မြန်မာကျောင်းသားများအတွက် အောက်စဖို့ဒ်တက္ကသိုလ်၏ ပညာရေးဟောပြောပွဲ

ဗြိတိသျှကောင်စီမြန်မာ၏ ပံ့ပိုးကူညီမှူဖြင့် ယူကေရှိအောက်စဖို့ဒ်တက္ကသိုလ် (University of Oxford) မှ မြန်မာကျောင်းသားများအတွက် ဘွဲ့ကြို၊မဟာတန်း တက်ရောက်ရန်လမ်းကြောင်း၊ လေ့လာမှုရွေးချယ်စရာများနှင့် ပညာသင်ဆုအခွင့်အလမ်းများအကြောင်း ဟောပြောပွဲတစ်ရပ်ကို British Club (အမှတ် ၄၆၊ ဂျိုးဖြူလမ်းသွယ်၊ ဗြိတိသျှသံအမတ်အိမ်ဝင်း၊ ယုဇနဂါးဒင်းဟိုတယ်ဘေးလမ်းကြား၊ အလံပြဘုရားလမ်း၊ ရန်ကုန်) (comment တွင် ပေးထားသော မြေပုံတွင် ကြည့်ပါ) တွင် ၂၀၁၆ ဇူလိုင်လ ၁၈ ရက်နေ့ ညနေ ၃:ဝဝ မှ ၄:၃ဝ အထိ ကျင်းပပြုလုပ်သွားမည် ဖြစ်ပါသည်။ 

အများသိရှိထားသည့်အတိုင်းပင် ကမ္ဘာ့ထိပ်တန်းတက္ကသိုလ်တစ်ခုဖြစ်သည့် အောက်စဖို့ဒ် တက္ကသိုလ် တွင် ပညာသင်နိုင်ခွင့်သည် ခက်ခဲပြီး ရတောင့်ရခဲ အခွင့်အရေးတစ်ခုဖြစ်သည့်အပြင် ကမ္ဘာတစ်ဝှမ်းရှိ အထူးချွန်ဆုံး အကောင်းဆုံးဆိုသော ကျောင်းသားများကိုသာလက်ခံသည့် တက္ကသိုလ်လည်းဖြစ်ပါသည်။ အောက်စဖို့ဒ်တက္ကသိုလ်လျှောက်ထားသည့် ကျောင်းသားများ သည်လည်း ပုံမှန်အားဖြင့် ၎င်းတို့၏ အတန်းတွင်အတော်ဆုံးထိပ်ပိုင်းတွင် ရပ်တည်နေသောကျောင်းသားများဖြစ်ကြသည်။ 

ယခုဟောပြောပွဲသည် အောက်စဖို့ဒ်တက္ကသိုလ်တွင် မြန်မာကျောင်းသားများ တက်ရောက်ခွင့်ရနိုင်စေရန် လိုအပ် သည့်ပြင်ဆင်မှုများကို အောက်စဖို့ဒ်တက္ကသိုလ်မှကိုယ်စားလှယ် Mr. Loren Griffith (Director of International Strategy Office) မှဆွေးနွေးမည်ဖြစ်၍ ရည်မှန်းချက်ကြီးမား၍ ထူးချွန်သော ပညာရေးမှတ်တမ်းများရှိသော မြန်မာ ကျောင်းသားများနှင့်၎င်းတို့၏ မိဘများကို ဖိတ်ခေါ်ပါသည်။ 

ထိုင်ခုံနေရာ အကန့်အသတ် ဖြစ်သောကြောင့် ဟောပြောပွဲတွင် ထူးချွန်သောကျောင်းသားများကိုသာ ဦးစားပေး ရွေးချယ်သွားမည်ဖြစ်၍ အောက်စဖို့ဒ်တက္ကသိုလ်၏ကိုယ်စားလှယ်နှင့် ကိုယ်တိုင်ကိုယ်ကျတွေ့ဆုံ၍ စိတ်ကြိုက်အကြံဥာဏ်များကို ရယူနိုင်ရန် စိတ်ဝင်စားတက်ရောက်လိုသော ကျောင်းသားများမှ မိမိတို့၏ ပညာရေးအရည်အချင်း မှတ်တမ်းများကို imperialmerit@gmail.com သို့ အီးမေးလ်ဖြင့် ကြိုတင်ပေးပို့ကာ အမည်စာရင်းပေး မှတ်ပုံတင်ရန် လိုအပ်ပြီး ဟောပြောပွဲနေ့တွင်လည်း ကျောင်းသားများ၏ ထူးချွန်သောပညာရေးအရည်အချင်း မှတ်တမ်းများကို တစ်ပါတည်းယူဆောင်လာရန် အသိပေးလိုပါသည်။ ကျောင်းသားများထံသို့ အီးမေးလ်ဖြင့် ဆွေးနွေးပွဲ တက်ရောက်ရန် နေရာရရှိ၊ မရှိကို ပွဲစီစဉ်သူများထံမှအကြောင်းကြားပေးမည်ဖြစ်ပါသည်။ နှီးနှောဖလှယ်ပွဲသည် IGCSE တွင် အမှတ်ကောင်းကောင်း ဖြင့်အောင်မြင်ထားသော A level တက်ရောက်ရန်နှင့် IB (International Baccalaureate (IB) Diploma Program in US&UK) (သို့) AP (Advanced Placement courses for International Baccalaureate) စာမေးပွဲများ ဖြေဆိုရန် ပြင်ဆင်နေသော မြန်မာကျောင်းသားများနှင့် အစိုးရတက္ကသိုလ်များရှိ ထူးချွန်သော ဘွဲ့ကြိုကျောင်းသားများနှင့် မဟာတန်းကျောင်းသားများအတွက်ရည်ရွယ်ပါသည်။www.imperialmerit.com/events/studyingatoxford တွင် အမည်စာရင်းပေး မှတ်ပုံတင်နိုင်ပြီး ဟောပြောပွဲအစီအစဉ် အသေးစိတ်ကို သိရှိလိုပါက Imperial Merit Educational Advisory ဖုန်း ၀၁ ၃၉၅၈၁၇၊ ၃၉၅၈၁၆ သို့ခေါ်ဆို၍၎င်း၊ Facebook https://www.facebook.com/imperialmeritသို့ဆက်သွယ်၍၎င်း စုံစမ်းစာရင်းပေးနိုင်ပါသည်။

Views: 153

Reply to This

© 2017   Created by Myanmar Network.   Powered by

Badges  |  Report an Issue  |  Terms of Service