင်ငံတွင် နွေရာသီကျောင်းပိတ်ချိန်၌ ကလေးများ မိမိတို့ ရပ်ကွက်မြို့နယ် စာကြည့်တိုက်များတွင် အသင်းဝင်ကာ ၎င်းတို့နှစ်သက်ရာ စာအုပ် (၆) အုပ်အား ဖတ်ရှုစေပြီး ဖတ်ရှုသော ကလေးများအား အမှတ်တရ စတစ်ကာများ၊ ဆုများပေးခြင်းဖြင့် စာဖတ်ရန် အားပေးကြသည်။ တစ်နှစ်လျှင် မတူညီသော အကြောင်းအရာ၊ ခေါင်းစဉ်များဖြင့် ကလေးများ စိတ်ဝင်စားမှုရှိစေရန် ဆွဲဆောင်ပြုလုပ်ပေးကြပါသည်။


ဗြိတိသျှကောင်စီတွင် ပြုလုပ်သော အဆိုပါ Reading Challenge စာဖတ်ပြိုင်ပွဲအား အသင်းဝင် ကလေးမည်သူမဆို ပါဝင်နိုင်ပြီး အသင်းမဝင်ရသေးပါကလည်း အသင်းဝင်ရောက်ကာ ပါဝင်ဆင်နွှဲနိုင်ပါသည်။


အသေးစိတ်သိရှိလိုပါက ဗြိတိသျှကောင်စီ စာကြည့်တိုက် (ရန်ကုန်) ဖုန်း ၀၁ ၃၇၀၉၃၃ လိုင်းခွဲ ၃၃၁၆ သို့ ဖုန်းဆက်၍၎င်း library.enquiries@mm.britishcouncil.org သို့ အီးမေးလ်ပို့၍၎င်း ဆက်သွယ်မေးမြန်းနိုင်ပါသည်။

ပြိုင်ပွဲဝင်လိုသူများအတွက် အသေးစိတ် အချက်အလက်များ

Information for Participants.pdf

Views: 623

Reply to This

Replies to This Discussion

၁၇နှစ်သမားတွေဝင်ပြိုင်ခွင့်မရှိဘူးပေါ့ 

ဟုတ်ကဲ့ အသက် ၇ နှစ် မှ ၁၅နှစ်အတွင်း ကလေးများအတွက် အဓိကရည်ရွယ်ပါတယ်။ 

RSS

Featured Discussions

© 2019   Created by Myanmar Network.   Powered by

Badges  |  Report an Issue  |  Terms of Service